بەكتەنوۆ: ۇكىمەت بەلسەندى جۇمىس ىستەۋى كەرەك!
ۇكىمەت وتىرىسىندا وسى جىلدىڭ 9 ايىنداعى ەلىمىزدىڭ الەۋمەتتىك-ەكونوميكالىق دامۋ قورىتىندىلارى مەن رەسپۋبليكالىق بيۋدجەتتىڭ اتقارىلۋ بارىسى قارالادى.
پرەمەر-مينيستر ولجاس بەكتەنوۆ پرەزيدەنت قاسىم-جومارت توقاەۆ ەكونوميكالىق ءوسۋ جانە ازاماتتاردىڭ ءومىر ءسۇرۋ ساپاسىن جاقسارتۋ ماسەلەلەرىنە ەرەكشە نازار اۋدارىپ وتىرعانىن اتاپ ءوتتى.
«مەملەكەت باسشىسى ۇكىمەتكە ەكونوميكانىڭ ورنىقتى ءارى ساپالى دامۋىن قامتاماسىز ەتۋ ءۇشىن بارىنشا بەلسەندى جۇمىس ىستەۋدى تاپسىردى»، - دەپ اتاپ ءوتتى ولجاس بەكتەنوۆ.
جيىندا قارجى-ەكونوميكالىق بلوكقا قاراستى مينيسترلىكتەردىڭ باسشىلارى بايانداما جاسادى. بيىلعى قاڭتار-قىركۇيەك ايلارىنىڭ قورىتىندىلارى بويىنشا ءجىو ءوسىمى 4,2%-دى قۇرادى.
وڭدەۋ ونەركاسىبى، قۇرىلىس، كولىك قىزمەتتەرىندە دامۋدىڭ ەڭ جوعارى قارقىنىن كورسەتۋدە، سونداي-اق ساۋدا، اۋىل شارۋاشىلىعى جانە بايلانىس سالاسىندا وڭ ديناميكا قالىپتاسىپ وتىر.
Abai.kz
