احمەت بايتۇرسىنۇلىنىڭ اعارتۋشىلىق مۇراسىن دارىپتەۋ ماقساتىندا «سەنىمەن بولاشاق» رەسپۋبليكالىق قوعامدىق بىرلەستىگى قازان ايىندا «احمەت ايلىعىن» وتكىزۋدە. اعارتۋشىلىق باستاما اياسىندا ەلىمىز بويىنشا 100 ءىس-شارا ۇيىمداستىرۋ جوسپارلانعان.

ءىس-شارالار الماتى، استانا، قىزىلوردا، تاراز، پاۆلودار، قاراعاندى جانە كوكشەتاۋ قالالارىنداعى ءبىلىم بەرۋ ۇيىمدارى مەن اسكەري بولىمشەلەردە وتكىزىلەدى. كەزدەسۋلەر ۇلت ۇستازىنىڭ شىعارمالارىن تالقىلاۋعا، ونىڭ ەڭبەكتەرىندەگى ءبىلىم، بىرلىك، ادامگەرشىلىك پەن ەلگە قىزمەت ەتۋ يدەيالارىن كەڭىنەن ناسيحاتتاۋعا باعىتتالعان. «احمەت ايلىعى» بارىسىندا قاتىسۋشىلار ۇلت ۇستازىنىڭ ەڭبەكتەرىن تالقىلاپ، ونىڭ يدەيالارىنىڭ قازىرگى ومىرمەن ساباقتاستىعىن زەردەلەيدى.

«سەنىمەن بولاشاق» رەسپۋبليكالىق قوعامدىق بىرلەستىگىنىڭ بۇل باستاماسى الماتى، استانا، قىزىلوردا، تاراز، پاۆلودار، قاراعاندى جانە كوكشەتاۋ قالالارىندا ۇلتتىق رۋحانياتتى جاڭعىرتىپ، قوعامدا بىلىمگە، ادامگەرشىلىككە جانە ورتاق جاۋاپكەرشىلىككە نەگىزدەلگەن قۇندىلىقتاردى نىعايتۋعا باعىتتالعان.

سانالى قوعام – ساپالى مەملەكەت. احمەت بايتۇرسىنۇلىنىڭ ونەگەلى مۇراسىن ۇرپاق ساناسىنا ءسىڭىرۋ، ەل بولاشاعىنا قىزمەت ەتۋدىڭ ماڭىزدى جولى.

Abai.kz