2026 جىلعى 30 قازاندا ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىندە مەملەكەت باسشىسى قاسىم-جومارت توقاەۆتىڭ قازاقستان حالقىنا ارناعان «جاڭا تاريحي كەزەڭدەگى قازاقستاننىڭ وزەكتى مىندەتتەرى» اتتى جولداۋىندا بەلگىلەنگەن ستراتەگيالىق باسىمدىقتاردى تالقىلاۋعا ارنالعان «ۇلتتىق دامۋ كۇن تارتىبىندە – جاستار» تاقىرىبىندا ساراپشىلىق ديالوگ الاڭى ءوتتى.

ءىس-شاراعا دەپۋتاتتىق كورپۋس، مەملەكەتتىك ورگاندار مەن بيزنەس قاۋىمداستىعىنىڭ وكىلدەرى، رەسپۋبليكالىق جاستار بىرلەستىكتەرىنىڭ باسشىلارى مەن وكىلدەرى، ستۋدەنتتىك ءوزىن-ءوزى باسقارۋ ورگاندارىنىڭ مۇشەلەرى، جاستار ۇيىمدارىنىڭ وكىلدەرى جانە ستۋدەنت جاستار قاتىستى.

ديالوگ بارىسىندا قاتىسۋشىلار پرەزيدەنتتىڭ جالپىحالىقتىق اۋقىمدى قۇرىلىس باعدارلاماسىن ىسكە اسىرۋ، كولىك-لوگيستيكا ينفراقۇرىلىمىن دامىتۋ، وڭىرلەردى، اۋىل شارۋاشىلىعىن قولداۋ، تسيفرلىق ەكونوميكا قۇرۋ، جاستاردىڭ قوعامدىق-ساياسي ومىرگە قاتىسۋ مۇمكىندىكتەرىن كەڭەيتۋ، كاسىپكەرلىكتى دامىتۋ جانە كاسىبي الەۋەتىن ارتتىرۋ جونىندەگى باستامالارىنا ەرەكشە نازار اۋداردى.

جاستار ۇيىمدارىنىڭ جەتەكشىلەرى مەملەكەت باسشىسى ۇسىنعان ەلدىڭ الەۋمەتتىك-ەكونوميكالىق دامۋىنا ارنالعان ۇزاق مەرزىمدى قۇجاتتىڭ ىسكە اسىرىلۋىنا اتسالىسۋعا دايىن ەكەندىكتەرىن مالىمدەدى.

ءىس-شاراعا سپيكەر رەتىندە قر قۇرىلتايىنىڭ دەپۋتاتتارى اقەركە يسكاندەروۆا مەن دينارا ناۋموۆا، قر مادەنيەت جانە اقپارات مينيسترلىگى جاستار جانە وتباسى ىستەرى كوميتەتىنىڭ توراعاسى قايرات قامباروۆ، سونداي-اق Aitas حولدينگىنىڭ سىرتقى بايلانىستار جانە GR جونىندەگى ۆيتسە-پرەزيدەنتى دانيار توقتارباەۆ قاتىستى.

ءىس-شارانىڭ مودەراتورى – «جاستار» عىلىمي-زەرتتەۋ ورتالىعىنىڭ ديرەكتورى، ساياساتتانۋشى، قازاقستان حالىق كەڭەسىنىڭ مۇشەسى نايلا مۇحتاروۆا.

كەزدەسۋدى ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى ەرلان سىدىقوۆ كىرىسپە ءسوز سويلەپ اشتى. ول ءوز سوزىندە مەملەكەت باسشىسى قاسىم-جومارت توقاەۆتىڭ جولداۋىنىڭ ماڭىزدىلىعىنا توقتالىپ، پرەزيدەنت ايقىنداعان باسىم باعىتتاردىڭ قازاقستاننىڭ ودان ءارى الەۋمەتتىك-ەكونوميكالىق دامۋى ءۇشىن ءمانى زور ەكەنىن اتاپ ءوتتى.

اشىق پىكىرتالاس بارىسىندا جاستار بىرلەستىكتەرى مەن ستۋدەنتتەر ۇلتتىق باسىمدىقتاردى ىسكە اسىرۋعا قاتىسۋدىڭ ناقتى تەتىكتەرىن، ازاماتتىق جاۋاپكەرشىلىكتى نىعايتۋ جانە مەملەكەتتىك ينستيتۋتتارمەن، بيزنەس وكىلدەرىمەن ءوزارا ءىس-قيمىلدى دامىتۋ جولدارىن تالقىلادى.
قاتىسۋشىلار پرەزيدەنت جولداۋىندا بەلگىلەنگەن ەل دامۋىنىڭ ستراتەگيالىق باعىتتارىن قولدايتىندارىن ءبىلدىرىپ، جاستاردى قوعامدىق وزگەرىستەرگە بەلسەندى تارتۋدىڭ ماڭىزىن اتاپ ءوتتى. وزەكتى ماسەلەلەردى تالقىلاۋمەن شەكتەلمەي، ناقتى باستامالاردى جۇزەگە اسىرۋعا جانە ۇلتتىق دامۋ مىندەتتەرىن شەشۋگە جاستاردىڭ تىكەلەي قاتىسۋىنا ەرەكشە ءمان بەرىلدى.

جاستار بىرلەستىكتەرى مەن ستۋدەنتتەر وكىلدەرىنىڭ پرەزيدەنت باستامالارىنا قولداۋ ءبىلدىرۋى جاس ۇرپاقتىڭ بەلسەندى ازاماتتىق ۇستانىمىن كورسەتتى.

ءىس-شارا مەملەكەت باسشىسىنىڭ ستراتەگيالىق باستامالارىن ىسكە اسىرۋ ماسەلەلەرى بويىنشا جاستار، مەملەكەتتىك ينستيتۋتتار، دەپۋتاتتىق كورپۋس جانە بيزنەس قاۋىمداستىعى وكىلدەرى اراسىندا اشىق ديالوگ الاڭىن قالىپتاستىرۋ ماقساتىندا «جاستار» عىلىمي-زەرتتەۋ ورتالىعىنىڭ ۇيىمداستىرۋىمەن وتكىزىلدى.

Abai.kz