پاۆلودار قالاسىنىڭ «وپتيميست» مۇگەدەكتەر قوعامىندا تاعى داۋ شىقتى. بۇل جولى جارىم جاندار ارباعا ەمەس، تاققا تالاسىپ ىشىنەن ءىرىپ جاتىر. كاسىپتەن ءناسىپ تاۋىپ، ءوز قوتىرىن ءوزى قاسىپ كەلگەن مۇگەدەكتەر قوعامى قازىر قاق جارىلعان. بىرەۋى، ەكس-توراعا ەرشوۆانى قولداسا، قالعانى قوعامنىڭ قازانىن قايناتىپ وتىرعان يۋرچەنكونى جاقتاپ وتىر. جارىم جانداردى «سىزبەن-بىزگە» بولگەن داۋدىڭ تۋىنداۋىنا بۇرىنعى ءتورايىمنىڭ بانكتەن العان اقشاسى تۇرتكى بولعانعا ۇقسايدى. ول، قوعام اتىنان 2ملن.100-مىڭ تەڭگەنى ەشكىمگە ايتپاستان نەسيەگە الىپ، وسى اقشاعا پاتەر ساتىپ الادى. بۇعان شىداماعان  «وپتيميستتىكتەر» باسشىلارىن قىزمەتىنەن بوساتىپ، ونى سوتقا بەرگەن. جارتى جىل بويى قوعامنىڭ تىرلىگىن تىرنەكتەپ تەكسەرگەن، قارجى پوليتسەيلەرى ەرشوۆا حانىمنىڭ زاڭدى بۇزباعانىن انىقتايدى. سوتتا ونى اقتاپ شىقتى. قوعامنىڭ قوماقتى قارجىسىن قالتاسىنا باستى دەپ، بىلتىر كۇزدە قىزمەتىنەن بوساتىلعان ەرشوۆا حانىم، ەندى سوت شەشىمىمەن ءوز ورنىنا قايتا جايعاساتىن بولدى. الايدا، اتى-شۋلى باسشىنى ەشكىم قۇشاق جايا قارسى العان جوق. قاراۋىلمەن كەلگەن ناتاليا ەرشوۆا ءوز كابينەتىن شابۋىلداۋىنا تۋرا كەلدى. ويتكەنى، جارىم جاندار كابينەتتى بەكىتىپ تاستاعان. «بولگاركانىڭ» كومەگىمەن كەڭسە تورىنە جايعاسقان سۋ جاڭا باسشى، مورمەن قوعام قۇجاتتارىنىڭ جوعالىپ كەتكەنىن ءبىلدى. نە بولسا دا، بيلىك بيشىگىن قايتا قولىنا العان ەرشوۆا قوعامدى ءتارتىپ ورناتامىن-دەپ، قۇلشىنىپ وتىر.

پاۆلودار قالاسىنىڭ «وپتيميست» مۇگەدەكتەر قوعامىندا تاعى داۋ شىقتى. بۇل جولى جارىم جاندار ارباعا ەمەس، تاققا تالاسىپ ىشىنەن ءىرىپ جاتىر. كاسىپتەن ءناسىپ تاۋىپ، ءوز قوتىرىن ءوزى قاسىپ كەلگەن مۇگەدەكتەر قوعامى قازىر قاق جارىلعان. بىرەۋى، ەكس-توراعا ەرشوۆانى قولداسا، قالعانى قوعامنىڭ قازانىن قايناتىپ وتىرعان يۋرچەنكونى جاقتاپ وتىر. جارىم جانداردى «سىزبەن-بىزگە» بولگەن داۋدىڭ تۋىنداۋىنا بۇرىنعى ءتورايىمنىڭ بانكتەن العان اقشاسى تۇرتكى بولعانعا ۇقسايدى. ول، قوعام اتىنان 2ملن.100-مىڭ تەڭگەنى ەشكىمگە ايتپاستان نەسيەگە الىپ، وسى اقشاعا پاتەر ساتىپ الادى. بۇعان شىداماعان  «وپتيميستتىكتەر» باسشىلارىن قىزمەتىنەن بوساتىپ، ونى سوتقا بەرگەن. جارتى جىل بويى قوعامنىڭ تىرلىگىن تىرنەكتەپ تەكسەرگەن، قارجى پوليتسەيلەرى ەرشوۆا حانىمنىڭ زاڭدى بۇزباعانىن انىقتايدى. سوتتا ونى اقتاپ شىقتى. قوعامنىڭ قوماقتى قارجىسىن قالتاسىنا باستى دەپ، بىلتىر كۇزدە قىزمەتىنەن بوساتىلعان ەرشوۆا حانىم، ەندى سوت شەشىمىمەن ءوز ورنىنا قايتا جايعاساتىن بولدى. الايدا، اتى-شۋلى باسشىنى ەشكىم قۇشاق جايا قارسى العان جوق. قاراۋىلمەن كەلگەن ناتاليا ەرشوۆا ءوز كابينەتىن شابۋىلداۋىنا تۋرا كەلدى. ويتكەنى، جارىم جاندار كابينەتتى بەكىتىپ تاستاعان. «بولگاركانىڭ» كومەگىمەن كەڭسە تورىنە جايعاسقان سۋ جاڭا باسشى، مورمەن قوعام قۇجاتتارىنىڭ جوعالىپ كەتكەنىن ءبىلدى. نە بولسا دا، بيلىك بيشىگىن قايتا قولىنا العان ەرشوۆا قوعامدى ءتارتىپ ورناتامىن-دەپ، قۇلشىنىپ وتىر. ءوز كىناسىن جۋىپ شايۋعا تىرىسقان ول، «بانكتەن العان نەسيەسىن ءوز قالتاسىنان جاباتىنىن» جالپاق جۇرتقا جايىپ سالدى. جارتى جىل بويى جاعا جىرتىسقان زاعيپ جاندار، بۇدان كەيىندە ىمىراعا كەلە قويۋى ەكى تالاي سەكىلدى. كوپ جىل بويى قوعام قاتارىندا جۇمىس ىستەپ كەلە جاتقان گالينا يۋنەماننىڭ پىكىرىنشە، «بيلىككە تالاسقان ەكى باستىق ءبىر-ءبىرىن قارجىلىق قيتۇرقى ارەكەتتەرگە باردى دەپ ايىپتاپ، كۇيە جاعۋدان باسقاعا بارا المايدى». ال، بۇل ورايدا مۇگەدەكتەر مۇددەسى ەسكەرۋسىز قالعانىن العا تارتىپ وتىر. ۇيىمدى پايدا تابۋ كوزىنە اينالدىرعان ەكى باسشى، سۇتتەن اق، سۋدان تازا ەكەنىن ايتىپ، زاعيپ جانداردى سابىرعا شاقىرىپ الەك. بىراق، قۇرعاق سوزدەن جالىققان مۇگەدەكتەر ەندى قوعام ىشىندەگى جارعىنى وزگەرتىپ، جاڭا باسشى سايلاماق ويدا. ايتا كەتسەك، جىل سايىن ميلليونداعان تەڭگەنى اينالدىرىپ، مەملەكەتتىك تاپسىرىسقا يە بولىپ وتىرعان «وپتيميست» قوعامى قالاداعى جولاۋشىلار كولىكتەرىنە قىزمەت كورسەتۋمەن دە اينالىسادى. مۇگەدەكتەر مۇددەسىن ۇمىتىپ، قۇلقىننىڭ قۇلىنا اينالعان ەكى باسشىنىڭ ايتىس تارتىسى مۇنىمەن اياقتالمايتىنعا ۇقسايدى. ويتكەنى، سوتتىڭ سوڭعى شەشىمىن ادىلەتسىز دەپ وتىرعان ەكىنشى جاق ەرشوۆانى تاعى دا سوتقا بەرمەك. سونىمەن كىمنىڭ ۇتىپ، كىمنىڭ تۇتىلعانى ازىرگە بەلگىسىز. انىعى، ىشىنەن ءىرىپ جاتقان قوعام مۇشەلەرى سوتتاسۋدى ودان ارى جالعاستىرا بەرمەك.

P.S اتام قازاق «ەكى قوشقاردىڭ باسى ءبىر قازانعا سىيمايدى» دەۋشى ەدى... تەگى راس-اۋ.

عابيت بوتاقارا.