قازاقتىڭ كەمەڭگەر اقىنى، ۇلى ويشىلى ابايدى رەسەي باسپاگەرلەرى دە دارىپتەپ جاتىر. بەلگىلى «مولودايا گۆارديا» باسپاسى «جيزن زامەچاتەلنىح ليۋدەي» سەرياسىنا اباي قۇنانبايۇلىن دا ەنگىزىپتى. كەشە استانا قالاسىنداعى ۇلتتىق اكادەميالىق كىتاپحانادا وسى سەريامەن شىققان «اباي» اتتى كىتاپتىڭ تانىستىرىلىمى ءوتتى. بۇل رەسەيلىكتەردىڭ ابايدى مويىندايتىنىنىڭ تاعى ءبىر كورىنىسى بولسا كەرەك.
كىتاپ اۆتورى – م.ۆ.لومونوسوۆ اتىنداعى ماسكەۋ ۋنيۆەرسيتەتىنىڭ پروفەسسورى، فيلولوگيا عىلىمىنىڭ دوكتورى نيكولاي اركادەۆيچ اناستاسەۆ. حح عاسىرداعى امەريكا ادەبيەتىن زەرتتەۋمەن اينالىساتىن ول 20-دان اسا مونوگرافيانىڭ، مىڭعا جۋىق ماقالالاردىڭ اۆتورى، ەڭبەكتەرى رەسەي، اقش جانە كوپتەگەن ەۋروپا ەلدەرىندە جارىق كورگەن.

قازاقتىڭ كەمەڭگەر اقىنى، ۇلى ويشىلى ابايدى رەسەي باسپاگەرلەرى دە دارىپتەپ جاتىر. بەلگىلى «مولودايا گۆارديا» باسپاسى «جيزن زامەچاتەلنىح ليۋدەي» سەرياسىنا اباي قۇنانبايۇلىن دا ەنگىزىپتى. كەشە استانا قالاسىنداعى ۇلتتىق اكادەميالىق كىتاپحانادا وسى سەريامەن شىققان «اباي» اتتى كىتاپتىڭ تانىستىرىلىمى ءوتتى. بۇل رەسەيلىكتەردىڭ ابايدى مويىندايتىنىنىڭ تاعى ءبىر كورىنىسى بولسا كەرەك.
كىتاپ اۆتورى – م.ۆ.لومونوسوۆ اتىنداعى ماسكەۋ ۋنيۆەرسيتەتىنىڭ پروفەسسورى، فيلولوگيا عىلىمىنىڭ دوكتورى نيكولاي اركادەۆيچ اناستاسەۆ. حح عاسىرداعى امەريكا ادەبيەتىن زەرتتەۋمەن اينالىساتىن ول 20-دان اسا مونوگرافيانىڭ، مىڭعا جۋىق ماقالالاردىڭ اۆتورى، ەڭبەكتەرى رەسەي، اقش جانە كوپتەگەن ەۋروپا ەلدەرىندە جارىق كورگەن.
«اباي» كىتابىنىڭ تانىستىرىلىمىنا ارنايى كەلگەن مادەنيەت جانە اقپارات ءمينيسترى مۇحتار قۇل-مۇحاممەد: «اباي اتامىز تۋرالى جازىلعان كىتاپتىڭ 150 ميلليون وقىرمانى بار رەسەي ەلىنە تارالۋىنىڭ ءوزى – ۇلكەن قۋانىش، ال وسىنداي اۋديتورياعا كىتاپ جازۋدىڭ ءوزى قانداي جاۋاپكەرشىلىك ەكەنى تۇسىنىكتى شىعار. بۇل سەريانىڭ ارنايى تالاپتارى بار. ياعني ادامزات تاريحىنىڭ ۇلى تۇلعالارى، ءومىرى مەن تىرشىلىگى وزگەگە ونەگە بولاتىن ادام عانا اتالمىش سەرياعا ەنە الادى. كىتاپتىڭ ابايتانۋ باعىتىنا ۇلكەن ۇلەس قوساتىنى ءسوزسىز. ارينە، كىتاپ تۋرالى ويلار الداعى ۋاقىتتا ايتىلا جاتار، بىراق ءوز باسىم اۆتورعا باعىت بەرىپ، اقىلداسىپ وتىرعان ادام رەتىندە كىتاپتىڭ مازمۇنىمەن تانىسپىن، ياعني باسپاعا جىبەرىلمەي تۇرىپ وقىپ شىققاندىقتان، كىتاپقا جوعارى باعا بەرەمىن»، – دەدى.
اۆتوردىڭ ءوزى «اباي» اتتى كىتابىندا ۇلى اقىندى ادامزات تاريحىنداعى وزگە دە دارا تۋعان ويشىلدارمەن سالىستىرا وتىرىپ، ولاردىڭ ۇندەستىگى مەن ويلارىنىڭ ۇقساستىقتارى باعىتىندا زەرتتەگەنىن اتاپ ءوتتى. ول ءوزىن ءار عاسىردا ءومىر سۇرگەن عالىمدار مەن ويشىلداردىڭ ءوزارا ۇقساس پىكىرلەرى مەن وي-تولعامدارى قاتتى تاڭعالدىرعانىن جاسىرمادى.
امەريكا ادەبيەتىن زەرتتەپ ءجۇرىپ، اناۋ جاقتاعى اناستاسەۆتىڭ الاشتىڭ ابايىنا دەن قويۋى، ارينە، كوڭىل قۋانتادى. الايدا الاش بالاسى ورىستان باسقا دا حالىقارالىق تىلدەردە ءوزىنىڭ داڭقىن تانىتار كەزگە قاشان اياق باسار ەكەن؟ الاش ارداگەرلەرىن اناستاسەۆتەر عانا ارداقتاۋ كەرەك پە ەكەن…

ءلازيزا جاھانعالي، استانا
“الاش ايناسى” گازەتى 26 مامىر 2009 جىل