استانا. 27 مامىر. قازتاگ – قر پارلامەنتىنىڭ ءماجىلىسى «كەيبىر زاڭ اكتىلەرىنە ءولىم جازاسى ماسەلەلەرى بويىنشا وزگەرتۋلەر مەن تولىقتىرۋلار ەنگىزۋ تۋرالى» زاڭ جوباسىن ەكىنشى وقىلىمدا ماقۇلدادى.

تۇزەتۋلەر ءولىم جازاسىن ەڭ جوعارعى جازا رەتىندە پايدالانۋدىڭ اياسىن قىسقارتۋدى قاراستىرادى. وسىلايشا، ءولىم جازاسى بەلگىلەنۋى مۇمكىن قىلمىستاردىڭ سانىن 18-دەن 8-گە دەيىن ازايتۋ ۇسىنىلىپ وتىر.

سونىڭ ىشىندە، ەڭ جوعارعى جازانى گەنوتسيد، جالشىلىق، مەملەكەتتىك ساتقىندىق، رەسپۋبليكا پرەزيدەنتىنىڭ ومىرىنە قاستاندىق جاساۋ، ديۆەرسيا، تەرروريزم، سوعىس جۇرگىزۋدىڭ تىيىم سالىنعان قۇرالدارى مەن ادىستەرىن پايدالانۋ، سونداي-اق، اگرەسسيالىق سوعىستى جوسپارلاۋ، دايىنداۋ، ءورشىتۋ جانە جۇرگىزۋ ءۇشىن بەلگىلەۋ ۇسىنىلىپ وتىر.

«جازانىڭ ەرەكشە ءتۇرى قاراستىرىلعان 10 جاعدايدا ءولىم جازاسىن ءومىر بويى باس بوستاندىعىنان ايىرۋ جازاسىنا اۋىستىرۋ ۇسىنىلىپ وتىر»، - دەپ تۇسىندىرگەن ەدى بۇعان دەيىن ادىلەت ۆيتسە-ءمينيسترى دۋلات قۇسداۋلەتوۆ.

استانا. 27 مامىر. قازتاگ – قر پارلامەنتىنىڭ ءماجىلىسى «كەيبىر زاڭ اكتىلەرىنە ءولىم جازاسى ماسەلەلەرى بويىنشا وزگەرتۋلەر مەن تولىقتىرۋلار ەنگىزۋ تۋرالى» زاڭ جوباسىن ەكىنشى وقىلىمدا ماقۇلدادى.

تۇزەتۋلەر ءولىم جازاسىن ەڭ جوعارعى جازا رەتىندە پايدالانۋدىڭ اياسىن قىسقارتۋدى قاراستىرادى. وسىلايشا، ءولىم جازاسى بەلگىلەنۋى مۇمكىن قىلمىستاردىڭ سانىن 18-دەن 8-گە دەيىن ازايتۋ ۇسىنىلىپ وتىر.

سونىڭ ىشىندە، ەڭ جوعارعى جازانى گەنوتسيد، جالشىلىق، مەملەكەتتىك ساتقىندىق، رەسپۋبليكا پرەزيدەنتىنىڭ ومىرىنە قاستاندىق جاساۋ، ديۆەرسيا، تەرروريزم، سوعىس جۇرگىزۋدىڭ تىيىم سالىنعان قۇرالدارى مەن ادىستەرىن پايدالانۋ، سونداي-اق، اگرەسسيالىق سوعىستى جوسپارلاۋ، دايىنداۋ، ءورشىتۋ جانە جۇرگىزۋ ءۇشىن بەلگىلەۋ ۇسىنىلىپ وتىر.

«جازانىڭ ەرەكشە ءتۇرى قاراستىرىلعان 10 جاعدايدا ءولىم جازاسىن ءومىر بويى باس بوستاندىعىنان ايىرۋ جازاسىنا اۋىستىرۋ ۇسىنىلىپ وتىر»، - دەپ تۇسىندىرگەن ەدى بۇعان دەيىن ادىلەت ۆيتسە-ءمينيسترى دۋلات قۇسداۋلەتوۆ.

تۇزەتۋلەر جازانى ءومىر بويى باس بوستاندىعىنان ايىرۋ جازاسىنا كەلەسى قىلمىستاردى جاساعانى ءۇشىن اۋىستىرۋدى ۇسىنادى: كىسى ءولتىرۋ، سوت تورەلىگىن نەمەسە الدىن الا تەرگەۋدى جۇزەگە اسىرىپ جاتقان تۇلعانىڭ ومىرىنە قاستاندىق جاساۋ، باعىنباۋ نەمەسە بۇيرىقتى ورىنداماۋ; باستىققا قارسىلىق تانىتۋ نەمەسە ونى قىزمەتتىك مىندەتتەرىن بۇزۋعا ماجبۇرلەۋ; باسشىلىققا قاتىستى زورلىق ارەكەتتەرى; دەزەرتيرلىك; ءوز-وزىنە جاراقات جاساۋ ارقىلى اسكەري قىزمەتتەن جالتارۋ; اسكەري كەزەكشىلىكتى اتقارۋدىڭ ەرەجەلەرىن بۇزۋ; بيلىكتى تەرىس ماقساتتا پايدالانۋ، بيلىكتى اسىرا پايدالانۋ نەمەسە ارەكەتسىزدىك تانىتۋ; قارسىلاسقا سوعىس جۇرگىزۋ قۇرالىن تاپسىرۋ نەمەسە قالدىرۋ.

سونداي-اق، ۇسىنىستارمەن قىلمىستىق كودەكستىڭ گەنوتسيد، مەملەكەتتىك ساتقىندىق جانە اسكەري قىلمىستار جاساعانى ءۇشىن جازا قاراستىراتىن باپتارىنىڭ قۇرىلىمىن وزگەرتۋ ۇسىنىلعان. بۇل قىلمىستار بەيبىت جانە سوعىس ۋاقىتىندا جاسالۋ بويىنشا بولەكتەنگەن. اتالعان قىلمىستاردى تەك سوعىس ۋاقىتىندا عانا جاساعانى ءۇشىن ءولىم جازاسى تۇرىندەگى جازا قاراستىرىلعان.

قازاقستاننىڭ قولدانىستاعى قىلمىستىق كودەكسىندە ءولىم جازاسى قىلمىستىڭ 18 ءتۇرى بويىنشا بەلگىلەنگەن، ولاردىڭ 10-ى سوعىس كەزىندە جاسالاتىن اسكەري قىلمىستار بولىپ تابىلادى.

ءولىم جازاسى ايەلدەرگە، سونداي-اق، 18 جاسقا دەيىنگى جاستا قىلمىس جاساعان تۇلعالارعا جانە سوت ۇكىمى شىققان ساتتە 65 جاسقا تولعان ەر ادامدارعا بەلگىلەنبەيدى. ءولىم جازاسى 25 جىلعا نەمەسە ءومىر بويى باس بوستاندىعىنان ايىرۋ جازاسىنا اۋىستىرىلۋى مۇمكىن.

2003 جىلدىڭ جەلتوقسانىنان قازاقستاندا ءولىم جازاسىنا موراتوري جاريالاندى. ەڭ جوعارعى جازا رەتىندە ءومىر بويى باس بوستاندىعىنان ايىرۋ جازاسى قولدانىلىپ ءجۇر.