استانا. 2 ءساۋىر. قازتاگ – مەملەكەت باسشىسى نۇرسۇلتان نازارباەۆ شىعىس قازاقستان وبلىسىنداعى كوكتەمگى سۋ تاسقىنىنىڭ سالدارىن جويۋ ماسەلەسى تالقىلانعان جۇمىس كەڭەسى بارىسىندا ءبىرىنشى كەزەكتە تابيعي اپاتتان زارداپ شەككەندەرگە كومەك كورسەتۋ قاجەتتىگىنە نازار اۋداردى.

«پرەزيدەنت تابيعات اپاتىنان زارداپ شەككەن ادامدارعا ءبىرىنشى كەزەكتە كومەك كورسەتۋ، بالالاردى جۇمىس ىستەپ تۇرعان مەكتەپتەرگە ورنالاستىرۋ ماسەلەسىنىڭ ماڭىزدىلىعىنا تاعى دا باسا نازار اۋداردى. بيىلعى جىلدىڭ 15 ساۋىرىنە دەيىنگى مەرزىمدە بارلىق زارداپ شەككەندەردىڭ ءتىزىمىن انىقتاپ، قاجەتتى قارجىلىق كومەك ءبولىپ، جازدىڭ اياعىنا دەيىن اياقتاۋ ءۇشىن قالپىنا كەلتىرۋ جۇمىستارىنىڭ كولەمىن ايقىنداپ، ءىستى تەزدەتىپ باستاۋ كەرەك»، - دەلىنگەن اق وردانىڭ رەسمي سايتىندا جۇما كۇنى جاريالانعان اقپاراتتىق ءباسپاسوز پاراقشاسىندا.

بۇرىن حابارلانعانداي، كۇن كۇرت جىلىپ، قار ەرۋىنە بايلانىستى سۋ قويمالارى تولىپ، تاسىدى. سونىڭ سالدارىنان شىعىس قازاقستان وبلىسىنىڭ بىرقاتار اۋىلدارى مەن الماتى وبلىسىنىڭ اقسۋ اۋدانىنداعى اۋىلداردى سۋ باسىپ، بۇل جەردە سۋ قويماسىنداعى اپاتقا بايلانىستى 44 ادام قازا بولدى. 

«قازىر قىزىلاعاشتا قالپىنا كەلتىرۋ جۇمىستارى جۇرگىزىلۋدە. باسپاناسىز قالعاندار بيىلعى جازدا قالپىنا كەلتىرىلگەن ۇيلەرىنە قايتا ورالاتىن بولادى. ءبىز ازاماتتارىمىزدى قامقورلىقسىز قالدىرمايمىز»، - دەپ اتاپ كورسەتتى پرەزيدەنت.

استانا. 2 ءساۋىر. قازتاگ – مەملەكەت باسشىسى نۇرسۇلتان نازارباەۆ شىعىس قازاقستان وبلىسىنداعى كوكتەمگى سۋ تاسقىنىنىڭ سالدارىن جويۋ ماسەلەسى تالقىلانعان جۇمىس كەڭەسى بارىسىندا ءبىرىنشى كەزەكتە تابيعي اپاتتان زارداپ شەككەندەرگە كومەك كورسەتۋ قاجەتتىگىنە نازار اۋداردى.

«پرەزيدەنت تابيعات اپاتىنان زارداپ شەككەن ادامدارعا ءبىرىنشى كەزەكتە كومەك كورسەتۋ، بالالاردى جۇمىس ىستەپ تۇرعان مەكتەپتەرگە ورنالاستىرۋ ماسەلەسىنىڭ ماڭىزدىلىعىنا تاعى دا باسا نازار اۋداردى. بيىلعى جىلدىڭ 15 ساۋىرىنە دەيىنگى مەرزىمدە بارلىق زارداپ شەككەندەردىڭ ءتىزىمىن انىقتاپ، قاجەتتى قارجىلىق كومەك ءبولىپ، جازدىڭ اياعىنا دەيىن اياقتاۋ ءۇشىن قالپىنا كەلتىرۋ جۇمىستارىنىڭ كولەمىن ايقىنداپ، ءىستى تەزدەتىپ باستاۋ كەرەك»، - دەلىنگەن اق وردانىڭ رەسمي سايتىندا جۇما كۇنى جاريالانعان اقپاراتتىق ءباسپاسوز پاراقشاسىندا.

بۇرىن حابارلانعانداي، كۇن كۇرت جىلىپ، قار ەرۋىنە بايلانىستى سۋ قويمالارى تولىپ، تاسىدى. سونىڭ سالدارىنان شىعىس قازاقستان وبلىسىنىڭ بىرقاتار اۋىلدارى مەن الماتى وبلىسىنىڭ اقسۋ اۋدانىنداعى اۋىلداردى سۋ باسىپ، بۇل جەردە سۋ قويماسىنداعى اپاتقا بايلانىستى 44 ادام قازا بولدى. 

«قازىر قىزىلاعاشتا قالپىنا كەلتىرۋ جۇمىستارى جۇرگىزىلۋدە. باسپاناسىز قالعاندار بيىلعى جازدا قالپىنا كەلتىرىلگەن ۇيلەرىنە قايتا ورالاتىن بولادى. ءبىز ازاماتتارىمىزدى قامقورلىقسىز قالدىرمايمىز»، - دەپ اتاپ كورسەتتى پرەزيدەنت.
قايعىلى اپاتتىڭ قايتالانباۋى ءۇشىن جانە جاعدايمەن تانىسۋ ءۇشىن شقو-عا پرەمەر-ءمينيستردىڭ ءبىرىنشى ورىنباسارى ومىرزاق شوكەەۆ باستاعان ۇكىمەتتىك كوميسسيا بارىپ قايتتى. ونىڭ مالىمەتتەرىنشە قازىرگى ۋاقىتتا وڭىردە اباي، زايسان، كۇرشىم جانە تارباعاتاي اۋداندارى سۋ استىندا قالعان.

ەلباسى سونداي-اق، تجم مەن جەرگىلىكتى اكىمدىكتەردىڭ ءىس-ارەكەتتەرىنىڭ ارقاسىندا سولتۇستىك جانە شىعىس وڭىرلەردە ۇكىمەت پەن ءوڭىر باسشىلارى ەلدى مەكەندەرگە جىلۋ مەن ەلەكتر جانە سۋمەن قامتاماسىز ەتۋدى ۇزبەدى، ال شقو-دا ادام ولىمىنە جول بەرىلمەدى، دەپ اتاپ ءوتتى.

وبلىستا سۋ تاسقىنى ءالى دە بولۋى قاۋپى بار بولعاندىقتان، تجم توبىن 544 ادامعا كۇشەيتۋ تۋرالى شەشىم قابىلداندى. بۇدان باسقا، پرەزيدەنتتىڭ تاپسىرماسى بويىنشا وبلىسقا جالپى قۇنى 360 ميلليون تەڭگەنى قۇرايتىن كۇندەلىكتى تۇرمىسقا قاجەتتى زاتتار مەن ازىق-تۇلىك جەتكىزىلۋدە.
ءوز كەزەگىندە كەڭەسكە قاتىسۋشى باس پروكۋرور ق.ءمامي ەلىمىزدەگى بارلىق سۋ قويمالارىن پايدالانۋ بارىسىنا تەكسەرىس تۋرالى مالىمدەدى. ولاردى پايدالانۋ، ۇستاۋ، الدىن الۋ جانە جوندەۋ جۇرگىزۋدەگى ەرەجەلەر بۇزىلعان جاعدايدا ءتيىستى لاۋازىمدىق تۇلعالار قىلمىستىق جاۋاپكەرشىلىككە دەيىن تارتىلادى.

كەڭەستى قورىتىندىلاي كەلە، ەلباسى ەلىمىزدىڭ بارلىق ءوڭىرىنىڭ اكىمدەرىنە گيدروتەحنيكالىق عيماراتتاردى جوندەۋ، كوپىرلەردى، اۆتوكولىك ينفراقۇرىلىمىن قالپىنا كەلتىرۋ مىندەتى جۇكتەلدى. مۇمكىندىگىنشە تۇرعىن ۇيلەردى جانە ينجەنەرلىك ينفراقۇرىلىمداردى قالپىنا كەلتىرۋ جۇمىستارىنا ەلىمىزدىڭ بارلىق وڭىرلەرىن، ۇلتتىق كومپانيالارىن جانە حولدينگىلەرىن تارتۋ قاجەت. ەپيدەميولوگيالىق جاعدايدى باقىلاۋدا ۇستاۋ ماڭىزدى. مال ءولىمى قاۋىپتى ينفەكتسيالاردىڭ تارالىپ كەتۋىنە اكەلىپ سوقپاۋى ءتيىس. سونداي-اق اۋىل ادامدارىنىڭ مال ساتىپ الۋلارى ءۇشىن جەڭىلدىكپەن كرەديتتەر بەرۋدى ۇيىمداستىرۋ قاجەت.

مەملەكەت باسشىسى ەلىمىزدىڭ بارلىق ءوڭىرىنىڭ اكىمدەرى، مەملەكەتتىك ورگانداردىڭ باسشىلارى سۋ تاسقىنىنىڭ الدىن الۋ ماسەلەسىن ءجىتى قاداعالاپ، بارلىق سۋ قويمالارىنىڭ، پلوتينالاردىڭ، بوگەتتەردىڭ، وزگە دە گيدروعيماراتتاردىڭ جاعدايىن جان-جاقتى تەكسەرۋلەرى قاجەتتىگىن اتاپ ءوتتى. كۇنى-ءتۇنى كەزەكشىلىك ۇيىمداستىرىپ، بارلىق ماسەلەنى باقىلاۋدا ۇستاۋ قاجەت. سۋ تاسقىنىنىڭ سالدارىن جويۋ جونىندەگى جۇمىستاردى ۇيلەستىرۋ پرەمەر-ءمينيستردىڭ ءبىرىنشى ورىنباسارى ءو.شوكەەۆكە جۇكتەلدى.

«ءسوز سوڭىندا، ءبىزدىڭ ءبارىمىز كۇردەلى جاعدايدان ساباق الىپ، ونى جويۋعا دايىن بولۋعا، قاجەتتى ماتەريالدىق رەزەرۆتى دەر كەزىندە جاساقتاي الۋعا ءتيىسپىز دەگىم كەلەدى. بىزگە سونداي-اق اۋماققا قاتىستى قاۋىپتى تەحنوگەندىك جاعدايعا تەكسەرىس جۇرگىزۋدى باستاۋ قاجەت. ءبىز ەلىمىز حالقىنىڭ مۇددەسى ءۇشىن قىراعى بولۋىمىز قاجەت»، - دەپ اتاپ كورسەتتى پرەزيدەنت.