استانا قالاسىنداعى №2 سارىارقا اۋداندىق سوتىندا «قازاتومونەركاسىپ» ۇلتتىق كومپانياسىنىڭ بۇرىنعى باسشىسى مۇحتار جاكىشەۆتىڭ ءىسى بويىنشا سوت پروتسەسى جابىق ەسىكتىڭ ارعى جاعىندا ءوتىپ جاتىر. الايدا، مۇحتاردىڭ قورعاۋشىسى نۇرلان بەيسەكەەۆتىڭ ايتۋىنشا، سەنساتسيالىق سوتتا قارالىپ جاتقان قىلمىستىق ءىستىڭ بىردە-ءبىر قۇجاتىندا «اسا قۇپيا» دەگەن ءمور جوق كورىنەدى. ەڭ سوراقىسى سول، وسى «قۇپيالىقتىڭ» كەسىرىنەن م. جاكىشەۆتىڭ وققاعارى تالعات قىستاۋباەۆتىڭ قورعاۋشىسى حاميدا ايتقاليەۆا سوتتىڭ ەسىگى تۇگىلى، تەسىگىنەن دە سىعالاي الماي ءجۇر. ءوز ارەكەتىنەن تۇك شىقپاعان سوڭ، اشىنعان ايتقاليەۆا قۇزىرلى مەملەكەتتىك ورگانداردىڭ وكىلدەرىنىڭ ۇستىنەن سوتقا شاعىمداناتىنىن مالىمدەدى.

سوتتاعى سايكەسسىزدىك

استانا قالاسىنداعى №2 سارىارقا اۋداندىق سوتىندا «قازاتومونەركاسىپ» ۇلتتىق كومپانياسىنىڭ بۇرىنعى باسشىسى مۇحتار جاكىشەۆتىڭ ءىسى بويىنشا سوت پروتسەسى جابىق ەسىكتىڭ ارعى جاعىندا ءوتىپ جاتىر. الايدا، مۇحتاردىڭ قورعاۋشىسى نۇرلان بەيسەكەەۆتىڭ ايتۋىنشا، سەنساتسيالىق سوتتا قارالىپ جاتقان قىلمىستىق ءىستىڭ بىردە-ءبىر قۇجاتىندا «اسا قۇپيا» دەگەن ءمور جوق كورىنەدى. ەڭ سوراقىسى سول، وسى «قۇپيالىقتىڭ» كەسىرىنەن م. جاكىشەۆتىڭ وققاعارى تالعات قىستاۋباەۆتىڭ قورعاۋشىسى حاميدا ايتقاليەۆا سوتتىڭ ەسىگى تۇگىلى، تەسىگىنەن دە سىعالاي الماي ءجۇر. ءوز ارەكەتىنەن تۇك شىقپاعان سوڭ، اشىنعان ايتقاليەۆا قۇزىرلى مەملەكەتتىك ورگانداردىڭ وكىلدەرىنىڭ ۇستىنەن سوتقا شاعىمداناتىنىن مالىمدەدى.

سوتتاعى سايكەسسىزدىك

بۇعان دەيىن بەلگىلى بولعانىنداي، ۇقك مۇحتار جاكىشەۆكە «ەلىمىزدەگى ۋران كەنىشتەرىنىڭ 60 پايىزىن مەملەكەت باقىلاۋىنان شىعارىپ، شەتەلدەگى جالعان فيرمالارعا ارزان باعامەن ساتىپ، بىرنەشە ملرد. دوللار پايدا تاپقان» دەگەن ايىپ تاقتى. ال باس پروكۋراتۋرا: «مۇحتار جاكىشەۆ اۆستريانىڭ استاناسىندا «قازاتومونەركاسىپتىڭ» زاڭسىز ءبولىمىن اشىپ، راحات اليەۆتىڭ تۋىستارىن قىزمەتكە العان. سونداي-اق، جاكىشەۆ مەملەكەتتىك ساتىپ الۋ بايقاۋلارىن ءوز مۇددەسىنە پايدالانىپ، قالتالى مەردىگەرلەردەن اسا ءىرى كولەمدە پارا الىپ كەلگەن» دەپ كىنالاپ وتىر. سوتتاعى سايكەسسىزدىك سول، نۇرلان بەيسەكەەۆتىڭ ايتۋىنا قاراعاندا، سوتتا ۇقك-ءنىڭ ايىپتاۋلارى ەمەس، باس پروكۋراتۋرانىڭ تاققان ايىپتارى قارالۋدا.

سوتتاعى ءوتىنىش

«جاكىشەۆ ءىسىنىڭ» باسقا سوتتاردان ءبىر ايىرماشىلىعى، سوت پروتسەسىنەن جۋرناليستەرگە اقپار جەتكىزەتىن ەكى-اق ادام بار. ءبىرى - قورعاۋشى ن. بەيسەكەەۆ، ەكىنشىسى - مۇحتاردىڭ جۇبايى ءجاميلا جاكىشەۆا. نۇرلان بەيسەكەەۆتىڭ ايتۋىنشا، سارسەنبىدەگى ماجىلىستە مۇحتار جاكىشەۆتىڭ ءىستىڭ قۇپيالىعىنا قاتىستى ءوتىنىشى وقىلىپتى. «مەن ءوزىمدى قورعاۋعا ۇقك جىبەرگەن ادۆوكات بولات يساتاەۆتىڭ وسى پروتسەستەن شەتتەتىلۋىن سۇرايمىن. سەبەبى سول، بۇل ادۆوكاتتىڭ قىزمەتىنە اقى بيۋدجەتتەن تولەنەدى» دەپ جازىپتى ءوز وتىنىشىندە «قازاتومونەركاسىپتىڭ» بۇرىنعى باسشىسى. سونداي-اق، مۇحتاردىڭ ادال قورعاۋشىسى استانا قالالىق سوتتار اكىمشىلىگى بەرگەن مالىمەتتەردە بولات يساتاەۆتىڭ مەملەكەتتىك قۇپيا ىستەرمەن تانىسۋعا رۇقسات قاعازى جوقتىعىن ايتادى.

سوتتاعى سەنىمسىزدىك

وتكەن اپتادا نۇرلان بەيسەكەەۆ سوتتاعى سوراقىلىقتاردى توقتاتۋ ءۇشىن «جاكىشەۆتىڭ ىسىنە» قازىلىق ەتىپ جاتقان سۋديا نۇرجان جولداسبەكوۆكە سەنىمسىزدىك ءبىلدىرىپ، قالالىق سوتقا ءوتىنىش جولداعانىن مالىمدەدى. قورعاۋشىنىڭ ايتۋىنشا، ءۇشىنشى بيلىكتىڭ وكىلى مۇحتاردىڭ دەنساۋلىعىنىڭ ناشارلىعىنا ەشقانداي نازار اۋدارماي وتىر. باستى ايىپتالۋشىنىڭ بۇعان دەيىنگى سوت وتىرىستارىندا قان قىسىمى قاتتى كوتەرىلىپ، جەدەل جاردەمنىڭ كومەگىنە جۇگىنگەنى ءمالىم. وعان قوسا، مۇحتاردىڭ ءحالىنىڭ مۇشكىلدىگىن الماتىدان ارنايى شاقىرىلعان تاۋەلسىز كارديولوگ-دارىگەر الەكساندر بابارىگين دە اشىق ايتتى. ول م. جاكىشەۆكە ۇقك تاعايىنداعان دارىگەر عالىم قاليەۆتىڭ كاسىبي بىلىكتىلىگىنە سەنىمسىزدىك ءبىلدىردى. بىراق... ءبىر انىعى ن. بەيسەكەەۆ پەن ا. بابارىگيننىڭ سوزىنە ەشكىم قۇلاق اسىپ جاتقان جوق.

سوتتاعى شاعىم

مۇحتاردىڭ جۇبايى ءجاميلا تەرگەۋ اباقتىسىنداعى كۇيەۋىنە جىبەرگەن سالەمدەمەلەرىنىڭ تولىق جەتپەيتىنىن ايتىپ، شاعىم جاساۋدا. «مەن كۇيەۋىمە بىرنەشە رەت وسى سوت تۋرالى جازعان تاۋەلسىز گازەتتەردى بەرىپ جىبەردىم. بىراق، ول گازەتتەردى جەتكىزبەي، مەن ساتىپ الماعان «كازاحستانسكايا پراۆدانى» اپاراتىن كورىنەدى. ول ول ما، گازەتتى ايتپاعاندا، مەن اپاراتىن تاماقتىڭ ءوزىن ورتا جولدان الىپ قالادى ەكەن. سەبەبى، ول  «مەنى نەگە كارتوپپەن عانا تاماقتاندىراسىڭدار؟» دەپ سۇراپتى. ال، مەن بولسام ءار كۇنى ءارتۇرلى تاماق دايىنداپ اپارامىن»، - دەيدى ول. ءبىر تاڭ قالارلىعى، ءجاميلانىڭ كۇيەۋى ىلعي دا سابىن، ءتىس پاستاسى مەن ششەتكاسىن سۇراتاتىن كورىنەدى. «مەن وسىدان ءۇش كۇن بۇرىن عانا مۇحتارعا پاستا مەن ششەتكا، سابىن بەرىپ جىبەرگەنمىن. بىراق، ول وسى زاتتاردى تاعى سۇراتىپتى. سابىن مەن پاستا 3 كۇندە تاۋسىلمايدى عوي. دەمەك، ول زاتتاردى جۇبايىما بەرمەي قويعان» دەدى ول. ج. جاكىشەۆا حانىمنىڭ ايتۋىنشا، اباقتىنىڭ باسشىلىعى وسى اپتادا قاماۋداعى ادامعا ءسۇت تاعامدارىن جىبەرۋگە تىيىم سالىپتى.

وسى ماسەلە جونىندە ءبىز ۇقك-ءنىڭ ءباسپاسوز قىزمەتىنىڭ باستىعى كەنجەبولات بەكنازاروۆپەن سويلەستىك. ونىڭ ايتۋىنشا، جاكىشەۆا حانىمنىڭ سوزدەرىنىڭ ءبارى شىندىققا جاناسپايدى. «مەن بۇل جونىندە اباقتىنىڭ باسشىلىعىمەن سويلەستىم. ءجاميلا جاكىشەۆانىڭ ءوز كۇيەۋىنە اكەلەتىن زاتتارىنىڭ بارلىعى جەتكىزىلەدى. ونى ورتا جولدان ەشكىم الىپ قالۋعا قۇقىعى جوق. ءتىپتى، مۇحتاردىڭ ءوزى اباقتىنىڭ باسشىسىنا «مەنىڭ سالەمدەمەلەرگە (تاماق، گازەتتەر جانە تۇرمىسقا قاجەتتى زاتتار) قاتىستى ەشقانداي شاعىمىم جوق» دەپ ايتىپتى. بولمەسىندە تەك تەلەديداردىڭ جوقتىعى راس ەكەن. ياعني، ءجاميلانىڭ سوزدەرىنىڭ ءبارى شىندىققا سايكەس كەلمەيدى» دەدى ول «جاس قازاققا» بەرگەن جاۋابىندا.

تولەن تىلەۋباي، استانا.