استانا. 16 ءساۋىر. قازتاگ - ايناگۇل بەكەەۆا. باس پروكۋرور قايرات ءمامي ەلدە جاسوسپىرىمدەردىڭ اراسىنداعى قىلمىسقا قاتىستى كۇردەلى جاعداي قالىپتاسىپ وتىرعانىن، قىلمىستىق قۇرىلىمداردىڭ پايداسىنا الىم جيناۋ ارەكەتتەرىنە شاعىمدار كوبەيىپ كەتكەنىن اتاپ كورسەتتى.

«جاسوسپىرىمدەر اراسىنداعى قىلمىستىڭ ازايعانىنا قاراماستان، كوپتەگەن ايماقتاردا كامەلەتكە تولماعانداردىڭ اراسىنداعى كريمينوگەندىك جاعداي كۇردەلى كۇيى قالىپ وتىر. بالالاردىڭ كىسى ءولتىرۋ، ادام توناۋ جانە قاراقشىلىق جاساۋ سياقتى تۇلعاعا قارسى زورلىق قىلمىستارىن جاساۋ فاكتىلەرى اسا الاڭداۋشىلىق تۋدىرىپ وتىر. «وبششاك» ءۇشىن قىلمىستىق قۇرىلىمداردىڭ پايداسىنا الىم جيناۋ جانە كۇشپەن تارتىپ الۋ ارەكەتتەرىنە شاعىمدار جيىلەپ كەتتى»، - دەدى باس پروكۋرور جۇما كۇنى قۇقىق قورعاۋ ورگاندارىنىڭ ۇيلەستىرۋ كەڭەسى بارىسىندا.

ونىڭ ايتۋىنشا، مۇنداي فاكتىلەر بىرقاتار وبلىس ورتالىقتارىندا، اسىرەسە تاراز مەكتەپتەرىندە  تىركەلگەن. مۇنداي قىلمىستار كوبىنەسە جاسىرىن تۇردە قالادى، دەدى ق. ءمامي.

ءبىلىم جانە عىلىم مينيسترلىگى جۇرگىزگەن زەرتتەۋگە سايكەس، سۇرالعان بالالاردىڭ 6% كۇشپەن تارتىپ الۋ ارەكەتتەرىنەن زارداپ شەككەن، 26% قاتارلاستارىنان قورلىق كورگەن، 22%-ىنا كۇش كورسەتىلگەن.

باس پروكۋراتۋرانىڭ مالىمەتتەرىنە سايكەس، كامەلەتكە تولماعانداردىڭ اراسىندا ءوز قاتارلاستارىنان اقشا مەن ۇيالى تەلەفونداردى تارتىپ الۋ پايدا بولدى. 2009 جىلى كامەلەتكە تولماعان 101 بالا كۇشپەن تارتىپ الۋ ارەكەتى ءۇشىن سوتتالعان.

استانا. 16 ءساۋىر. قازتاگ - ايناگۇل بەكەەۆا. باس پروكۋرور قايرات ءمامي ەلدە جاسوسپىرىمدەردىڭ اراسىنداعى قىلمىسقا قاتىستى كۇردەلى جاعداي قالىپتاسىپ وتىرعانىن، قىلمىستىق قۇرىلىمداردىڭ پايداسىنا الىم جيناۋ ارەكەتتەرىنە شاعىمدار كوبەيىپ كەتكەنىن اتاپ كورسەتتى.

«جاسوسپىرىمدەر اراسىنداعى قىلمىستىڭ ازايعانىنا قاراماستان، كوپتەگەن ايماقتاردا كامەلەتكە تولماعانداردىڭ اراسىنداعى كريمينوگەندىك جاعداي كۇردەلى كۇيى قالىپ وتىر. بالالاردىڭ كىسى ءولتىرۋ، ادام توناۋ جانە قاراقشىلىق جاساۋ سياقتى تۇلعاعا قارسى زورلىق قىلمىستارىن جاساۋ فاكتىلەرى اسا الاڭداۋشىلىق تۋدىرىپ وتىر. «وبششاك» ءۇشىن قىلمىستىق قۇرىلىمداردىڭ پايداسىنا الىم جيناۋ جانە كۇشپەن تارتىپ الۋ ارەكەتتەرىنە شاعىمدار جيىلەپ كەتتى»، - دەدى باس پروكۋرور جۇما كۇنى قۇقىق قورعاۋ ورگاندارىنىڭ ۇيلەستىرۋ كەڭەسى بارىسىندا.

ونىڭ ايتۋىنشا، مۇنداي فاكتىلەر بىرقاتار وبلىس ورتالىقتارىندا، اسىرەسە تاراز مەكتەپتەرىندە  تىركەلگەن. مۇنداي قىلمىستار كوبىنەسە جاسىرىن تۇردە قالادى، دەدى ق. ءمامي.

ءبىلىم جانە عىلىم مينيسترلىگى جۇرگىزگەن زەرتتەۋگە سايكەس، سۇرالعان بالالاردىڭ 6% كۇشپەن تارتىپ الۋ ارەكەتتەرىنەن زارداپ شەككەن، 26% قاتارلاستارىنان قورلىق كورگەن، 22%-ىنا كۇش كورسەتىلگەن.

باس پروكۋراتۋرانىڭ مالىمەتتەرىنە سايكەس، كامەلەتكە تولماعانداردىڭ اراسىندا ءوز قاتارلاستارىنان اقشا مەن ۇيالى تەلەفونداردى تارتىپ الۋ پايدا بولدى. 2009 جىلى كامەلەتكە تولماعان 101 بالا كۇشپەن تارتىپ الۋ ارەكەتى ءۇشىن سوتتالعان.

«زاڭعا قايشى ارەكەتتەر قارۋ قولدانۋ ارقىلى دا جاسالىپ جاتادى. وقو-دا كامەلەتكە تولماعاندار قارۋ قولدانۋ ارقىلى كىسى ءولتىرۋدىڭ 6 وقيعاسىنا قاتىستى بولعان»، - دەپ اتاپ كورسەتتى باس پروكۋراتۋرانىڭ باسشىسى.

ءوز كەزەگىندە جامبىل وبلىسى ىشكى ىستەر دەپارتامەنتىنىڭ باستىعى بەكەت ايماعامبەتوۆ ايماقتىڭ وقۋ مەكەمەلەرىندە جاسوسپىرىمدەردىڭ اراسىنداعى قىلمىس پەن الىم جيناۋ وقيعالارى بار ەكەنىن مويىندادى، بىراق «باق حابارلاپ جاتقانداي كولەمدە ەمەس» دەدى.

«مۇنداي جاعداي كەشە عانا قالىپتاسقان جوق، بۇل قۇبىلىس 90-شى جىلداردىڭ سوڭىنان، ەلدە تانىمال جانە بۇگىنگى كۇنى جويىلعان «رىجي الماز»، «4 اعايىندى» قىلمىستىق توپتارى ارەكەت ەتكەن ۋاقىتتان باستاۋ الادى. سوڭعى جىلدارى جامبىل وبلىسىندا «كيروۆسكيە» جانە «قىرىقباەۆتار» ۇقت قىلمىستىق الەمدە مىقتى بولاتىن. ولار بيلىككە كىرۋگە ارەكەت جاساپ، ءوز قاتارىن جاستارمەن، جاسوسپىرىمدەرمەن تولىقتىرۋعا تىرىستى. جانە اتالعان توپتار ۇزاق ۋاقىت بويى جازالانباي كەلدى»، - دەدى ءىىد باستىعى.

پروكۋراتۋرا ورگاندارى جاساعان تەكسەرۋ كورسەتكەندەي، جەرگىلىكتى جەرلەردەگى جاسوسپىرىمدەر اراسىنداعى قىلمىستىق جاعدايدىڭ ستاتيستيكالىق مالىمەتتەرى تومەن كورسەتكىشتەرمەن كۇماندى بولىپ كورىنەدى.

«مىسالى، جامبىل وبلىسىندا تەكسەرۋ بارىسىندا قىلمىس جاساعان كامەلەتكە تولماعانداردىڭ سانى ادەيى تومەندەتىلىپ كورسەتىلگەنى انىقتالدى. قىلمىستىڭ انىق بەلگىلەرى بولىپ تۇرسا دا، ءىس قوزعاۋدان باس تارتۋعا دەيىن بارۋ وقيعالارى كەزدەسكەن. مۇنداي فاكتىلەر بۇكىل رەسپۋبليكا بويىنشا تىركەلىپ وتىر. توپتاسىپ جاسالعان قىلمىستاردىڭ جەكەلەگەن قاتىسۋشىلارىن ەسەپكە الۋدان جاسىرۋ دا بار»، - دەپ ءمالىم ەتتى باس پروكۋراتۋرا دەپارتامەنتىنىڭ باستىعى اندرەي كراۆچەنكو.

ناتيجەسىندە قۇقىق قورعاۋ ورگاندارى، سونىڭ ىشىندە پروكۋراتۋرا دا بالالار اراسىنداعى قىلمىستىڭ الدىن الۋدىڭ ورنىنا، ستاتيستيكانى تومەندەتۋمەن عانا اينالىسۋدا، دەدى ول.