لۋگانسك مارتەبەسىنە بايلانىستى رەفەرەندۋم بيۋللەتەندەرى سانالىپ بولدى. BBC-دىڭ ورىس ءتىلدى قىزىمەتى تاراتقان اقپاراتقا ساي سايلاۋشىلاردىڭ 95,98%-ى لۋگانسك وبلىسىنىڭ تاۋەلسىزدىگىن قولداپ داۋىس بەرگەن. بۇل تۋرالى لۋگانسك ورتالىق سايلاۋ كوميسسياسىنىڭ ورىنباسار حاتشىسى الەكساندر مالىحين ينتەرفاكس ارقىلى جاريالادى.  ونىڭ سوزىنشە  رەفەرەندۋمعا لۋگانسكتىڭ 70 پايىز، لۋگانسك وبلىسىنىڭ 81 پايىز سايلاۋشىلارى قاتىسقان. تاڭەرتەڭگىلىك اقپاراتتاردا دونەتسك مارتەبەسىنە بايلانىستى سايلاۋ قورتىندىسى حابارلانعان ەدى، وندا سايلاۋشىلاردىڭ 89%-دان استامى تاۋەلسىزدىك مارتەبەسىن الۋدى قولدادى دەپ كورسەتىلگەن.  كەشە، 11 مامىردا، ۋكراينا مەن قاتار ەۋرووداق ەلدەرى، سونداي-اق اقش رەفەرەندۋمدى زاڭسىز دەپ باعالاعان بولاتىن. بۇگىن تاڭەرتەڭ ۋكراينا پرەزيدەنتى مىندەتىن ۋاقىتشا اتقارۋشى الەكساندر تۋرچينوۆ رەفەرەندۋم سيپاتىن زاڭسىز دەپ قايتارا مالىمدەمەمە جاسادى.  ايتا كەتەتىن بولساق اتالعان رەفەرەندۋمدا ەشقانداي شەتەلدىك باقىلاۋشىلار بولعان جوق.

اباي-اقپارات