نيگەريادا 300 ادام "بوكو حارام" يسلاميستىك راديكال توبى سودىرلارىنىڭ قۇربانى بولدى، - دەپ حابارلايدى Tengrinews.kz  AFP- كە سىلتەمە جاساپ. قايعىلى وقيعا ەلدىڭ سولتۇستىك-شىعىسىنداعى گامبورۋ قالاسىندا بولدى. وتكەن ءساۋىر ايىنىڭ باسىندا "بوكو حارام" مۇشەلەرى 200-دەن استام وقۋشى قىزدى ۇرلاپ اكەتكەن ەدى، لاڭكەستەر قىزداردى قۇلدىققا ساتپاقشى بولعان. ەل بيلىگى وكىلدەرى ءالى كۇنگە دەيىن كەپىلگە الىنعان قىز بالالاردىڭ قايدا تۇتقىندا بولعانىن تابا الماعان. جۋىردا پوليتسيا لاڭكەستەردىڭ قولىنا تۇسكەن وقۋشىلار تۋرالى اقپارات بەرگەن ادامعا 300 مىڭ دولدار سىياقى بەرەتىنىن مالىمدەدى. لاڭكەستەر وسىدان كەيىن گامبورۋعا اياۋسىز شابۋىل جاساپ وتىر.

بروندالعان ماشينالاردى مىنگەن سودىرلار جەرگىلىكتى بازاردا، قالانىڭ ورتالىعىندا ادامدارعا، تۇرعىن ۇيلەر مەن دۇكەندەرگە وق جاۋدىرعان. عيماراتتار زاقىمدانىپ، ورتكە ورانىپتى. تۇرعىنداردىڭ ايتۋىنشا، كوشەلەر ولىككە تولدى. باتىستىڭ بىرقاتار مەملەكەتى نيگەرياداعى جاعدايعا بايلانىستى الاڭداۋشىلىق ءبىلدىردى.

ەسكە سالايىق، نيگەريا سوڭعى بەس جىلدان بەرى "بوكو حارام" راديكال قوزعالىسىنىڭ شابۋىلىنان كوز اشپاي كەلەدى. لاڭكەستەر شاريعاتقا نەگىزدەلگەن ءدىني مەملەكەت قۇرۋدى كوزدەيدى. ولار باتىس ۇلگىسىندە ءبىلىم بەرۋدى تۇبەگەيلى جويماقشى. 200-دەن استام وقۋشى قىزدى ۇرلاپ اكەتكەنى دە سودان. باتىس افريكادا نيگەر وزەنىنىڭ تومەنگى اعىسىندا ورنالاسقان مەملەكەت نيگەريانىڭ حالقى 123,3 ملن. (2000) رەسمي ءتىلى – اعىلشىن ءتىلى. حالقىنىڭ 50%-ى مۇسىلماندار، 40%-ى حريستياندار، 

اباي-اقپارات