Today.kz-ءتىڭ جازۋىنشا كەشە ۋكراينا بيلىگى ەلدىڭ مەملەكەتتىك شەكاراسى ارقىلى وتكىزۋ بەكەتتەرىن ۋاقىتشا جابۋ تۋرالى شەشىم قابىلداعان. “سىرتقى ىستەر مينيسترلىگىنە  ۋكرايناداعى شەت مەملەكەتتەردىڭ ديپلوماتيالىق وكىلدىكتەرىنە، سونداي-اق ۋكراينانىڭ ديپلوماتيالىق وكىلدىكتەرى مەن كونسۋلدىق مەكەمەلەرىنە وتكىزۋ بەكەتتەرى مەن باقىلاۋ بەكەتتەرىنىڭ ۋاقىتشا جابىلاتىنى تۋرالى حابارلاۋ تاپسىرىلعان”، -دەلىنگەن حابارلامادا. ۋكراينا ۇكىمەتى جاقىندا عانا ءوز ەلدەرىنە رەسەيلىك ەر ادامداردى كىرگىزۋدى توقتاتقان بولاتىن. اتالعان جاعداي جاقىن ۋاقىتتا سايلاۋ وتەتىن ەل ءۇشىن كەرى اسەرىن تۋدىرۋى مۇمكىن. سونداي-اق قارجى داعدارىسى قىسىپ بارا جاتقان ەل تۇرعىندارىنا دا شەكارا جابىلۋى وڭ اسەر بەرە قويمايدى.