2014 جىلعى 24 ساۋىردە استانا قالاسىنىڭ № 2 قوسشى ورتا مەكتەبىندە مەملەكەتتىك ءتىلدى دامىتۋ قورى  «الداسپان» قوعامدىق قورىمەن بىرلەسىپ، وتان قورعاۋشى كۇنى مەن جەڭىس كۇنىنە ارنالعان «باتىرلاردان ونەگە» اتتى 5-10 سىنىپ وقۋشىلارى اراسىندا باتىرلار جىرلارىن مانەرلەپ وقۋ سايىسىن وتكىزدى.

بايقاۋدىڭ ماقساتى وسكەلەڭ ۇرپاقتىڭ بويىنا باتىر بابالارىمىزدىڭ ەرلىك داستۇرلەرىن، رۋحاني-پاراساتتىلىق، پاتريوتتىق قۇندىلىقتارىن قالىپتاستىرۋ، مەملەكەتتىك ءتىلىمىز بەن ءتول تاريحىمىزدى قۇرمەتتەۋگە باۋلۋ، وقۋشىلاردىڭ كوركەم سويلەۋ شەبەرلىگىن ارتتىرۋعا ىقپال ەتۋ جانە وتانسۇيگىشتىككە تاربيەلەۋ.

سايىسقا قاتىسۋشىلار «الپامىس باتىر» جىرىنان ۇزىندىلەر جاتقا ايتۋمەن قاتار ارنايى ساحنالىق كورىنىستەر كورسەتتى.

قازىلار القاسىنىڭ شەشىمىمەن ۇزدىك ناتيجەگە 4-5 جانە 6-7 سىنىپ وقۋشىلارى اراسىندا قازتاي ابدۋرراحمان مەن توقبولات اقمانات قول جەتكىزسە، ەكىنشى ورىندى تاكەروۆا ناسيحات پەن ابيشەۆا مادينا، ال ءۇشىنشى ورىندى ماندىبەكقىزى ءمولدىر مەن تۇردىەۆ مادي يەلەندى. 9-10 سىنىپ وقۋشىلارى اراسىندا ساحنالىق كورىنىستە ءبىرىنشى ورىنعا  №67 گيمنازيا مەكتەبى جانە ەكىنشى ورىنعا   №2 قوسشى ورتا مەكتەبى يە بولدى.

بايقاۋ جەڭىمپازدارى قوردىڭ ارنايى ديپلومدارى مەن سىيلىقتارىنا يە بولدى. 

اباي-اقپارات