سارسەنبى, 27 مامىر 2020
COVID-19 قازاقستاندا. جۇقتىرعاندار — 8969. جازىلعاندار — 4613. قايتىس بولعاندار — 37
46 - ءسوز 3562 0 پىكىر 2 مامىر, 2014 ساعات 17:53

مىقتى ۇلت بولۋدىڭ جالعىز جولى – نامىس

حالىقارالىق بايلانىستاردا كەيبىر اقىلگويلەردىڭ العا تارتاتىنى: امال نەشىك، جەتىسكەننەن ەمەس، الىپ دەرجاۆالارعا باس يمەسەك، ايتقانىنا كونبەسەك، باسىپ الادى. باسىپ الماسا دا، قيىن ساتتە قورعامايدى، ويتسە بولدى، ەلىمىزدى باسقا دەرجاۆالار جاۋلاپ الماق سىقىلدى.

وسىندايدا يزرايل دەگەن كىشىگىرىم مەملەكەت تاجىريبەسى ەسىمە تۇسەدى. 1947 جىلى قۇرىلعان اتالمىش ەل حالقىنىڭ سانى بولعانى جارتى ميلليونعا جەتەر جەتپەستەي ەدى. سويتسە دە، اينالاسى 120 ميلليوننان استام جاۋگەر اراب ەلدەرى بولسا دا، ەش مويىمادى. سودان بەرى ەكى ارادا مايدالارىن بىلاي قويعاندا، ءىرى سوعىس وتى التى مارتە تۇتاندى جانە ونىڭ بارىندە ەۆرەيلەر، ياكي جاھۇدتەر جەڭىسكە جەتتى. قالايشا؟ جاۋاپ بىرەۋ: نامىس، سول نامىستىڭ ارقاسىندا كىشكەنتاي ءبىر نارسەدەن ايرىلعاندىق تۇبىندە قولداعى بارمەن قوش ايتىسقانمەن تەڭ ەكەنىن دەر كەزىندە اڭعارۋ. سوندىقتان بولار، جۇمىلعان ەۆرەيلەر ءار سوعىستى ءومىرى مەن ارى جولىندا اقىرعى ارپالىس رەتىندە قابىلدادى. ارابتار بولسا، بۇگىن جەڭىلسەك، ەرتەڭ جەڭەرمىز دەگەن ءوزدى-ءوزىن جۇباتۋ كەسىرىنەن جەڭىلىستەن باس كوتەرمەدى. ءداپ سول جىگەر، ۇلتتىق بولمىسىن اسقاقتاتۋ ارقاسىندا بۇگىندە يزرايل الەمدەگى ەڭ دامىعان ءارى قۋاتتى مەملەكەتتەر ساناتىنا ەندى. دەمەك، ۇلتتىڭ وركەندەۋى مەن مەملەكەت يگىلىگى الدەبىرەۋ الدىندا ءيىلىپ قۇل بولعاننان تۋىنداماسى انىق. قۇلدىق سانا-سەزىم قۇلدىقتان باسقا ەشنارسەگە اكەلمەك ەمەس. مىقتى ۇلت، گۇلدەنگەن ەكونوميكا، بەرەكەلى مەملەكتەت، ۇلاعاتتى قوعام بولۋدىڭ جالعىز كوزى – نامىس.

راسۋل جۇمالى، ساياساتتانۋشى.

facebook پاراقشاسىنان الىندى.

0 پىكىر