سارسەنبى, 1 جەلتوقسان 2021
46 - ءسوز 4675 0 پىكىر 22 ءساۋىر, 2014 ساعات 10:27

بۇنىڭ اتىن جالعان نامىس دەيدى

بۇنىڭ اتىن جالعان نامىس دەيدى. بورات قازاقتى قورلاپ، جالپاق الەمگە ءاجۋالاپ كينو تۇسىرگەندە مىنالاردىڭ ءبىرى جۇمعان اۋزىن اشپاپ ەدى. كەشە رەسەي فاشيستەرى قازاقستاننىڭ بەس وبلىسىنا كوز الارتقاندا ءلام دەگەن جان بولسايشى وسىلاردىڭ ىشىنەن. سايقىمازاق جيرينوۆسكيدىڭ اۋزىنا كۇندە اق يت كىرىپ، كوك يت شىعادى. قازاقتى قورلاپ سويلەۋگە كەلگەندە نەشەمە جىلدان بەرى جيرينوۆسكي الدىنا قارا ءتۇسىرىپ كورگەن ەمەس. سوعان مۇنىڭ قالاي دەگەن وسى كىسىلەردىڭ بىرەۋى بولدى ما. ەندى بارلىعى كەلىپ، جارىلعاپ قالىبايدىڭ ءبىر جاپىراق جۋرنالىنا كارىن توگىپ جاتىر. اناۋ جىلدارى يراك، يراننىڭ جۇرتى شۋىلداسىپ امەريكانىڭ تۋىن ورتەپ جاتۋشى ەدى. ءبىزدىڭ جۇرتتىڭ قاعاز ورتەۋگە شاماسى جەتىپتى. ونىڭ وزىندە قازاق ءتىلدى جۋرنالدى. ورىس گازەتىن تۋالەتكە اپارۋعا قورقاتىن قازەكەمنىڭ سيقى. ءوز وزىنە قوجا. ءوز تىلىنە، ءوز سالتىنا، ءتول داستۇرىنە الىمجەتتىك قىلۋدان اسا المايتىن قايران جۇرتىم-اي.

Facebook.com الەۋمەتتىك جەلىسىندەگى پاراقشاسىنان الىندى.

0 پىكىر

ۇزدىك ماتەريالدار