رەسەيلىك «ۆكونتاكتە» الەۋمەتتىك جەلىسىنىڭ نەگىزىن سالۋشى پاۆەل دۋروۆ ءوز كومپانياسىنداعى جۇمىسىنان شەتتەتىلدى. ءتىپتى ول ءوزىنىڭ جۇمىستان كەتكەنىن اقپارات قۇرالدارىنان ەستىپ بىلگەن. اتالعان جەلىنىڭ اتقارۋشى ديرەكتورى پاۆەل دۋروۆ وسىعان دەيىن رەسەي قاۋىپسىزدىك قىزمەتى (فسب) وزىنە قىسىم جاساعانىن مالىمدەگەن بولاتىن. فسب ودان جەلىدە تىركەلگەن «ەۋرومايدان» بەلسەندىلەرىنىڭ مالىمەتتەرىن بەرۋدى سۇراعان ءارى رەسەيلىك كوررۋپتسيامەن كۇرەسۋشى بەلسەندى الەكسەي ناۆالنىيدىڭ سايتتاعى توبىن جابۋدى تالاپ ەتكەن. سايكەسىنشە دۋروۆ تالاپتى ورىنداۋدان باس تارتقان بولاتىن. وسىعان بايلانىسىتى وتكەن اپتادا دۋروۆ رەسەي فەدەرالدىق قاۋىپسىزدىك قىزمەتىنىڭ قىسىمىمەن كومپانياداعى وزىنە تيەسىلى 12 پايىز اكتسياسىن ساتۋعا ءماجبۇر بولعانىن جازعان ەدى. «ازاتتىق» راديوسى اتاپ كورسەتكەندەي «ۆكونتاكتە» الەۋمەتتىك جەلىسى ەندى رەسەي پرەزيدەنتى ءپۋتيننىڭ سەنىمدى وكىلدەرى يگور سەچين مەن وليگارح اليشەر ۋسمانوۆتىڭ ىقپالىنا تولىقتاي كوشتى. بۇدان بىلاي اتالمىش جەلى فسب- نىڭ قاتاڭ باقىلاۋىندا بولىپ، جەلىدە سالىنعان اقپاراتتار سۇزگىدەن وتەتىن بولادى.

"اباي-اقپارات"