سۋرەتتە: كورنەكتى عالىم، ەكس-اكىم ە.م. ارىننىڭ جەكە باسىن داتتاپ، تابالايتىن فوتوقۇراۋلاردىڭ ءبىرى.

ورىءستىلدى باسىلىمدار ە.ارىندى سوت شەشىمىنسىز ايىپتاۋدا

پاۆلودار وبلىسىنىڭ «ۆەرسيا»، «وبوزرەنيە نەدەلي»، «ناشا جيزن» ءتارىزدى ء ورىستىلدى تاۋەلسىز گازەتتەرى مەن «پاۆلودارسكي گورودسكوي پورتال» ينتەرنەت باسىلىمى ەرلان ارىننىڭ ۇستىنەن قوزعالعان قىلمىستىق ءىس بويىنشا تەرگەۋ اياقتالماي، سوت شەشىمى شىقپاي جاتىپ-اق  ە. ارىندى قىلمىسكەر بەينەسىندە سيپاتتايتىن ماتەريالدار مەن ونىڭ ار-نامىسىن قورلايتىن اسا تۇرپايى ءاجۋا سۋرەتتەر جاريالاعان بولاتىن.

جەرگىلىكتى اقىندار، جۋرناليستەر، عالىمدار، سۋرەتشىلەر، قوعام بەلسەندىلەرى، ءتىل جاناشىرلارى  الگىندەي زاڭ بۇزۋشىلىققا ەلباسى توقتاۋ سالادى دەگەن سەنىممەن اشىق حات جاريالاپ، ق.بەكقوجيننىڭ ەسكەرتكىشى جانىنا جيىلىپ نارازىلىعىن ءبىلدىردى.

بۇعان  «ۆەرسيا» گازەتى (رەداكتورى ياروسلاۆ گولىشكين) جاۋاپ قايتارعان سياقتانىپ، ىلە «پوجالەيتە ارىنا» اتتى حابار جاريالادى. وندا اشىق حات اۆتورلارىن  قارجى پوليتسياسىمەن قورقىتۋ اۋانى  بايقالدى. بۇل جايت ە.م. ارىننىڭ ۇستىنەن كوتەرىلگەن قىلمىستىق ءىس جانە ونى قارالايتىن جاريالانىمدار قانداي دا ءبىر ساياسي توپتىڭ تاپسىرىسىنىڭ ناتيجەلەرى  دەگەن پىكىردىڭ ورنىعا تۇسۋىنە نەگىز بولدى. دەگەنمەن،   ق. بەكحوجيننىڭ ەسكەرتكىشى جانىندا قازاق زيالىلارى وتكىزگەن   نارازىلىق شاراسىنان كەيىن الگىندەي ءاجۋا سۋرەتتەردىڭ كوبى پورتالداردان جويىلىپ جىبەرىلدى.  بىراق ولاردىڭ كوشىرمەلەرى مەن گازەتتەر  بەتتەرىندەگى سۋرەتتەر قازاق جۋرناليستەرىنىڭ قولىندا ساقتاۋلى تۇر.

سوت شەشىمىنسىز كۇدىكتىنى جۇرتشىلىققا قىلمىسكەر كەيپىندە سيپاتتاپ  ايىپتاۋعا   زاڭدىق، مورالدىق تۇرعىدان  جاۋاپكەرشىلىك جۇكتەلەتىنىن كەرەكۋلىك ءورىستىلدى تاۋەلسىز باسىلىمدار اراسىندا تەك ءبىر باسىلىم عانا اڭعارعان سياقتى. اتاپ ايتقاندا، «ناشا جيزن» پاۆلودار قوعامدىق-ساياسي اپتالىعىنىڭ №13 سانىندا (3-04.2014) گازەت ءتىلشىسى دجاميليا ماريچەۆانىڭ  جۋرناليستيكا ارداگەرى جەڭىس مانانباەۆپەن سۇحباتى جانە  پاۆلودار وبلىسى زيالى قاۋىمى وكىلدەرىنىڭ ەلباسىنا جازعان اشىق حاتىنىڭ ورىس تىلىندەگى اۋدارماسى جارىق كوردى. «ەرلان ارىن پوپلاتيلسيا زا سۆويۋ دوۆەرچيۆوست...» دەگەن اتپەن جاريالانعان كولەمدى سۇحباتتا كورنەكتى عالىم، وبلىستىڭ بۇرىنعى اكىمىنىڭ قازىرگى تاعدىر-تالايىنا قاتىستى  وقيعالار جونىندە قانداي دا ءبىر سەزىم اۋەنىنسىز اڭگىمە ءوربىپ، سىندارلى سۇراقتارعا ساليقالى جاۋاپتار قايتارىلعان. «ناشا جيزن» باسىلىمىنىڭ بۇل سانىن  دۇڭگىرشەكتەردەن ساتىپ الۋشىلار كوپ، تابا الماي ىزدەپ جۇرگەندەر دە بار.

ارمان قاني،

پاۆلودار.

abai.kz