بىلتىر ءبىر جىل بويىنا ء«الىپبي رەفورماسى» دەپ، «قارىپ وزگەرتەمىز» دەپ ۇلارداي شۋلادىق... اقىرى دىم بولماعانداي جىم بولدىق، تىم-تىرىسپىز. ماسەلە دە جىم-جىلاس «شەشىلدى». قانشاما وتىرىستار قارجى قىلعىتىپ، كەڭىردەكتەر شاي جۇتتى. ءتىپتى، الاشتىڭ مارقاسقاسى احمەت بايتۇرسىنۇلى تۇزگەن ءالىپبيدىڭ ءبىر عاسىرلىق «مەرەيتويى» دا جىم-جىلاس وتە شىقتى.

 كەيدە سالىستىرىپ وتىرىپ بارىنە جاۋاپ تابىلادى. كەڭەس كەزىندە باس-اياعى ون جىلدىڭ شاماسىندا قازاقتار ءۇش بىردەي قارىپ اۋىستىرسا، بۇگىندە باسى ارتىق ءبىر قارىپتى دا قوزعاۋعا باتىلى جەتپەي دىردەكتەۋدە. نە دەگەن سورلىلىق! ورىستىڭ ون بىردەي ارتىق ءارپىن تايپامىزدىڭ تاڭباسىنداي تىرپ ەتكىزبەي ۇستاپ وتىرمىز.

 جۋىردا ورالدىق جۋرناليست قازىبەك قۇتتىمۇراتۇلى باتىس قازاقستان وبلىستىق «ەكپىندى قۇرىلىس» گازەتىندە 1951 جىلعى شىلدەدە جاريالانعان  قازاق سسر جوعارعى كەڭەسىنىڭ جارلىعىن فەيسبۋككە شىعارىپ «قازاقتا "ۇ" دەگەن ءارىپ بار عوي. سول ءارىپ بيىل جازدا پايعامبار جاسىنا (نەمەسە "پەنسيا جاسىنا" دەسەك تە بولادى) تولادى ەكەن» - دەپ ء«سۇيىنشى سۇرادى».

 سوندا سوۆەت يمپەرياسىنىڭ مەملەكەتتىگىنىڭ مىقتىسى ەمەي نەمەنە - ءبىر قارىپكە بولا ءبىر جارلىق شىعارعان! سۇيسىنۋگە تۇرارلىق! مەملەكەت بولساڭ - وسىلاي بول! نەسى بار – سوۆەت وكىمەتىنىڭ بۇل ارەكەتى بۇگىنگى قازاق ەلى ءۇشىن ناعىز ۇلگى!

ال، بىزدە بوجكو باسقاراتىن «وقىس جاعدايدار» مينيسترلىگىنە قاراستى مەكەمەلەر قالالاردا كيريلشەمەن نە لاتىنشامەن قازاقشا ماتىندەردى زاڭسىز تۇردە دۇركىرەتىپ تاراتىپ جاتادى. بۇعان موبيلدىك وپەراتورلاردى قوسىڭىز – بەتتەرى بۇلك ەتپەي بار حابارلامانى تەك قانا رەسەي مەمتىلىندە تاراتادى... سوعان ءتىل كوميتەتى نە پروكۋراتۋرا قىڭق ەتىپ وتىر ما؟  ەسەككە ءمىنىپ قالعان اسسامبلەيا قىرىم ماسەلەسى شىعىپ، جيرينوۆسكي مەن ليۆانوۆتاردىڭ قىرشىماسى شىققاننان بەرى قايتا اتقا قونسا دا، وسىنداي مەملەكەتتىك ماڭىزى بار نارسەنى نەگە ءبىر رەت قارامادى؟ ەڭ بولماسا مادەنيەت مينيسترلىگىنە قاراي ءبىر ۇندەۋدى دومالاتپادى ما؟

 ايتىپ-ايتپاي نە كەرەك؟ – بىزگە پارمەنى مەن قاۋقارى بار مەملەكەت كەرەك. ال، تاپ وسى كەڭەس وكىمەتىنىڭ ارنايى جارلىعى بۇيىرعان قازاقتىڭ ۇ ارپىنە ەسكەرتكىش ورناتۋعا لايىق وقيعا!  پايعامبار جاسى، نەسى بار...

ءشارىپحان قايسار

abai.kz