الەمدىك بانكتىڭ حابارلاۋىنشا ءتۋنيستىڭ ەكس-پرەزيدەنتىنىڭ «وتباسى» ەل كىرىسىنىڭ 21%-ىن قالتاسىنا باسقان دەپ جازادى «قازاقپارات».

ءتۋنيستىڭ ەكس-پرەزيدەنتى زين ەل-ابيدين بەن الي مەن ونىڭ ماڭايىنداعىلارمەن بايلانىسى بار 220-عا جۋىق فيرما جىل سايىن ەلدەگى كومپانيالار كىرىسىنىڭ 21%-ىنا، ياعني  $233 ملن (0,5% ءجىو) قارجىعا قول سۇققان. بۇل تۋنيستە، مىسىردا رەۆوليۋتسيانىڭ بولۋىنا ىقپال ەتكەن، دەپ جازدى ربك الەمدىك بانككە سىلتەمە جاساپ.

الەمدىك بانك بەن الي فيرمالارى ءاردايىم ءوز باسەكەلەستەرىنىڭ الدىندا بولعان.  بيلىك ەتكەن 16 جىلىندا ەكس-پرەزيدەنت 45 ءتۇرلى سەكتورداعى ليتسەنزيالىق تالاپتاردى جانە 28 سەكتورداعى تىكەلەي شەتەلدىك ينۆەستيتسيا قۇيۋ بويىنشا جاڭا شەكتەۋلەر تۋرالى 25 جارلىققا قول قويعان.  الەمدىك بانك ساراپشىلارىنىڭ پايىمىنشا، بۇل ءوز فيرمالارىن باسەكەلەستىكتەن قورعاۋ مەن ءىرى پايدا تابۋ ءۇشىن جاسالعان شارا.  

كوتەرىلىستەن كەيىن ءتۋنيستىڭ جاڭا بيلىگى بەن الي اكتيۆتەرىن تاركىلەدى. ونىڭ ىشىندە 550 مۇلىك نىسانى، 48 كەمە مەن قايىق، 40 اكتسيالار پورتفەلى، 367 بانك شوتى مەن 400-گە جۋىق كاسىپورىن بولعان. كوميسسيا بۇل اكتيۆتەردىڭ جالپى قۇنىن $13 ملرد. نەمەسە ءتۋنيستىڭ 2011 جىلعى ءجىو-ءنىڭ 25%ى دەڭگەيىندە باعالادى، دەلىنگەن باياندامادا.

تۋنيستە ەسەپ بەرۋ ساپاسىن ارتتىرۋ ءۇشىن دەرەكتەر مەن اقپاراتتارعا قولجەتىمدىلىك اياسىن كەڭەيتۋ جوسپارلانۋدا.  الايدا كوتەرىلىستەن كەيىنگى 3 جىلدا  بەن الي كەزىندەگى ەكونوميكالىق جۇيە اسا وزگەرمەدى، دەيدى الەمدىك بانك.

2011 جىلدىڭ باسىندا تاياۋ شىعىس پەن سولتۇستىك افريكاداعى بىرقاتار اراب ەلدەرىندە بۇقارالىق نارازىلىق ورىن الدى. جۇزدەگەن ادام الەۋمەتتىك ادىلدىكتى جانە باسشىلارىنىڭ ورنىنان كەتۋىن تالاپ ەتىپ شىقتى.   ناتيجەسىندە  بەن الي قىزمەتتەن قۇلاتىلىپ، ساۋد ارابياسىنا قاشتى. مىسىردا 30 جىل ەل باسقارعان پرەزيدەنت مۇباراك 2011 جىلدىڭ اقپانىندا قىزمەتتەن كەتتى.

«اباي-اقپارات»