بۇدان بىلاي شەتەلگە ءدىني وقۋعا باراتىندار قازاقستان مۇسىلماندارى ءدىني باسقارماسىنان ارنايى رۇقسات قاعاز الۋى شارت دەپ حابارلايدى قمدب-نىڭ ءباسپاسوز قىزمەتى.

ەل ازاماتتارى قاجەتتى قۇجاتتى العان جاعدايدا عانا جىبەرىلەدى. باس ءمۇفتي ەرجان قاجى مالعاجىۇلىنىڭ مىسىرعا جاساعان ساپارىندا وسىنداي كەلىسىم-شارتقا قول قويىلدى.

ەرجان قاجى مايامەروۆ مىسىر ءمۇفتيى شەيح شاۋقي يبراھيممەن كەزدەسۋىندە ءدىن ماماندارىنىڭ ءبىلىمى مەن بىلىكتىلىگى تۋرالى ۇسىنىس-پىكىرىمەن ءبولىستى. ەكىجاقتى كەزدەسۋدە ءدىن قايراتكەرلەرى ءوزارا كەلىسىم مەن ىنتىماقتاستىق تۋرالى كەلىسىم-شارت قۇجاتىنا قول قويدى. اتالعان قۇجاتتا وتانداستارىمىز تەك قازاقستان مۇسىلماندارى ءدىني باسقارماسىنان ارنايى رۇقسات قاعاز العان جاعدايدا عانا مىسىردا ءدىني ءىلىم الۋىنا مۇمكىندىك بەرىلەتىنى ايقىن كورسەتىلگەن.

ء«ال-ازھار ۋنيۆەرسيتەتىنە قازاقستان ازاماتتارى تەك قمدب-نىڭ جازباشا كەلىسىمى جانە ونى قازاقستان رەسپۋبليكاسىنىڭ مىسىر اراب رەسپۋبليكاسىنداعى ەلشىلىگىنىڭ كۋالاندىرۋى ارقىلى قابىلدانادى»، – دەلىنگەن قازاقستان مۇسىلماندارى ءدىني باسقارماسى مەن ءال-ازھار ۋنيۆەرسيتەتى اراسىنداعى ءبىلىم، عىلىمي جانە مادەني ىنتىماقتاستىق تۋرالى كەلىسىم قۇجاتىندا.

اباي-اقپارات