ەلىم مەنىڭ – قازاقستان

قىركۇيەكتىڭ 9-ى كۇنى  س.سەيفۋللين اتىنداعى قازاق اگروتەحنيكالىق ۋنيۆەرسيتەتىندە ەلباسى - ۇلت كوشباسشىسى نۇرسۇلتان نازارباەۆتىڭ 2015 جىلدى «قازاقستان حالقى اسسامبلەياسىنىڭ جىلى» دەپ جاريالاۋ تۋرالى جارلىعىنا وراي  ەلدىككە، بىرلىككە، ىنتاماققا ۇندەگەن «ەلىم مەنىڭ – قازاقستان» اتتى پاتريوتتىق ءىس-شارا ءوتتى.

 ەلىمىزدەگى ىرگەلى اگروتەحنيكالىق سالادا كەشەندى ءبىلىم بەرەتىن وقۋ ورداسىندا وتكەن شارا بارىسىندا ءسوز العان قازاقستان حالقى اسسامبلەياسى توراعاسىنىڭ ورىنباسارى، قازاقستان رەسپۋبليكاسى پرەزيدەنتى اكىمشىلىگىنىڭ قازاقستان حالقى اسسامبلەياسى حاتشىلىعىنىڭ مەڭگەرۋشىسى ەرالى لۇقپانۇلى توعجانوۆ قازاقستان حالقى اسسامبلەياسىنىڭ جۇمىس بارىسىنا توقتالا كەلىپ، الداعى جىلى اتالىپ وتىلمەك شارالارعا دايىندىق بارىسى تۋرالى ەرەكشە توقتالدى. 

قازاقستان حالقى اسسامبلەياسى توراعاسىنىڭ ورىنباسارى، قازاقستان رەسپۋبليكاسى پارلامەنت سەناتىنىڭ دەپۋتاتى اناتولي باشماكوۆ ستۋدەنتتەر الدىندا  ەلدەگى  حالىقتار دوستىعى تۋرالى قازاقستاندىق ءداستۇردى تىلگە تيەك ەتتى.

س.سەيفۋللين اتىنداعى قازاتۋ رەكتورى، استانا  قالالىق ءماسليحاتىنىڭ دەپۋتاتى اقىلبەك  كۇرىشباەۆ: ء«بىزدىڭ ۋنيۆەرسيتەتتەگى 29 ۇلت وكىلى وقيتىن 10 مىڭ ستۋدەنت، 20 ۇلت وكىلى قىزمەت ەتەتىن مىڭنان اسا ۇستازدار ەلباسىنىڭ وسى ساليقالى ساياساتىن ءبىراۋىزدان ماقۇلدايدى.  بۇگىندە  عىلىمي-زەرتتەۋ ۋنيۆەرسيتەتىنە قادام باسقان وقۋ ورنى تەك قانا ءبىلىم مەن عىلىمنىڭ ورداسى عانا ەمەس، تاربيەلى ۇرپاقتىڭ مەكەنىنە اينالدى. تاتۋلىق پەن بىرلىكتى ناسيحاتتايتىن «دوستىق» كلۋبى  كەڭەيىپ،  كافەدراعا اينالىپ وتىر. ەندى ول قازاقستان حالقى اسسامبلەياسى كافەدراسى دەپ اتالادى. بۇل كافەدرا بولاشاقتا تاتۋلىقتىڭ جارشىسى بولىپ وتىرعان سىزدەرمەن، قۇرمەتتى قوناقتار، قازاقستان حالىقتار اسسامبلەياسىمەن تىعىز جۇمىس ىستەيدى دەپ سەنىم بىلدىرەمىن!» دەپ ءسوزىن قورىتىندىلادى.                       

وسى ورايدا ايتا كەتەر جايت، بيىلعى وقۋ جىلىندا  قازاتۋ-عا 2 364 ستۋدەنت قابىلدانسا، ونىڭ 1 238-ءى مەملەكەتتىك گرانت يەگەرلەرى بولىپ تابىلادى. بۇگىندە قازاتۋ ۇلتتىق ۋنيۆەرسيتەتتەر دەڭگەيىمەن تەڭەسىپ، ەلباسى ن.ءا.نازارباەۆتىڭ تاپسىرماسىنا سايكەس، «قازاقستاننىڭ جاڭا يندۋستراليزاتسياسى» باعدارلاماسىن جۇزەگە اسىرۋشى رەسپۋبليكا بويىنشا 4 عىلىمي-زەرتتەۋ ۋنيۆەرسيتەتى مارتەبەسىنە يە بولدى. ءبىزدىڭ وقۋ ورنىمىزدان باسقا اتالعان ۋنيۆەرسيتەتتەر قاتارىنا ءال-فارابي اتىنداعى قازاق ۇلتتىق ۋنيۆەرسيتەتى، ق.ساتباەۆ اتىنداعى ۇلتتىق تەحنيكالىق ۋنيۆەرسيتەتى جانە قازاق ۇلتتىق اگرارلىق ۋنيۆەرسيتەتتەرى كىرەدى. سونىمەن قاتار، قازاقستان رەسپۋبليكاسى ءبىلىم سالاسىن دامىتۋ مەملەكەتتىك باعدارلاماسىن ورىنداۋ ماقساتىندا ەكونوميكانىڭ ءار سالاسىن كادرلارمەن قامتاماسىز ەتەتىن بازالىق 10 ۋنيۆەرسيتەت انىقتالعان بولاتىن. بۇل باعدارلاماعا كىرگەن ۋنيۆەرسيتەتتەردىڭ ماتەريالدىق-تەحنيكالىق بازاسى مەملەكەتتىك قولداۋعا يە بولادى. ءبىزدىڭ وقۋ ورنىمىزدىڭ وسى 10 ۋنيۆەرسيتەتتىڭ قاتارىندا بولۋى ۇجىمعا كورسەتكەن ۇلكەن سەنىم جانە زور مارتەبە.

سالتاناتتى شارا بارىسىندا س.سەيفۋللين اتىنداعى قازاتۋ-دا قازاقستان  حالقى اسسامبلەياسى كافەدراسىنىڭ سالتاناتتى اشىلۋ ءراسىمى بولدى. 

قازاقستان  حالقى اسسامبلەياسى مەن س.سەيفۋللين اتىنداعى قازاتۋ اراسىنداعى ارىپتەستىكتى نىعايتۋعا باعىتتالعان مەموراندۋمعا قول قويىلدى.

Abai.kz