ء بىز وسى نە دەگەن ەرەكشە كونتەىرلى، اسا شىدامدى حالىق  ەدىك. ەسىكتەن كىرىپ، ءتور مەنىكى دەسە دە، ءوزىمىز شاقىرىپ، جاتىپ جاستىق، ءيىلىپ توسەك بولعان قوناعىمىز دا باسىمىمىزعا سەكىرىپ، اۋزىنا كەلگەنىن ايتىپ جاتسا دا قىڭق دەمەيمىز. وتكەندە رەسەيدىڭ پانين دەگەن ارتيس-سىماعى ەلىمىزدى ارالاپ جۇرگەندە ءىشىپ الىپ، ساحنادا ويىنان كەلگەنىن ىستەگەن. ونىمەن قويماي پوليتسيامەن جاعا جىرتىسىپ، اۋزىنان اق يت كىرىپ، كوك يت شىققان. بارا-بارا ءتىپتى ءبىزدىڭ كورەرمەندەردىڭ مادەنيەتسىز ەكەندىگىن دە جايىپ سالعان. ۇندەگەن جوقپىز، ىشتەن تىندىق..

    وتكەندە مەتاللۋرگ كۇنىن مەرەكەلەيمىز دەپ قاراعاندىنىڭ كەنشىلەرى شاقىرعان رەسەيدىڭ ءبىر سلاۆا دەگەن انشىسىماعى ءبىر-ەكى ءان ايتىپ، قالتاسىن اقشاعا قامپيتقاننان كەيىن، اۋەجايعا بارىپ اراق ءىشىپ، سايراندى سالعان. بۇكىل عيماراتتى باسىنا كوتەرىپ، داڭعازا ەتىپ وتىرعاننان كەيىن، اۋەجاي قىزمەتكەرلەرى ەسىرتكى ىشكەن بولار دەگەن كۇدىكپەن تەكسەرۋگە اپارسا، ونى دا ۇلكەن شوۋعا اينالدىرعان. بۇل دا ەڭبەكسىز كەلگەن قۇرمەت پەن سىيعا ماسايراعانى سونشالىق، ءبىزدىڭ پوليتسياعا ءتىل تيگىزىىپ، «ماعان دورەكىلىك كورسەتتى» دەپ شاشىن جۇلۋعا دەيىن بارعان. 
        ال كۇنى كەشە اتىراۋعا كەلگەن بيانكا دەگەن انشىسىماعى وسى قالانىڭ جولىنىڭ دا، دىبىس اپپاراتۋراسىنىڭ دا اجەتحاناانىڭ ساسىق دۇنيەسىنە پارا-پار ەكەندىگىن ايتىپ، اندەتكەندىگىن قايتەرسىڭ.

     سوندا دەيمىز-اۋ، ءوز اقشاڭا ءوزىڭدى مازاق ەتكەن انشىلەرگە تيىم سالاتىن ادامنىڭ بولماعانى ما؟ الدە ءبىز قوناقجايلىعىمىزعا قوقاڭداۋمەن جاۋاپ بەرۋ ولار دا وزىنشە داستۇرگە اينالدىرعان با؟ ءسىرا، "بىرەۋدىڭ قاڭسىعىنا قاشاندا تاڭسىق" بولاتىن، ءوز تالانتتىلارىمىزدى بوتەن جۇرتتىڭ تالانتسىزدارىنا جىعىپ بەرەتىن جۇرتتىڭ ەستيتىندەرى وسىنداي بىلاپىت سوزدەر مەن مادەنيەتسىز قىلىقتار بولارى زاڭدى دۇنيە مە ەكەن؟
 

مۇراتبەك داۋرەنۇلى.
قوستاناي.

 Abai.kz