"ليۋكسەمبۋرگتە ءبىرجىنىستى نەكەگە رۇقسات بەرەتىن زاڭ ماقۇلداندى" دەپ حابارلايدى Tengrinews.kz  BBC-گە سىلتەمە جاساپ.

ليۋكسەمبۋرگ پالاتاسىنىڭ دەپۋتاتتارى ءبىر جىنىستىلاردىڭ نەكەگە تۇرۋىنا جانە بالا اسىراپ الۋىنا رۇقسات بەرەتىن زاڭعا ەنگىزىلگەن وزگەرتۋلەردى ماقۇلدادى. مۇنداي زاڭدى 56 دەپۋتات قولداسا، ءتورت دەپۋتات قارسى شىققان. زاڭعا ەنگىزىلگەن وزگەرتۋ 2015 جىلدان كۇشىنە ەنەدى. 2014 جىلعا دەيىن ليۋكسەمبۋرگتىك ءبىرجىنىستىلار تەك قانا ازاماتتىق سەرىكتەستىك كەلىسىم-شارت نەگىزىندە وتباسى قۇرا الاتىن بولعان. 

باسىلىمنىڭ مالىمەتىنە قاراعاندا، ليۋكسەمبۋرگتىڭ پرەمەر-ءمينيسترى كساۆە بەتتەل اشىق گەي جانە ول بەلگيالىق ساۋلەتشى دەستەنەەم گوتەمەن ازاماتتىق سەرىكتەستىك كەلىسىم-شارت نەگىزىندە بىرگە تۇرادى. بىرجىنىستىق قاتىناستاردى زاڭداستىرۋ ونىڭ سايلاۋالدى ۋادەلەرىنىڭ ءبىرى بولعان.

ليۋكسەمبۋرگ ءبىرجىنىستى نەكەگە رۇقسات بەرگەن 16-شى ەل بولىپ وتىر. بۇل تىزىمدە نيدەرلاند، بەلگيا، يسپانيا، كانادا، وار، نورۆەگيا، شۆەتسيا، پورتۋگاليا، يسلانديا، ارگەنتينا، دانيا، برازيليا، فرانتسيا، ۋرۋگۆاي جانە جاڭا زەلانديا بار. اۋماقتىق دەڭگەيدە ءبىرجىنىستى نەكە اقش، مەكسيكا جانە ۇلىبريتانيا ەلدەرىندە زاڭداستىرىلعان.

اباي-اقپارات