ء«ار ەلدىڭ وزىنە ءتان وتە دورەكى، انايى، شەكتەن شىققان بالاعات سوزدەرى بولادى. ونى ەستىگەندە بەيادەپ سوزگە جاقىن ادامداردىڭ ءوزى قىزارىپ كەتۋى مۇمكىن. قۇرىلىسشىلار مەن ساۋداگەرلەر ءۇشىن تاڭ ەمەس سونداي ءسوزدىڭ ەندى ۇلكەن-كىشى، كارى-جاس، ايەل-ەركەك، بالا-شاعا تۇگەل ايتاتىن سوزگە اينالعانىن ەلەستەتىپ كورىڭىزشى»، - وسىلاي دەپ باستالعان «ازاتتىق راديوسىنداعى» ماقالادا ۋكراينا تۇرعىندارىنىڭ ءپۋتيندى بالاعاتتاپ ۇران سالعانى جازىلعان.

 
داعدارىسقا تۇسكەن ۋكراينادا رەسەي پرەزيدەنتى ۆلاديمير ءپۋتيندى ەر ادامنىڭ مۇشەسىنە تەڭەگەن دورەكى ءسوز «Yes We Can» («شامامىز جەتەدى») نەمەسە «Vive La Revolution» («رەۆوليۋتسيا جاساسىن») دەگەن ايگىلى تىركەستەر ءتارىزدى ۇرانعا اينالىپ كەتكەن. باسقا دا ماعىنالارى بار بۇل ءسوز باننەرلەر مەن ۇيلەردىڭ قابىرعالارىنا جازىلىپ، رەسەيدىڭ ارەكەتىنە نارازى مىڭداعان ۋكراينالىق اۋىزدارىنان تاستاماي ايتىپ جۇرگەن كورىنەدى.
 
«پۋتين – ...» دەگەن تىركەس انگە اينالىپ، ونى تاۋەلسىزدىك الاڭىنا كەلگەندەر شىرقاپ، ءتىپتى جاپونيا مەن كاليفورنياداعى ۋكرايناعا نيەتتەس ادامدار دا سونى قايتالاعان. ۋكراينا تۇرعىندارىنىڭ بۇلاي «ورەكپۋىنە» ەلدىڭ سىرتقى ىستەر ءمينيسترى مىندەتىن اتقارۋشى اندرەي دەششيتسانىڭ  پۋتينگە قاراتا ايتقان وعاش ءسوزى ء تىپتى دە اسەر ەتكەن. ەستەرىڭىزدە بولسا  دەششيتسا ماۋسىمنىڭ 14-ءى كۇنى كيەۆتەگى رەسەي ەلشىلىگىنىڭ الدىنا جينالعان اشۋلى حالىقتى تىنىشتاندىرۋ ماقساتىندا ءپۋتيندى بالاعاتتاپ جىبەرگەن ەدى. الايدا دەششيتسا بۇل ءسوزدى ايتقان كەزىندە ازاماتتىق كيىمدە بولعان جانە «جۇمىس ۋاقىتىنان تىس» مەزگىلدە ايتقان.

اباي-اقپارات