ءمۇسىلىم قۇماربەكۇلى. بۇل نە ماسقارا!
سۋرەتتە: جازۋشى ورالحان بوكەي
جاس اقىن ازامات تاسقارانىڭ «ورالحان بوكەيدىڭ ومىرىندەگى… ءبىز بىلمەيتىن قۇپيا…» اتتى ماقالاسى 4 ماۋسىم كۇنى «قازاق ءۇنى» گازەتىندە جارىق كورگەن ەدى.
ماقالادا اۆتور جازۋشى ورالحان بوكەي ءومىرىنىڭ ءبىز بىلمەيتىن قۇپياسى دەپ جازۋشىنىڭ العاشقى جۇبايى ايماننىڭ ءولىمى جايلى جازۋشى ءمۇسىلىم قۇماربەكۇلىنىڭ ايتقانىن كەلتىرگەن. ماقالانىڭ تولىق نۇسقاسىن «قازاق ءۇنى» گازەتىنىڭ سايتىنان مىنا سىلتەمە ارقىلى وقي الاسىزدار: http://www.qazaquni.kz/%D0%BE%D1%80%D0%B0%D0%BB%D1%85%D0%B0%D0%BD-%D0%B1%D3%A9%D0%BA%D0%B5%D0%B9%D0%B4%D1%96%D2%A3-%D0%B1%D1%96%D0%B7-%D0%B1%D1%96%D0%BB%D0%BC%D0%B5%D0%B9%D1%82%D1%96%D0%BD-%D3%A9%D0%BC%D1%96%D1%80%D1%96/
رەداكتسيامىزعا جوعارىدا اتالعان ماقالادا ورالحان بوكەي ءومىرىنىڭ قۇپياسىن ايتۋشى رەتىندە كورسەتىلگەن ءمۇسىلىم قۇماربەكۇلىنان قارسى ماقالا كەلىپ ءتۇستى.
تومەندە ماتەريالدى تولىق جاريالاپ وتىرمىز.
Abai.kz
1-سۋرەت: اقىن ازامات تاسقارا. 2-سۋرەت: جازۋشى ءمۇسىلىم قۇماربەكۇلى
"ورالحان بوكەيدىڭ ومىردەگى... ءبىز بىلمەيتىن قۇپياسى...". وسىعان ۇيالماي مەنىڭ ء«سوزىمدى» كەلتىرگەنىڭ ەسىمنەن تاندىردى. مەن ساعان ءومىرى تەلەفون شالىپ كوردىم بە؟ وپەراتورىڭ مەنىڭ ۇيىمە قاشان كەلىپ ءجۇر؟ سەن كينو تۇسىرسەڭ مەن نەگە ءتۇتىندى بۋداقتاتىپ، ولگەن ادامعا اشۋلانا «وق» اتۋىم، بۇلايشا نەگە كىنالاۋىم كەرەك، بولىسە الماعانىم بار ما ەكەن؟
«مەنىڭ وسى ۇيىمدە تۇردى» دەگىزىپسىڭ. بۇل ۇيدە تۇرعان جوق. ورالحان ۇيلەنگەن سوڭ ءتورت جىلدان كەيىن مەن ۇيلەندىم. ءوزى ءتىرى تۇرعاندا ونىڭ شىعارمالارىن «لەنينشىل جاسقا» مەن نەگە جولدايمىن؟
«ورالحان كۋرورتقا كەتىپ، سول جاقتان ايمانعا قوڭىراۋ شالىپ، ءوزى كەلگەنشە ءۇيدى بوساتۋىن بۇيىرعان. ايمان ونى قاتتى سۇيەتىن. ايتقان اۋىر سوزىنە شىداماي، ءوز ۇيلەرىنىڭ قارسى بەتىندە سالىنىپ جاتقان بيىك پاتەردىڭ توعىزىنشى قاباتىنان سەكىرىپ كەتكەن. مەن وسى جايدى ورالحانعا ەشقاشان كەشىرمەيمىن».
باياعىدا باقيلىق بولعان جاندى كەشىرمەيتىن قۇداي مەن بە ەكەنمىن؟ جالپى قازاق ولىككە وق اتقان ەمەس! «ايمان جەتىنشى قاباتتان قۇلاپ ءولدى» دەگەندى ەستىگەن سوڭ ورالحانمەن ارالاسقانىم جوق» دەگەنىم راس. وتىرىكتى قيسىندى جازعان ءجون عوي. ال شىندىق بولسا، وپەراتورىڭ جازعان ەكەن، سونىمەن دالەلدەپ كور.
وقىرماننان جانە مەنەن كەشىرىم سۇراماساڭ زاڭ الدىندا سويلەسۋگە تۋرا كەلەر...
قازاقستاننىڭ قۇرمەتتى ءجۋرناليسى، جازۋشى ءمۇسىلىم قۇماربەكۇلى
Abai.kz
