وسىدان ءبىرشام جىل بۇرىن "تاڭىرگە تابىنۋ" دەگەن جازباعا كەزىكتىم. بىراق ول ورىس تىلىندە بولاتىن. ماعان قاتتى اسەر ەتتى. سونىڭ نەگىزىندە مەن ونىڭ ماعىنالىق نۇسقاسىن قازاق تىلىندە "ەركىن اۋدارما" تۇرىندە جازىپ شىقان ەدىم. ول مىناۋ:

"و، ءتاڭىر! مەنىڭ بابالارىمنىڭ ارۋاعىن قولدا،

جاقىندارىم مەن تۋعاندارىمدى جامان كوزدەن قورعا!

اۋاسى كاۋسار تۋعان جەرىمدى - جەر ءجانناتى ەت!

تۋلاعان كيەلى تەڭىز سۋىمدى - ەلىمنىڭ ىرىسى ەت!

كوك اسپاننىڭ يەسى - جاراتۋشى ءتاڭىرىم مەنىڭ،

مەن ساعان باسىمدى ءيدىم، جولىڭدى قالادىم!

سەنىڭ ىزگى جولىڭمەن جۇرۋگە ماعان قۋات بەر،

ءوزىڭ كورسەتكەن باقىتقا جەتۋگە شۋاق بەر!

مەنىڭ جۇرەگىم دە - سەنىڭ قۇدىرەتىڭمەن سوعادى،

باسىمداعى باعىم دا - سەنىڭ قالاۋىڭمەن قونادى!

ءتاڭىرىم! سەن مەنىمەن بىرگە بولساڭ:

جاۋىما سىلتەر قىلىشىم - الداسپان!

تىزەم - بۇگىلمەس، نامىسىم - تاپتالماس!

ءتاڭىرىم، قابىل الساڭ - اسپاندى ءيدىر،

حان ءتاڭىرى تاۋىمنىڭ باۋىرىن ءسۇيدىر!

وتىڭدى وينات، تاۋىمدى اسقاقتات،

حالقىڭدى قۇشاعىڭا سيدىر!

و ءتاڭىر! حالقىمدى ارام پيعىلدان ساقتا!

حالقىما اجال ۋىن سەپكەندى جازالا!

ءتاڭىرىن تانىعان حالىقتىڭ ەڭسەسى بيىك!

ءتاڭىرىن تانىعان حالىقتىڭ - بولاشاعى ماڭگىلىك!...

ء(ابدىراشيت باكىرۇلى، 2011 جىل).

(وسىنى وقىعاننان كەيىن بابالارىمىزدىڭ ءتاڭىر ءدىنىن "پۇتقا تابىنۋ" دەپ ايتۋعا كىمنىڭ اۋزى بارار ەكەن؟).

ء(ابدىراشيت باكىرۇلىنىڭ FB پاراقشاسىنان الىندى)