ارعى كۇنى الماتى قالالىق اكىمدىگىڭ قىزمەتكەرلەرىنىڭ «استىنان سۋ شىققانداي» قىلىپ، ارناۋلى قىزمەتتى اياعىنان تىك تۇرعىزعان ادام قازىر اباقتىدا. عيماراتتاعى كوپ كابينەتتىڭ بىرىنە تىعىلىپ الىپ، تۇسىنىكسىز تالاپ قويعان ازامات بۇعان دەيىن ۇرلىق جاساپ سوتتى بولعان كورىنەدى.

تەرگەۋ اباقتىسىندا وتىرعان الماتىلىق تۇرعىن 37 جاستا، قالانىڭ تۇركسىب اۋدانىندا تىركەۋدە تۇرادى. الدىن – الا انىقتالعانداي، ۇستالعان ازامات ەشقانداي تەررورلىق اكتى جاساۋعا تالپىنباعان. ول بۇل قادامعا قارجىلىق جاعدايىنىڭ قيىنداۋىنا بايلانىستى جانە سوتتا قارالىپ جاتقان ازاماتتىق ءىس بويىنشا قارسىلىق بىلدىرگىسى كەلگەندىكتەن بارعاندىعىن ايتقان.

وقيعا ورىن العان كۇنى ول پوليتسياعا ءوز ەركىمەن بەرىلگەن بولاتىن. ۇستاۋ كەزىندە كۇدىكتىنىڭ قولىنان جارىلعىش زات تابىلعان جوق ەدى...

بالەنىڭ بەتى اۋلاق، تاپا-تال تۇستە قالاداعى قورعانىسى مىقتى اكىمشىلىك ءۇيىن «باسىپ الۋدى» كوزدەگەن كىسىنىڭ بۇل ارەكەتىنە كۇلىپ قانا قويا سالاتىن شىعارمىز... بىراق، ەلدىڭ عانا ەمەس، ەسىموۆتىڭ دە ەسىن العان وقيعانىڭ ساباعى بولا ما؟

اباي.kz