سەننەنباسقا كىمىمباروۆقا
«كاسكا ءوندىرۋشى قاسقا» 
جاۋاپكەرشىلىگى شامادان تىس 
شەكتەلگەن سەرىكتەستىڭ ديرەكتورى
ا.قۇنىققانوۆتان

ءبىز - ەكى اعايىندى جىگىتپىز. ۇلكەنىمىز اۆتوكرەسلو ساتىپ كۇنىن كورەتىن ەدى. وزدەرىڭىز بىلەسىز، سوڭعى كەزدە سول اعامنىڭ شارۋاسى ورگە دومالاي باستادى. سودان باستاپ مەن دەرتكە شالدىقتىم: ءىشىم قاتتى مازالاپ ءجۇر. تار بولىپ جانە كۇيىپ بارا جاتقان ءىشىمدى كەڭىتكىم كەلىپ قانداي ەم-دوم قولدانسام دا، قانشا جەردەن تۇز جالاسام دا كومەكتەسپەي قويدى. ەندى عانا ءتۇسىنىپ جاتىرمىن، مەنىڭ ءىشىم جازىلۋى (ىشتارلىقتان جانە ءىش كۇيۋدەن ارىلۋىم) ءۇشىن مەنىڭ دە بيزنەسىم ءجۇرۋى شارت. ياعني، بۇل ءۇشىن بار بولعانى «بارلىق جولاۋشىلار باسىنا كاسكا كيسىن» دەگەن زاڭ قابىلدانسا جەتىپ جاتىر. «جامان ايتپاي جاقسى جوق»، كەز كەلگەن ادام وتىرعان كرەسلوسىنان تايىپ كەتۋى مۇمكىن عوي. سول كەزدە كاسكادان باسقا نە ساقتاپ قالا الادى؟! وپشىم، ەگەر بۇل تالابىم ورىندالسا «قۇداي دا، قۇداعي دا»، مەن دە تىنىش تابار ەدىم. باستىڭ اماندىعىنا جەتەر نە بار، سوندىقتان بۇل باسقا قۇتتى كاسكاسىن قوندىراتىن ۋاقىت الدەقايدا جەتتى. مەن بۇل ويىمدى بۇدان گورى الدەقايدا تەرەڭىرەك جانە ادەمىرەك جەتكىزەر ەدىم، بىراق كوزىلدىرىك ساۋداسىمەن اينالىساتىن ايەلىم «ماعان دا وسىنداي بىردەڭە جازىپ بەر» دەپ تارتقىشتاپ مازامدى الىپ وتىر.

جاقسى جاۋاپ پەن دۇرىس شەشىمدى 
اسقان تاعاتسىزدىقپەن كۇتۋشى
ا.قۇنىققانوۆ

(جازبا اۆتوردىڭ facebookتەگى پاراقشاسىنان الىندى )