سەنبى, 19 ماۋسىم 2021
جاڭالىقتار 3656 0 پىكىر 26 جەلتوقسان, 2014 ساعات 19:35

الماتى وبلىسى ارداگەرلەرىن سىيلادى

الماتى وبلىسىنىڭ اكىمى سوعىس ارداگەرلەرىنىڭ ۇيلەرىندە بولىپ، قر پرەزيدەنتىنىڭ قۇتتىقتاۋىن جانە سىيلىقتارىن تاپسىردى.
استانا. قازاقپارات - بۇگىن وبلىس اكىمى اماندىق باتالوۆ ۇلى وتان سوعىسىنىڭ ارداگەرلەرى، ىلە اۋدانى بورالداي كەنتىنىڭ تۇرعىندارى يۆان دانيلوۆيچ تياجكوروب  پەن كوشەرحان الىمبايۇلى الىمباەۆتىڭ  وتباسىندا بولىپ، ەلباسى نۇرسۇلتان ءابىشۇلى نازارباەۆتىڭ اتىنان كەلە جاتقان جاڭا جىل مەرەكەلەرىمەن قۇتتىقتادى، دەپ حابارلادى وبلىس اكىمىنىڭ ءباسپاسوز قىزمەتى.  

ءوىڭىر باسشىسى ۇلى وتان سوعىسى ارداگەرلەرىنە مەملەكەت باسشىسى قول قويعان ارنايى قۇتتىقتاۋ حاتتارىن جانە سىيلىقتار تابىس ەتتى. وبلىس اكىمى ا.باتالوۆ ارداگەرلەرگە ەلباسىنىڭ ىستىق سالەمىن جەتكىزىپ، ەلىمىزدە نۇرسۇلتان ءابىشۇلىنىڭ سىندارلى ساياساتى ناتيجەسىندە اتقارىلىپ جاتقان شارالار مەن ۇلى جەڭىستىڭ 70 جىلدىعىنا دايىندىق جۇمىستارى جونىندە كەڭىنەن ايتىپ بەردى. ءوز كەزەكتەرىندە ارداگەرلەر ەلباسىنا ريزاشىلىقتارىن ءبىلدىردى.

- بىرىنشىدەن، ەلباسىنا مىڭ مارتە راحمەت. نۇرسۇلتان نازارباەۆتىڭ ارقاسىندا ەلىمىز قۇدايعا شۇكىر، وركەندەپ، دامۋ ۇستىندە. قازاقستانىمىز قازىر بۇكىل الەمگە تانىمال. مەرەكە قارساڭىندا سوعىس ارداگەرلەرىن ەسكە الىپ، ارنايى قۇتتىقتاۋ جىبەرۋى بىزدەردى قاتتى قۋانتىپ تاستادى. شەكسىز ريزامىز. ەلباسى امان بولىپ، ەلىمىزدى بيىك بەلەستەرگە باستاي بەرسىن، - دەدى 92 جاسار كوشەرحان الىمباەۆ.

كوشەرحانالىمباەۆ  قازىر 92 جاستا. اقتوبە وبلىسى، ىرعىز اۋدانىندا تۋعان. 1942 جىلدان باستاپ ۋكراينا، بەلارۋس، بالتىق جاعالاۋىندا سوعىسقا قاتىسقان. جاپونيا سوعىسىنا اتسالىسىپ، 4 رەت قاتتى جاراقات العان. يۆان دانيلوۆيچتياجكوروب  1927 جىلى تۋعان. 1942 جىلى قىزىل اسكەر قاتارىنا شاقىرىلىپ، سوعىسقا قاتىسقان.

0 پىكىر