بەيسەنبى, 28 ناۋرىز 2024
مايەكتى 5832 0 پىكىر 19 جەلتوقسان, 2014 ساعات 11:24

تۇرسىن جۇرتباي. «وتىز ءۇشتىڭ» ءمانى

«امەريكا كۇندەلىكتەرى» اتتى جولجازبا-كىتابىنىڭ  كەزەكتى تاراۋلارىن جالعاستىرامىز. ال، مىنا سىلتەمەلەر ارقىلى الدىڭعى جازبالاردى تاۋىپ، وقي الاسىزدار:

 

http://abai.kz/post/view?id=2410 

http://abai.kz/post/view?id=2392

http://abai.kz/post/view?id=2365

http://abai.kz/post/view?id=2341

http://abai.kz/post/view?id=2328

http://abai.kz/post/view?id=2298 

http://abai.kz/post/view?id=2264

http://abai.kz/post/view?id=2251

http://abai.kz/post/view?id=2238 

 

11.01. 2014

«33»-كە ءتافسىر (كۇندەلىككە قوسىمشا)

«جيت ۆ ميرە، نە سترەمياس پونيات ەگو سمىسل  – ۆسە روۆنو چتو راسحاجيۆات پو وگرومنوي بيبليوتەكە ي نە تروگات كنيگي». مەنلي پ.حولل. تاينىە ۋچەنيا ۆسەح ۆرەمەن ي نارودوۆ، پرەديسلوۆيە ك يزدانيۋ 1975 گودا».

دەن براۋننىڭ «ۋتراچەننىي سيمۆول»  («جۇمباعى شەشىلگەن نىسپىلار») كىتابىنداعى وسى سوزدە كوپ قۇپيا مەن ماعىنا بار. كىتاپحانا باسقارا وتىرىپ، كىتاپ سورەلەرىنە كوز قيىعىمىز تۇسپەيتىن كۇندەر مەن اپتالار بولاتىنىن نەسىنە جاسىرام. ال ويعا العان  كىتاپ قولعا تۇسپەسە ىنتىقتىرا تارتاتىنى انىق.

وتىز ءۇش (33) تسيفرى دا مەنى   سول بيماعلۇم، بەلگىسىز سىرىمەن وزىنە تارتتى. مىنە شارشاپ-شالدىعىپ فيلادەلفيادان (باۋىرلاستار قالاسىنان) كەلسەم دە، سول «33»-ءتىڭ سۋىرتپاعىن سۋىراتىن دەن براۋننىڭ «نىسپىلارىن» تاعى دا پاراقتاپ وتىرمىن. «كۇندەلىكتى» تولتىرۋدىڭ ورىنىنا باياعى الماتىداعى «33»-ءتىڭ ءانىن نيۋ-يوركتاعى گارلەمدە جالعاستىرا ايتىپ وتىرمىن.

نەگە؟ سەبەبى، بۇگىن فيلالدەلفيادان ماسونداردىڭ قۇپيا عيماراتىن كوردىم. نيۋ-يوركتەگى مورگاننىڭ ماسوندىق عيماراتىن، برودۆەيدىڭ باسىنداعى ۇشتىك نە ۇشەمدىك ماسوندىق شىركەۋدى كورگەننەن، كەيىنگى ەلىتۋدىڭ، ەرتەڭ ەڭ بيىك مارتەبەلى ماسون دج.ۆاشينگتوننىڭ ەسىمىندەگى امەريكانىڭ استاناسىنا بارار الدىنداعى ەلەگىزۋدىڭ اسەرى بولۋى مۇمكىن. «كۇندەلىكتىڭ» شيماي-شاتپاق نۇسقاسى «قالتا قاتيراسىنا» تۇسكەندىكتەن دە، الاڭسىز وسى جولداردى جازىپ وتىرمىن. ايتپاقشى، مىنە، بىرنەشە عاسىرلاردان بەرى الەمدى بولىسكە سالىپ، ء«بولىپ الىپ بيلەپ» كەلە جاتقان تەگى فرانتسۋز ديۋپوننىڭ، «قارۋ-جاراقتىڭ» اكەسى، «سوعىس قۇدايى» ديۋپوننىڭ ايەلىنە ارناپ اشقان «گۇلدەر باقشاسىن» 2 ساعات ارالاعاننىڭ اسەرىنەن ارىلا الماي وتىرمىن. ەۋروازيانى، امەريكانى، افريكانى قارۋ-جاراقپەن، وق-دارىمەن، اسكەري ۇشاقپەن، تەڭىز اسكەري لاينەرىمەن جاراقتاپ، ميلليونداردى قازاعا ۇشىراتىپ، ميلليونداعان ايەلدى جەسىر قالدىرىپ، ميلليونداعان بالانىڭ كوز جاسىنىڭ  وبالىنا قالعان الەمنىڭ باس ماسوندارىنىڭ ءبىرى ديۋپون ءاربىر ساپارىنان  (ارينە، قارۋ-جاراق ساتىپ قايتىپ) ءوزىنىڭ سۇيىكتى ايەلىنە گۇلدەردىڭ تۇقىمىن اكەپ، گۇل باقشاسىن اشقانى قانداي نازىكتىك! قانداي قاتىگەزدىك! قانداي قايشىلىق! قانداي ەكىبەتتى ماحاببات؟!! 

ال وسى ديۋپون دا ماسونداردىڭ، دۇنيەنى 1922 جىلى بولىسكە سالعان جەتى مارقاسقاسىنىڭ بىرەۋى. امەريكانى وتىزىنشى جىلدارداعى «ۇلى دەپرەسسيادان»، قىرقىنشى جىلعى توقىراۋدان  قارۋ-جاراق ءوندىرىپ ء(بىرىنشى، ەكىنشى دۇنيەجۇزىلىك سوعىستا  تۇسىرگەن پايداسى ارقىلى) قۇتقارعان ادام!  ۇلى ما، زۇلىم با؟ ايتا كەتەيىن، دجوردج ۆاشينگتوننان باستالاتىن امەريكاننىڭ 44 پرەزيدەنتىنىڭ دەنى ماسون باۋىرلاستىعىنىڭ مۇشەسى ەكەن! ال دۇنيە ماسونداردىڭ قورمال قازىناسىنىڭ كىلتى – ۆاشينگتون شاھارىندا كورىنەدى. ەرتەڭ سول شاھارعا اتتانامىن. قازاقتىڭ دا ەكى-ءۇش «باس باشقاندارى» وسى لوجاعا مۇشە-ءمىس. 200 ميلليون دوللارعا شامالاس قۇنى بار اراب حاليفاتىنىڭ زۇلپۇھارىن – «سەرت سەمسەرىنىڭ» نىسپىسى رەتىندە ساتىپ الىپتى-مىس!

سونىمەن، 33-كە ۇيىرىلەيىك.

كوركەم ءافسانا  بويىنشا: «ول قازىنا مەن قۇپيا الدەقايدا جاسىرىنعان»، ال ماسونداردىڭ «سەرت سارايىنىڭ» رەت سانى 1733. ميلاديگە دەيىنگى ماۆسون پاتشانىڭ ورامىنا ۇقساس «ماۆزولەي» «33» – دارەجەگە كوتەرىلگەن. ۇلى ماسون – ماستەر، جاڭا ماسون – ىزدەنۋشى – دەپ اتالادى. «سەمسەر» استىنان سەرتكە وتەدى. باسسۇيەكتەگى قىزىل شاراپتى ىشەدى. ول: «قۇپيانى اشسام باسىمدى وسى سەمسەر شاۋىپ ءتۇسسىن. قانىم وسى، قىزىل شاراپتاي توگىلسىن» – دەگەندى بىلدىرەدى. ولاردىڭ تىڭدايتىنى سازى – «ۆەششي سۆەت» ، «رەكۆيەم»، «سۋدنىي دەن»!

ۆاشينگتون قالاسىنىڭ ساۋلەتىن ءتۇسىنۋ ءۇشىن كەرەك ماعلۇماتتار بولعاندىقتان دا قاتيراعا ءتۇسىردىم.

(جالعاسى بار...)

اباي.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3516