تاۋەلسىزدىك بارلىق قازاقستاندىقتاردىڭ جارقىن بولاشاعىنا كەپىلدىك بەرەدى. مۇنداي ويدى «احىسكا» تۇرىك ەتنومادەني بىرلەستىگىنىڭ باسشىسى اسكەر پەريەۆ ءبىلدىردى.

«تاۋەلسىزدىكتىڭ ارقاسىندا ءبىز تەگىن ءبىلىم، تەگىن مەديتسينا، الەۋمەتتىك كومەك سياقتى ماڭىزدى جەتىستىكتەرگە قول جەتكىزىپ وتىرمىز. بۇلار ءبىزدى مىقتى ءارى ىنتىماقتى ەتە تۇسەدى»، - دەيدى ول.

ەتنومادەني ورتالىق جەتەكشىسىنىڭ ايتۋىنشا، قازاقستاننىڭ بۇلاي قارىشتاپ دامۋىنا قوعام مەن مەملەكەت باسشىسىنىڭ ءسىڭىرىپ وتىرعان ەڭبەگى ۇشان تەڭىز. «كورىپ جۇرگەنىمىزدەي، نۇرسۇلتان نازارباەۆ وتە قيىن ءارى امبيتسياعا تولى ماقساتتار قويادى، دەگەنمەن ولاردى ورىنداۋعا بولادى جانە ورىندالىپ تا كەلە جاتىر. ءبىزدىڭ پرەزيدەنتىمىز ساياسات پەن يدەولوگيانى وتە جاقسى مەڭگەرگەن، سوندىقتان ونىڭ العا قوياتىن ماقساتتارى ۇنەمى ورىندالادى»، - دەيدى اسكەر پەريەۆ.

ونىڭ پىكىرىنشە، پرەزيدەنتتىڭ ساياساتىنىڭ ءتيىمدى جۇرگىزىلۋىندە قوعامىمىزدىڭ ءبىر جاعادان باس، ءبىر جەڭنەن قول شىعارعان اۋىزبىرلىگى ۇلكەن ءرول وينايدى.

ء«بىز تاۋەلسىزدىكتىڭ باعاسىن جاقسى بىلۋگە ءتيىسپىز. ول ءبىزدىڭ تىنىش ۇيىقتاپ، بالالارىمىزدىڭ مەكتەپكە الاڭسىز بارۋىنا، ءوزىمىزدىڭ الاڭسىز جۇمىس جاساۋىمىزعا كەپىلدىك بەرەدى.  بارلىقتارىڭىزدى وسىناۋ ۇلىق مەرەكەمەن قۇتتىقتاپ، ارقايسىڭىزعا باقىت پەن بەرەكە تىلەيمىن»، - دەدى ول.

اباي-اقپارات.

دەرەككوز: http://inform.kz/kaz/article/2728169