ساۋال: مەملەكەتتىك تۇرعىن ءۇي قورىنان باسپانا الۋ ءۇشىن كەزەكتە تۇرمىز. ول بويىنشا كەزەكتى جىلجىتۋ ءۇشىن وتباسىنداعى بالا سانىن بالعا شاعىپ ەسەپتەيدى ەكەن. وسىنىڭ جايىن ءتۇسىندىرىپ بەرە الاسىزدار ما؟

جاۋاپ:

مەملەكەتتىك تۇرعىن ءۇي قورىنان باسپانا الۋدى رەتتەۋدى جەرگىلىكتى اتقارۋشى ورگاندار رەتتەيدى. سوندىقتان بارلىق سۇراقتارعا تولىق جاۋاپتى سول جاقتا نىحدەگەنىڭ ءجون. دەگەنمەن، قولدانىستاعى زاڭناماعا سۇيەنە وتىرىپ، باسپانا كەزەگىن جىلجىتۋ ءۇشىن قولدانىلاتىن بالدىق جۇيە تۋرالى مىنا اقپاراتتى ايتا كەتپەكپىز:

جالعا بەرىلەتىن تۇرعىن ءۇيدى ءبولۋ ءۇشىن تولەم قابىلەتىن راستاعان ءوتىنىش بەرۋشىلەردى ىرىكتەۋدى اتقارۋشى ورگان بالدىق جۇيە بويىنشا (بالدىڭ ەڭ كوپ سانى بويىنشا) جۇرگىزەدى.

1) تىركەلگەن نەكەنىڭ ءاربىر جىلى ءۇشىن 5 بالل;

2) تۇڭعىش بالا ءۇشىن 20 بالل، ەكىنشى جانە كەيىنگى  بالالار ءۇشىن 30 بالل;

3) مۇگەدەك بولىپ تابىلاتىن جانە قازاق­ستان رەسپۋبليكاسىنىڭ ۇكىمەتى بەكىتكەن سوزىل­مالى  اۋرۋلاردىڭ كەيبىر اۋىر تۇرلەرى­مەن اۋىراتىن  وتباسىنىڭ ءاربىر مۇشەسى ءۇشىن - 10 بالل;

4) مەملەكەتتىك باعدارلامالار شەڭ­بەرىندە الداعى ىرىكتەۋ كەزىندە سالىنعان تۇرعىن ءۇيدىڭ تىزى­مىنە  قوسىلماعان ۇمىتكەرلەر ءۇشىن قوسىمشا 5 بالل. جالعا بەرىلەتىن تۇرعىن ءۇيدى ءبولۋ كەزەگىن جيناعان بالدىڭ سانى انىقتايدى.