ءار جاس وتباسىندا اتا-انا ۇيىنەن بولەك، جەكە ءۇيدى، باسپانانى ساتىپ الۋ تۋرالى ماسەلە تۋىندايتىنى انىق. ال شىندىعىندا ءاربىر وتباسى پاتەردى ءوز قاراجاتىنا ساتىپ الا المايدى. «قولجەتىمدى باسپانا 2020» باعدارلاماسى  بويىنشا جاس وتباسىلاردىڭ تۇرعىن ءۇي ماسەلەسىن شەشۋ ءۇشىن  باستاپقى جارناسىز سوڭىرا ساتىپ الۋمەن جانە تومەندەتىلگەن پايىزدىق مولشەرلەمەلەر بويىنشا پاتەردى جالعا الۋ مۇمكىندىگىن كوزدەيتىن، «جاس وتباسى» - باعىتى ىسكە اسىرىلادى.

 «جاس وتباسى» باعىتىندا قاتىسۋ ءۇشىن كەيبىر تالاپتارعا سايكەس كەلۋ قاجەت.

ەرلى-زايىپتىلاردىڭ جاسى. ءوتىنىش بەرۋ كەزىندە ەرلى-زايىپتىلاردىڭ ەكەۋىنىڭ دە جاسى 29 جاستان اسپاۋى ءتيىس. ەگەر وتباسى تولىق بولماسا، جاسى بويىنشا شەكتەۋ تەك بالانى (بالالاردى) تاربيەلەپ جاتقان اتا-انانىڭ بىرىنە عانا قاتىستى، ول دا 29 جاستى قۇرايدى.

ەرلى-زايىپتىلىق كەزەڭى.ء وتىنىش بەرۋ ساتىندە تىركەلگەن نەكە كەزەڭى 2 جىلدان كەم ەمەس مەرزىمدى قۇراۋى ءتيىس. اتالمىش شەكتەۋ تولىق ەمەس وتباسىنا قاتىستى ەمەس.

وتباسىنىڭ قۇرامى. وتباسىنىڭ قۇرامىنا ەرلى-زايىپتىلاردىڭ وزدەرى، سونداي-اق ولاردىڭ كامەلەتكە تولماعان بالالارى، سونداي-اق ەرلى-زايىپتىلاردىڭ جۇمىسقا جارامسىز اتا-انالارى. وتباسى مۇشەلەرىنىڭ سانى بولاشاق پاتەردىڭ كۆادراتۋراسىن انىقتاعاندا ەسكەرىلەتىن بولادى، ءار وتباسىنا 15 تەن كەم ەمەس 18 ش.م. بولىنەدى. ەگەر وتباسىندا 3 ادام تۇرسا، وندا پاتەردىڭ اۋدانى 45ش.م. كەم بولماۋى ءتيىس.

تۇرعىن ءۇيدىڭ بولماۋى. «جاس وتباسى» باعىتى بويىنشا  قاتىسۋ ءۇشىن ەرلى-زايىپتىلاردا جانە وتباسى مۇشەلەرىندە پاتەردى الۋ بولجانىپ وتىرعان ەلدى مەكەندە جىلجىمايتىن مۇلكى بولماۋى ءتيىس.

تابىسى. وتباسىنىڭ جىل سايىنعى جيىنتىق تازا تابىسى زەينەتاقى اۋدارىمدارىن، جەكە تابىس سالىعىن جانە  ەرلى-زايىپتىلاردىڭ جانە بالانىڭ (بالالاردىڭ) سوڭعى 6 ايداعى اي سايىنعى شىعىندارىن قوسپاعاندا ءوتىنىشتى بەرەر الدىندا مىناداي شەكتە بولۋى ءتيىس:

- ەڭ تومەنگى –الماتى، استانا قالالارى ءۇشىن – ەتج (74 640 تەڭگە), قالعان قالالار ءۇشىن ەڭ     تومەنگى كۇنكورىستىڭ 4-ەسە مولشەرى – 3 ەتج (55 980 تەڭگە);

- ەڭ جوعارعى –12 ەتج كەم ەمەس (223 920 تەڭگە).

ەرلى-زايىپتىلاردىڭ كۇندەلىكتى شىعىندارى ءبىر ادامعا – 15 ايلىق ەسەپتىك كورسەتكىشتەر (اەك) = 25 965 تەڭگە, ءبىر كامەلەتكە تولماعان بالاعا – 7,5 اەك = 12 982 تەڭگەنى قۇرايدى.

ازاماتتىق. باعدارلاماعا قاتىسۋشىلار قر ازاماتى نەمەسە ورالمان مارتەبەسى بولۋى ءتيىس.

اباي-اقپارات.