ەلىمىزدەگى ەڭ «ەركە» كولىك جۇرگىزۋشىسى ماقسات ۇسەنوۆ قاماۋدان بوساپ شىقتى. جول-كولىك وقيعاسىنان كەيىن سوت-مەديتسينالىق تەكسەرۋدەن باس تارتقان ول الماتى قالالىق مامانداندىرىلعان اۋدانارالىق سوتىنىڭ شەشىمىمەن 20 تاۋلىككە قامالعان بولاتىن.

ەسكە سالا كەتەيىك، وسىدان 1 جىل بۇرىن الماتى كوشەسىندە كولىك اپاتىنا جول بەرىپ، التى ادامدى قاعىپ، ونىڭ ءبىرى وقيعا ورنىندا جان تاپسىرعاننان كەيىن ۇسەنوۆ 2018 جىلعا دەيىن جۇرگىزۋشى كۋالىگىنەن ايىرىلعان بولاتىن. الايدا، زاڭنىڭ شەكتەۋىنە پىسقىرماعان ول تاعى بىرنەشە مارتە كولىك رۋلىندە ۇستالىپ، قوماقتى ايىپپۇل تولەپ قۇتىلعان ەدى. ونىڭ سوڭعىسى 15 قاراشادا ورىن الىپ، ۇسەنوۆتى سوت 20 تاۋلىككە قاماۋدى ۇيعارعان.