الماتى. 14 مامىر. قازتاگ - ديليارام اركين. ۆەنا قازاقستاننىڭ ەقىۇ-عا توراعالىعىن، سونىڭ ىشىندە قىرعىزستانداعى جاعدايدى رەتتەۋگە قوسقان ۇلەسىن وڭ باعالايدى، دەپ ءمالىم ەتتى ەقىۇ باس حاتشىسى مارك پەررەن دە بريشامبو.

«ۆەناداعىلار ەقىۇ-عا قازاقستاندىق توراعالىققا، سونىڭ ىشىندە قىرعىزستانداعى جاعدايدى رەتتەۋدەگى ءرولىن وڭ باعالاپ وتىر»، - دەپ ءمالىم ەتتى ول جۇما كۇنى الماتىدا مەملەكەتتىك حاتشى-سىرتقى ىستەر ءمينيسترى قانات ساۋداباەۆپەن ەكىجاقتى كەزدەسۋ بارىسىندا.

ءوز كەزەگىندە ق. ساۋداباەۆ م. بريشامبوعا كورشى مەملەكەتتەگى قاقتىعىستى رەتتەۋگە قولداۋ كورسەتكەنى ءۇشىن العىس ءبىلدىردى.

«ءبىز كوپ جەتىستىككە قول جەتكىزدىك، وسى ءۇشىن سىزگە شەكسىز العىس ايتقىم كەلەدى. پرەزيدەنت نۇرسۇلتان نازارباەۆ بۇل پروتسەسكە قاتىسىپ، باۋىرلاس مەملەكەتتەگى زورلىق پەن ازاماتتىق سوعىستىڭ الدىن الۋ ءۇشىن قولدان كەلگەننىڭ ءبارىن جاساعانىن بىلەسىز. ونىڭ ارقاسىندا قىرعىزستانداعى داعدارىستى جاعدايدى ارتتا قالدىرۋ ءۇشىن اقش پرەزيدەنتى باراك وبامامەن بىرلەسكەن جانە ءوزارا ۇيلەستىرىلگەن ارەكەتتەر جاساي الدىق»، - دەدى ق. ساۋداباەۆ.

الماتى. 14 مامىر. قازتاگ - ديليارام اركين. ۆەنا قازاقستاننىڭ ەقىۇ-عا توراعالىعىن، سونىڭ ىشىندە قىرعىزستانداعى جاعدايدى رەتتەۋگە قوسقان ۇلەسىن وڭ باعالايدى، دەپ ءمالىم ەتتى ەقىۇ باس حاتشىسى مارك پەررەن دە بريشامبو.

«ۆەناداعىلار ەقىۇ-عا قازاقستاندىق توراعالىققا، سونىڭ ىشىندە قىرعىزستانداعى جاعدايدى رەتتەۋدەگى ءرولىن وڭ باعالاپ وتىر»، - دەپ ءمالىم ەتتى ول جۇما كۇنى الماتىدا مەملەكەتتىك حاتشى-سىرتقى ىستەر ءمينيسترى قانات ساۋداباەۆپەن ەكىجاقتى كەزدەسۋ بارىسىندا.

ءوز كەزەگىندە ق. ساۋداباەۆ م. بريشامبوعا كورشى مەملەكەتتەگى قاقتىعىستى رەتتەۋگە قولداۋ كورسەتكەنى ءۇشىن العىس ءبىلدىردى.

«ءبىز كوپ جەتىستىككە قول جەتكىزدىك، وسى ءۇشىن سىزگە شەكسىز العىس ايتقىم كەلەدى. پرەزيدەنت نۇرسۇلتان نازارباەۆ بۇل پروتسەسكە قاتىسىپ، باۋىرلاس مەملەكەتتەگى زورلىق پەن ازاماتتىق سوعىستىڭ الدىن الۋ ءۇشىن قولدان كەلگەننىڭ ءبارىن جاساعانىن بىلەسىز. ونىڭ ارقاسىندا قىرعىزستانداعى داعدارىستى جاعدايدى ارتتا قالدىرۋ ءۇشىن اقش پرەزيدەنتى باراك وبامامەن بىرلەسكەن جانە ءوزارا ۇيلەستىرىلگەن ارەكەتتەر جاساي الدىق»، - دەدى ق. ساۋداباەۆ.

سونداي-اق، ول قازاقستانعا قىرعىزستانداعى جاعدايدى رەتتەۋگە قولداۋ كورسەتكەن بۇۇ باس حاتشىسى پان گي مۋنعا دا العىس ءبىلدىردى. «سونىمەن قاتار، ءبىز بۇل وقيعاعا جەدەل ءۇن قاتىپ، ءوزىنىڭ ارنايى وكىلى يان كۋبيشتى قىرعىزستانعا اتتاندىرعان پان گي مۋنعا دا العىس بىلدىرەمىز. سونداي-اق، ءبىز كورشى ەلدەگى ساياسي تۇراقسىزدىق كۇندەرى ءتيىمدى ارەكەت ەتكەن ەۋرووداق پەن ەقىۇ-نىڭ بىشكەكتەگى كەڭسەسىنە العىس ايتامىز»، - دەدى ق.ساۋداباەۆ.

مەملەكەتتىك حاتشى-سىرتقى ىستەر ءمينيسترى ق. ساۋداباەۆپەن ەكىجاقتى كەزدەسۋ بارىسىندا ەقىۇ پارلامەنتتىك اسسامبلەياسىنىڭ پرەزيدەنتى  جواو سوارەش قازاقستاندى ەقىۇ تاريحىنداعى ەڭ بەلسەندى توراعا دەپ اتادى.

«مەن قازاقستاننىڭ ەقىۇ بارلىق فۋنكتسيالارىن لايىقتى دەڭگەيدە اتقارىپ وتىرعانىن قۋانا اتاپ وتكىم كەلەدى. ءبىز ءسىزدىڭ توراعالىعىڭىز باستالعالى بەرى باقىلاپ وتىرمىز. جانە جەكە ءسىز دە بىزدەن قۇتتىقتاۋ ەستۋگە لايىقتىسىز. قازاقستان - ەقىۇ-نىڭ مەن كورگەن ەڭ بەلسەندى توراعاسى»، - دەدى ج. سوارەش.

ەكپا باسشىسى قر ءسىم قىزمەتكەرلەرىنىڭ وڭ قىزمەتىن اتاپ كورسەتتى. «مەن سىزدەردىڭ قاقتىعىس بولعان بارلىق جەردە بولعاندارىڭىزدى بىلەمىن جانە سىزدەردىڭ جۇمىستارىڭىزدى جوعارى باعالايمىن»، - دەدى ول.