26 پاتەر يەسىن كۇتەدى

«قازاقستاننىڭ تۇرعىن ءۇي قۇرىلىس جيناق بانكى» اق مەن الماتى وبلىسىنىڭ اكىمدىگىنىڭ ەكىجاقتى كەلىسىمىنىڭ ناتيجەسىندە تۇرعىندار جاڭا پاتەرلەرگە قول جەتكىزبەك.

«قول جەتىمدى باسپانا-2020» باعدارلاماسى شەڭبەرىندە سالىنىپ، قۇرىلىس اياقتالعان 26 پاتەر ءوز يەلەرىن كۇتۋدە.

الماتى وبلىسى، ىلە اۋدانىنىڭ ورتالىعى وتەگەن باتىر كەنتىندە ورنالاسقان بۇل كوپقاباتتى ءۇي 50 پاتەردەن تۇرادى. ونىڭ 26 پاتەرى «قازاقستاننىڭ تۇرعىن ءۇي قۇرىلىس جيناق بانكىنىڭ» جۇيەسى ارقىلى ساتىلادى. تۇرعىن ءۇيدىڭ 1 شارشى مەترى ءۇشىن قويىلعان باعا – 100 000 تەڭگە. قازىرگى كۇنى سالىمشىلاردان قۇجاتتار قابىلداۋ جالعاسۋدا.