سەيسەنبى, 14 شىلدە 2020
COVID-19 قازاقستاندا. جۇقتىرعاندار — 61755. جازىلعاندار — 35911. قايتىس بولعاندار — 375
ساتيرا 4020 0 پىكىر 28 قاراشا, 2014 ساعات 12:14

سيىردان سۇراڭىزدار...

سىننان كوز اشپايتىن، بىراق قۇتتى كرەسلوسىنان قاشپايتىن، باسقا سالاعا ەكى اياعىن تىرەپ، ولسە دە باسپايتىن اۋىل شارۋاشىلىعى ءمينيسترى  قيمىل­دا­ماس كادرباەۆ ۇكىمەت ساعاتىنان ۇتىكتەلمەي شىققانى سول، تىلشىلەر قورشاي قالدى. مينيستر بۇل جولى كوڭىلدى، ىڭىلداپ ءان ايتىپ كەلە جاتقان: «چيپ–چيپ–چيپ، ماريا ماگدالەنا، و–و–و!» دەپ...

–كەشىرىڭىز، 150-ءشى ارنانىڭ ءتىلشىسى ەدىم، بيىل استىق بىتكەن قار استىندا قالدى... وبال ەمەس پە؟

–ونى اۋا رايىنان سۇراڭىز...

–«قيسىق» ارناسىنانمىن، قاي ءبىر جىلى شەتەلدەن ساتىپ الىنعان سيىرلار­دىڭ ءبارى سپيد بولىپ شىقتى ما، ايتەۋىر ورتەپ ولتىردىڭىزدەر...

–ونى سيىرلاردان سۇراڭىزدار...

–«ابۆگد» ارناسىنان سۇراق بەرىپ تۇرمىن: ورىنباسارىڭىز سوتتالدى، ءسىز وتستاۆكاعا كەتەمىن دەپ ەدىڭىز؟

–ونى پرەزيدەنتتەن سۇراڭدار...

–كەشىرىڭىز، ازىپ كەتىپسىز؟

–ونى ايەلىمنەن سۇراڭىزدار...

–ماجىلىستە ەسەپ بەرىپ جاتقانىڭىزدا، دەپۋتاتتار بىرتىندەپ مىنبەرگە شىعىپ، باسىڭىزدان سيپاپ جاتتى. نەگە؟

–ونى سيپاعانداردان سۇراڭىزدار...

ء–تىپتى ءبىر دەپۋتات: ء«سىز باسقا سالاعا باستىق بولىپ كەتە كورمەڭىزشى، وتىنەمىز... باستاعان ءىسىڭىزدى كىم ىستەيدى؟ قۇداي ءۇشىن جىلى ورنىڭىزدا قالىڭىزشى، دالادا كۇن سۋىق...» دەدى. نە ءۇشىن؟

–ونى وزىنەن سۇراڭىز...

–ەندىگى جىلى نان قىمباتتامايدى ما؟

–ونى ەندىگى جىلدان سۇراڭىزدار!

–شارۋا قوجالىقتارىندا سيىرلار ءىش تاستاپ جاتقان كورىنەدى؟

–ونى بۇقالاردان سۇراڭىز...

–وتاندىق كولىكتى نەگە مىنبەيسىز؟

–ونى شوپىرىمنان سۇراڭىز!

–سوندا سىزدەن نە سۇرايمىز؟

–سونى ءوزىم دە بىلمەيمىن...

ء–سىز كوپ سىنالاسىز. سوندا دا بىلق ەتپەيسىز... نەگە؟

–ونى نەگەدەن سۇراڭىز؟

–قىزىق مينيستر ەكەنسىز...

–قىزىق ەمەس مينيستردەن سۇراڭىز...

–تۇسىڭىزدە شەتەلدىك اسىل تۇقىمدى سيىرلاردى كورەسىز بە؟

–ونى تۇسىمنەن سۇراڭىز...

–بيۋدجەتتەن بولىنگەن قارجىنى اشقاراقتار جەپ جاتىر. سوعان قارنىڭىز اش­پاي­دى ما؟

–ونى اسقازانىمنان سۇراڭىز...

–دەپۋتاتتار بۇل جولى باسىڭىزدان سيپادى، حالىق باسىڭىزدان سيپاماسا شە؟

–ونى حالىقتان سۇراڭىز.

–سۇراقتارعا جاۋاپ بەرگىڭىز كەلمەيدى. نەگە؟

–سۇراقتاردان سۇراڭىز... ال، مەن كەتتىم!

      مينيستر پورتفەلىن سيپاپ قويىپ، بيلىك دالىزىندە شىرەنە كەتىپ بارادى. كوڭىلى كوتەرىڭكى. ىسقىرىپ قويادى: «چيپ–چيپ، چيپ...»

 

مۇحتار شەرىم.

قازاقستان جازۋشىلار وداعىنىڭ مۇشەسى، «قازاق ادەبيەتى» گازەتىنىڭ لاۋرەاتى، جازۋشى-سىقاقشى، رەسپۋبليكالىق «ارا» گازەتىنىڭ ارناۋلى ءتىلشىسى مۇحتار شەرىم كورنەكتى ساتيريك، قوعام قايراتكەرى، شىمشىما شەبەرى شونا سماحانۇلىنىڭ  90 جىلدىق مەرەيتويىنا وراي وتكەن «شوق ءتىلدى شونا» اتتى فەلەتونشىلار بايگەسىنىڭ باس جۇلدەسىن يەلەلەنىپ قايتتى.

0 پىكىر