مەملەكەتتىك ءتىلدى دامىتۋ قورى استانادا «ايتىس» (iTys) اتتى تۇڭعىش قازاقستاندىق مەسسەندجەردىڭ تۇساۋكەسەرىن وتكىزدى.

بۇل الەمگە ايگىلى Whatsapp-تىڭ قازاقستاندىق بالاماسى.

ياعني،  iTys – تۇڭعىش رەت قازاقستاندىق ماماندار جاساپ شىعارعان، جەدەل حابار الماسۋعا ارنالعان موبيلدىك قوسىمشا.

iTys ورىس جانە اعىلشىن تىلدەرىندە عانا ەمەس، ەڭ باستىسى، قازاق ءالىپبيىنىڭ بارلىق ارىپتەرىن پايدالانىپ، مەملەكەتتىك تىلدە حابار الماسۋعا بولاتىندىعىمەن ايرىقشا.

بۇل ەرەكشەلىك ونى قازىر قولدانىستا جۇرگەن بەلگىلى مەسسەندجەرلەردەن دارالاپ، ءاربىر قازاقستاندىققا ارنالعان، تولىقتاي ۇلتتىق IT-ءونىم اتاندىرادى.

جاڭا وتاندىق ءونىم مەملەكەتتىك ءتىلدى دامىتۋ، ءۇش تۇعىرلى ءتىل جانە قازاق ءتىلىن قارقىندى دامىپ كەلە جاتقان اقپاراتتىق ورتاعا بەيىمدەۋ تۋرالى ەلباسى نۇرسۇلتان نازارباەۆ جۇكتەگەن مىندەتتەرگە تولىعىمەن ساي كەلەدى.

iTys قوسىمشاسىنىڭ ەڭ باستى ەرەكشەلىگى – ونىڭ ۇلتتىق مانەردە ايشىقتالعان، مەملەكەتتىك تىلدە قولدانۋعا بولاتىن ەكسكليۋزيۆتى ينتەرفەيسى مەن ءمازىرى.   

ياعني، بارلىق سمايليكتەر قازاقتىڭ ۇلتتىق ناقىشىندا جاسالعان.

ونىڭ تاعى ءبىر ماڭىزدى قىرى – باسقا مەسسەندجەرلەر سياقتى قولدانۋ ءۇشىن تولەم تالاپ ەتپەيدى.

اركىم ونى تەگىن پايدالانا الادى.

وسىنىڭ بارلىعى حابار الماسۋعا ارنالعان تۇڭعىش قازاقستاندىق ءموبيلدى قوسىمشا – iTys-تى تەك تارتىمدى، قىزىقتى ەتىپ قانا قويماي، قازاقستاننىڭ كەز-كەلگەن تۇرعىنى ءۇشىن مەيىلىنشە قولجەتىمدى ەتەدى.

سونداي-اق، ءوزى سياقتى باسقا قوسىمشالاردان «ايتىستىڭ» تاعى ءبىر ارتىقشىلىعى – وندا جەكە حاتتاردىڭ قۇپيالىلىعىن ساقتاۋعا مۇمكىندىك بەرەتىن حابارلامالاردى اۆتوماتتى تۇردە ءوشىرۋ فۋنكتسياسى بار. مۇنداي قىزمەت الەمدەگى ءبىر دە ءبىر مەسسەندجەردە جوق.

مەسسەندجەردىڭ باپتاۋىندا بەلگىلى ءبىر مەرزىم وتكەننەن كەيىن قانداي دا ءبىر ابونەنتپەن ارادا بولعان حاتتار اۆتوماتتى تۇردە ءوشىرۋ ءۇشىن قالاعان ۋاقىتتى تاڭداۋعا بولادى.

iTys – ونى جەتىلدىرۋگە ءاربىر قازاقستاندىق ءوزىنىڭ ۇلەسىن قوسا الاتىن، شىن مانىندەگى تۇڭعىش حالىقتىق مەسسەندجەر.

تەستلەۋ رەجيمىندە تۇتىنۋشىلار قوسىمشانى ارلەۋگە اتسالىسىپ قانا قويماي، ونىڭ قىزمەت تۇرلەرىنە بايلانىستى ۇسىنىستارىن دا بەرە الادى.

جوباعا پىكىر ءبىلدىرىپ، ۇسىنىستار ەنگىزىپ، ۇناعان قىزمەت تۇرىنە داۋىس بەرىپ، تاقىرىپتار ۇسىنۋ ءۇشىن مەسسەندجەردىڭ www.itys.kz سايتىنا كىرسەڭىز بولعانى. ول جەردەن قوسىمشانى جۇكتەپ الۋعا دا بولادى.

قازىرگى تاڭدا قوسىمشانى جۇكتەۋ OC Android-ى بار سمارتفوندار ءۇشىن قولجەتىمدى.

جەلتوقسان ايىندا iOC پلاتفورماسىنا شىعۋدى كوزدەپ وتىرمىز.

تۇساۋكەسەر كەزىندە وعان قاتىسۋشىلار قوسىمشانى ءموبيلدى تەلەفوندارىنا نەمەسە پلانشەتتەرىنە تەگىن جۇكتەپ الدى.

جاقىن بولاشاقتا «ايتىستىڭ» اياسىندا تەگىن دىبىستىق قوڭىراۋلار، قازاق ءتىلىنىڭ اۆتوكوررەكتورى، گرافيكالىق رەداكتور، سونداي-اق، ۇلتتىق ۇلگىدە جاسالعان جاڭا انيماتسيالار مەن ستيكەرلەر قىزمەتىن قوسۋدى كوزدەپ وتىرمىز.

بۇل مىندەتتەردى جۇزەگە اسىرۋ ءۇشىن دارىندى دا كرەاتيۆتى قازاقستاندىق سۋرەتشىلەر مەن ديزاينەرلەر جانە iTys جوباسىنا جاڭا، قىزىقتى يدەيالاردى جيناقتاۋعا قابىلەتتى تەحنيكتەر جۇمىلدىرىلدى.

مەملەكەتتىك ءتىلدى دامىتۋ قورى

Abai.kz