قازاقستان رەسپۋبليكاسى

ۇلتتىق قاۋىپسىزدىك كوميتەتىنىڭ توراعاسى

نۇرتاي ابىقاەۆقا

قازاقستان رەسپۋبليكاسىنىڭ باس پروكۋرورى

اسحات داۋىلباەۆقا

بىزدەر اقىلجانوۆا دىلداكۇل، مايماقوۆا گۇلبارام، سەيىتوۆا ايىم  2014 جىلدىڭ 15 قاراشا كۇنى تۇركىستان قالاسىنا زياراتقا باردىق. احمەت ياسساۋي كەسەنەسىنە زيارات جاساپ بولعان سوڭ يمام مارات قالداربەكۇلى دەگەن جىگىت: «وسى جەردەن 60 كم جەردە ۋكاشا اتا كەسەنەسىنە دە زيارات جاساساڭىزدار ۇلكەن ساۋاپقا كەنەلەسىزدەر»، - دەدى. ءسويتىپ ءۇش قۇربى التى مىڭ تەڭگەگە تاكسي جالداپ باردىق. الدىمىزدان سول جەردىڭ مولداسى ۇلىقبەك جۇنىسباەۆ دەگەن جىگىت شىعىپ: «قونىڭىزدار ساۋابى مول بولادى»، - دەدى. جارايدى دەپ قوندىق. كۇندىز قۇدىق باسىنا بارىپ سۋ الدىق. الايدا قۇدىقتىڭ باسىندا وتىرعان تەمۋر، بايزاق دەگەن جىگىتتەر ساداقاعا تۇسكەن اقشانى ارنايى سەيفتەرگە سالعىزباي ورتاعا ءۇيىپ، ادامدار سايابىرسىعان كەزدە تۇيىنشەكتەرگە ءتۇيىپ الىپ قاسىنداعى ۇيگە الىپ كەتتى. قۇداي-اۋ، تۇيىنشەكتىڭ ىشىندە بەس ءجۇز مىڭ تەڭگەگە جۋىق اقشا بار-اۋ دەپ ويلادىق. ال سەيفتىڭ بەتىن اق ماتامەن وراپ تاستاعان. ءسويتىپ كەشكىسىن تاماقتانىپ بولعان سوڭ، قۇدىقتىڭ باسىنا وتىرعان تەمۋر، بايزاق، يمام ۇلىقبەك،قاسىندا الماس، تاعى دا ەكى-ءۇش بالا، اتىن بىلمەدىك، جينالىپ الىپ، كوكنار ما، ناشا ما شەگىپ، ءبىر كەزدە وزدەرىنەن وزدەرى ايقايلاپ زىكىر سالدى. ءبىزدى دە شاقىرىپ جاتىر دەپ ءبىر بالا كەلدى. اتىن بىلمەدىك. بارساق يمام ۇلىقبەك دەگەن جىگىت كوزى قىزارىپ كەتكەن، تۇرلەرىنەن ادام قورقادى، بىزدەرگە ايقايلاپ: «وتىرىڭدار، زىكىر سالىڭدار، كوكىرەك كوزدەرىڭ اشىلادى. ابدەن دەنەلەرىڭدى شايتان بيلەپ العان» دەدى. قورىققانىمىزدان مەشىت بولمەسىنىڭ كىرە بەرىسىنە وتىرا سالدىق. وزدەرىنەن وزدەرى ايقايلاپ جىندى ادامشا، ابدەن مازامىزدى الدى. زياراتقا بارعان ادامداردىڭ ءبارى اڭ-تاڭ بولىپ قالدىق. جانتۇرشىگەرلىك ارەكەت دەپ سانايمىن. بۇل قايدان كەلگەن اعىم؟قاسقارايعاندا قاراعاندى وبلىسىنان قونۋعا كەلگەن ەكى ءماشينا ادامدار وسى ارەكەتتەن كەيىن جاعاسىن ۇستاپ، قونباي كەتىپ قالدى. ال بىزدەردى اپارعان تاكسي كەتىپ قالعان، تەلەفونىنا زۆونداپ تۇندە شاقىرىپ الىپ ءبىز دە تۇركىستانعا كەتىپ قالدىق. كىم بىلەدى، تۇندە قونعاندا بىزدەرگە باسقا پيعىلدا ارەكەت جاساي ما دەپ تە قورىقتىق.  ەرتەسىنە كەسەنەگە بارىپ مارات  قالداربەكۇلى دەگەن مولدا جىگىتكە بولعان وقيعانى ايتتىق. اپاي،رەنجىمەڭىزدەر، ەشكىمگە ءتىس جارماڭىزدارشى دەپ بىزگە جالىندى. ءسويتىپ، كەسەنە ماڭىنداعى «شىراقشى» دەگەن اسحانادان تاماق ءىشىپ وتىرىپ، كەشەگى قاراعاندىدان كەلگەن زياراتشىلارمەن جولىعىپ قالدىق. اراسىنداعى جاسى ەگدە تارتقان كىسى بىزدەرگە «بۇلار زىكىرشىلەر، ولارعا جولاماڭدار. بۇلاردىڭ باسشىلارى سوتتى بولىپ جاتىر. ال ۋكاشا قۇدىعى مەن كەسەنەسىنىڭ باسىندا وتىرعان سولاردىڭ شاكىرتتەرى. احمەت ياسساۋي كەسەنەسىنىڭ ديرەكتورى ماۋلەن سادىقبەكوۆ، ورىنباسارى سەيسەنباي احمەت تاعى باسقالارى بارلىعى زىكىرشىلەر ولارعا ايتىپ اۋرە بولماي-اق قوي شىراقتارىم. مەن ماۋلەن سادىقبەكوۆكە تالاي مارتە سىن ەسكەرتپە جاساعانمىن. ايتقانىمنان تۇك شىقپادى. ۋكاشا كەسەنەسى مەن قۇدىعى  ازىرەت سۇلتان مۋزەيىنە قاراستى» دەدى. ءسويتىپ بولعان ءمان جايدى ديرەكتور ماۋلەن سادىقبەكوۆكە ەسكەرتۋگە بارسام، كەڭسە الدىندا كۇزەتشىلەر عانا ءجۇر ەكەن. «اپايلار، بۇگىن كەڭسە دەمالادى. ونىڭ ۇستىنە ديرەكتورى ەڭبەك دەمالىسىندا» دەدى. كورگەنىمىزدى باسشىلارىنا جەتكىزە الماعاندىقتان جازىپ وتىرمىز. سوندا وسىنداي ماسەلەگە بەي-جاي قاراپ وتىرعان قر مادەنيەت جانە سپورت ءمينيسترى ارىستانبەك مۇحامەديۇلى قايدا قاراپ وتىر؟

قۇرمەتتى نۇرتاي ابىقايۇلى!  قۇرمەتتى اسحات قايزوللاۇلى! وسى ماسەلەگە بايلانىستى تەكسەرۋ جۇرگىزىپ، اۋليەلەردىڭ باسىن ەكسترەميستىك ۇيىمعا اينالدىرىپ وتىرعان ازىرەت سۇلتان مۋزەيىنىڭ ديرەكتورى ماۋلەن سادىقبەكوۆ، ۋكاشا اتا مازارىنىڭ مولداسى ۇلىقبەك جۇنىسباەۆتى، قىزمەتشىلەرى بايزاق، تەمۋر، الماس سىندى ەكسترەميستەرگە زاڭدى شارا كورۋىڭىزدى سۇرايمىن.

ارىز جازۋشىلار: اقىلجانوۆا دىلداكۇل، مايماقوۆا گۇلبارام، سەيىتوۆا ايىم.

جامبىل وبلىسى، بايزاق اۋدانىنىڭ تۇرعىندارى 

Abai.kz