استانا قالاسى اكىمدىگىنىڭ جاستار تەاترى 2014 جىلدىڭ 20–23 قاراشا كۇندەرى ارالىعىندا الماتى قالاسىندا گوسترولدىك ساپارىن وتكىزەدى. گاسترول بارىسىندا الماتىلىق كورەرمەن تەاتر رەپەرتۋارىنداعى ۋ.شەكسپيردىڭ «اساۋعا تۇساۋ»، ب.سوقپاقباەۆتىڭ «...كوزىمە ءبىر كورىنسەڭ بالا عاشىق...»،  س.دۇيسەنبيەۆتىڭ «ماحاببات مينياتيۋرالارى»، ق.ءجۇنىسوۆتىڭ «العاشقى ماحاببات» قويىلىمدارىمەن قاتار، جاس بۇلدىرشىندەرگە ارنالعان  «ۇر توقپاق» حالىق ەرتەگىسىن تاماشالاي الادى. ءىس-ساپاردىڭ نەگىزگى ماقساتى جاسامپاز دا جالىندى جاس تەاتردىڭ ونەرىن ەلىمىزدىڭ مادەني استاناسى – الماتى جۇرتشىلىعىنىڭ نازارىنا ۇسىنۋ بولىپ تابىلادى.  

سونىمەن قاتار، الماتى قالاسىندا قاراشا ايىنىڭ 22-30 كۇندەرى ارالىعىندا جاس تەاترلاردىڭ قاتىسۋىمەن وتەتىن حالىقارالىق «وتكروۆەنيە» فەستيۆالىندە تانىمال تەاتر جانە كينو ءارتيسى د.سەرعازيننىڭ رەجيسسەرلىگىمەن ساحنالانعان م.لەۆيدىڭ «جەر مەن كوكتىڭ اراسى» قويىلىمى باق سىناماق.

سپەكتاكلدەر ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنىڭ ساحناسىندا وتەدى.

وسى ايتۋلى ونەر وقيعاسىنا وراي جاستار تەاترىنىڭ ۇجىمى قاراشا ايىنىڭ 20-سى كۇنى  ساعات 17:30-دا  ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنىڭ كونفەرەنتسيا زالىندا (301-كابينەت) باق وكىلدەرىمەن اقپارات بولىسەدى.

ءباسپاسوز كونفەرەنتسياسىنا قاتىسۋشىلار:

ايبولات سەكسەنباەۆ  – تەاتر ديرەكتورى

نۇرقانات جاقىپباي – تەاتردىڭ كوركەمدىك جەتەكشىسى جانە باس رەجيسسەرى، قر ەڭبەك سىڭىرگەن قايراتكەرى 

بەيبىت قۇسانباەۆ – تەاتر اكتەرى

ءادىل احمەتوۆ – تەاتر اكتەرى

ءمادينا جۇماباەۆا – تەاتر اكتريساسى

قۇرمەتتى جۋرناليستەر قاۋىمى! جاستار تەاترىنىڭ ونەرىن تاماشالاپ، اقپاراتتىق دەمەۋ بىلدىرۋگە شاقىرامىز!

جاستار تەاترىنىڭ الماتى قالاسىنداعى گاسترولدىك ساپارىنىڭ كەستەسى:

20 قاراشا، ساع. 18.30 ب.سوقپاقباەۆ «...كوزىمە ءبىر كورىنسەڭ

                                                             بالا  عاشىق...» (ساحنالىق پوۆەست)

21 قاراشا ساع. 18.30 ۋ.شەكسپير «اساۋعا تۇساۋ» (كومەديا)

22 قاراشا ساع. 18.30 س.دۇيسەنبيەۆ «ماحاببات مينياتيۋرالارى»

                                            (تەاترلاندىرىلعان كونتسەرتتىك باعدارلاما)

23 قاراشا ساع. 18.30 ق.ءجۇنىسوۆ «العاشقى ماحاببات» (كومەديا)

20-23 قاراشا ساع. 11.00, 13.00 حالىق ەرتەگىسى «ۇر توقپاق»  

فەستيۆال اياسىندا

24 قاراشا ساع. 19.00 م.لەۆي «جەر مەن كوكتىڭ اراسى» (مەلودراما)

انىقتاما تەل: 8(7172) 701 – 218, 8(7272) 271-42-37, 8701 322 88 28

www.zhastar-theatre.kz                     e-mail: tuz_ast@mail.ru

"اباي-اقپارات"