كولىك قۇرالىن باسقارۋعا سەنىمحات جويىلادى. بۇل تۋرالى كەشە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كاسىپكەرلىك قىزمەتتى تۇبەگەيلى جاقسارتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنىڭ تانىستىرىلىمى بارىسىندا ءمالىم ەتىلگەن.

قازاقپارات جازعانداي،  ۇلتتىق ەكونوميكا ۆيتسە-ءمينيسترى قايىربەك وسكەنباەۆتىڭ ايتۋىنشا، مەملەكەت ءرولىن شەكتەۋ جانە نارىقتىڭ ءوزىن-ءوزى رەتتەۋىن دامىتۋ ءۇشىن كاسىپكەرلەرگە قاتىستى تەكسەرۋلەردى ۇيىمداستىرۋ جانە جۇرگىزۋ تاسىلدەرى قايتا قارالماق. بۇل رەتتە جەكە سالالاردا، اتاپ ايتقاندا سانيتاريالىق-ەپيدەميولوگيالىق قاداعالاۋ، ءورت قاۋىپسىزدىگى، سالىقتىق اكىمشىلەندىرۋ سالالارىندا تەكسەرۋلەرگە بالاما رەتىندە كامەرالدىق باقىلاۋ، اۋديت نەمەسە ساقتاندىرۋ شارالارى ەنگىزىلەدى.

«جەكە كاسىپكەرلىك سۋبەكتىلەرىن تاراتۋ ءراسىمى ايتارلىقتاي وڭايلاتىلادى، سوسىن قۇرىلىسقا رۇقسات الۋ كەزىندەگى راسىمدەردىڭ مەرزىمى جانە سانى قىسقارادى. بۇدان بولەك، جەر پايدالانۋ سالاسىندا جەرلەردى نىسانالى ماقساتتا پايدالانۋ تۇرلەرىنىڭ جىكتەۋىشى تولىعىمەن جويىلىپ، ەلدى مەكەندەر ءۇشىن جەر ۋچاسكەلەرىنىڭ فۋنكتسيونالدىق نىساناسىنىڭ 3 ۇلگىسى ەنگىزىلەدى، ولار: تۇرعىن ءۇي، الەۋمەتتىك جانە كوممەرتسيالىق»، - دەگەن ق. وسكەنباەۆ.

ونىڭ سوزىنە قاراعاندا، مەملەكەتتىك ورگاندارمەن ءوزارا ءىس-قيمىل جاساۋدا ازاماتتاردىڭ نەگىزسىز شىعىندارىن جويۋ ماقساتىندا قۇجاتتار كوشىرمەلەرىن مىندەتتى نوتاريالدى كۋالاندىرۋ، كوممەرتسيالىق ماقساتتا پايدالانىلمايتىن، پايدالانۋ مەرزىمى 7 جىلدان اسپايتىن جەكە اۆتوكولىككە تەحنيكالىق بايقاۋ، سونداي-اق كولىك قۇرالىن باسقارۋعا سەنىمحات جويىلادى.

اباي-اقپارات