بەيسەنبى, 28 ناۋرىز 2024
بيلىك 6615 0 پىكىر 10 قازان, 2014 ساعات 07:59

قازاق قىزى قىتاي كوسەمى تۋرالى فيلم تۇسىرەدى

قىتاي كينەماتوگرافياسىندا تالايدى مويىنداتقان تالانتتى رەجيسسەر جانار ساعاتقىزى جايلى ەستۋىڭىز بار شىعار؟  كاسىبي شەبەرلىگىمەن كوپتىڭ ىشىندە كوزگە تۇسە بىلگەن قانداسىمىزعا قىتاي كوسەمى ماو تسزە دۋن تۋرالى تەلەحيكايانى ءتۇسىرۋ دە سەنىپ تاپسىرىلعان. ميلليوننىڭ ىشىنەن دودانى جارىپ شىعۋ ءۇشىن نە ىستەۋ كەرەك؟

جانار ساعات ەسىمى قىتايلىق كورەرمەنگە جاقسى تانىس. كينوداعى جولى 16 جاسىندا «جەتىم قىزدىڭ ماحابباتى» فيلمىندە باستى رولدە ويناۋىنان باستالدى. ال 1998 جىلى ۋكراينادا تۇسىرگەن «قۇرىش قالاي شىنىقتى؟» فيلمىنەن كەيىن جاناردىڭ باعى جاندى.

جانار ساعاتقىزى، كينورەجيسسەر:

- مەنىڭ دە جولىم اشىلىپ كەتىپ، كوپ ادام جاناردىڭ بار ەكەنىن ءبىلدى. كوپتەگەن ۇسىنىس كەلدى.

بۇگىندە جانار 20-عا جۋىق تەلەحيكايا تۇسىرگەن. سونىڭ ىشىندە «تاڭ سارىدەگى استىرتىن سايىس» تۋىندىسى قىتايداعى تەلەحيكايالار اراسىندا جىل ءفيلمى اتاعىن جەڭىپ الدى. بۇدان بولەك، قىتاي كوسەمى ماو تسزە دۋننىڭ ستۋدەنتتىك ءومىرى تۋرالى ء«بىر ءداۋىردىڭ جاستارى» ءفيلمى وتە جاقسى باعاعا يە بولدى. ونىڭ بىلىكتى رەجيسسەر ەكەنىن مويىنداعان كينومايتالماندار ماونىڭ بالالىق شاعىن ءتۇسىرۋدى سەنىپ تاپسىرادى. 60 بولىمنەن تۇراتىن تەلەحيكايانى تۇسىرگەن 4 توپتىڭ ىشىندە جاناردىڭ جۇلدىزى تاعى جاندى.

جانار ساعاتقىزى، كينورەجيسسەر:

- ءبىر كوسەم جايلى وسىنداي بيوگرافيا ءفيلمىن جاساۋدا، سونىڭ ەڭ العاشقى جيىرماداي سەرياسىن ءبىر قازاق قىزىنا سەنىپ تاپسىرعانى مەن ءۇشىن ۇلكەن قۋانىش. سول سەنىمگە راحمەت دەۋ كەرەك. ول سەنىمدى دە مەن اقتادىم دەپ ويلايمىن.

كوپتىڭ ىشىنەن كوزگە ءتۇسىپ، قىتايداعى ءىرى كينو جوبالارعا قاتىسۋ ءۇشىن نە ىستەۋ كەرەك؟ جانار ءوز قۇپياسىمەن ءبولىستى.

جانار ساعاتقىزى، كينورەجيسسەر:

- ادام وتە كوپ، باسەكەلەستىك وتە جوعارى. سول ءۇشىن ادامدار اراسىنان جارىلىپ كورىنۋ قيىن عوي. بىراق مەنىڭشە، قاي جەردە بولسا دا كورىنۋ ءۇشىن جاقسى قىزمەت ىستەۋ كەرەك.

ول قازاقستاندىق ارىپتەستەرىنىڭ جۇمىسىن قالت جىبەرمەي قاراپ وتىرادى. قازاق كينوسىندا ەسىڭىزدە قالعان فيلم دەپ سۇراعاندا «بالالىق شاعىمنىڭ اسپانى» مەن «جاۋ جۇرەك مىڭ بالانى» اتادى. جانار ساعاتقىزى قازاقستاننىڭ سوڭعى ۋاقىتتا تاريحي فيلمگە كوڭىل ءبولۋىن جاقسىلىققا بالاپ وتىر. ويتكەنى، قىتايدا دا كينويندۋسترياسى ءوز تاريحىن ناسيحاتتاۋدان باستالعان.

24.kz

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3519