بەيرەسمي تولەمدەر مەن پارا بەرۋ بويىنشا قازاقستان 144 ەلدىڭ اراسىندا 80-ورىندا تۇر. بۇل تۋرالى بۇگىن 2015-2025 جىلدارعا ارنالعان سىبايلاس جەمقورلىققا قارسى ءىس-قيمىل باعدارلاماسىن تالقىلاۋ بارىسىندا «نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەك ءمالىم ەتكەن. بۇل تۋرالى Bnews.kz جازدى.

 «حالىقتىڭ بيلىككە دەگەن سەنىمى تۇرمىستىق جەمقورلىقتىڭ دەڭگەيىمەن انىقتالادى. تۇرمىستاعى جەمقورلىق دەگەنىمىز – قارايىم ازاماتتار مەن شاعىن جانە ورتا بيزنەس وكىلدەرى، كاسىپكەرلەر مەملەكەتتىك قىزمەتتى پايدالانعاندا كۇن سايىن جولىعىپ جۇرگەن سانسىز كەدەرگىلەر. باسەكەگە قابىلەتتىلىكتىڭ جاھاندىق يندەكسىنىڭ 2014-2025 جىلدارعا ارنالعان ەسەبىنە قاراساق، قازاقستاندا بيزنەس جۇرگىزۋدىڭ ەڭ باستى پروبلەماسى سىبايلاس جەمقورلىق ەكەنىن انىق بايقاۋعا بولادى. بەيرەسمي تولەمدەر مەن پارا بەرۋ بويىنشا ەلىمىز 144 ەلدىڭ اراسىندا 80-ورىن الادى ەكەن. وسىعان بايلانىستى، «نۇر وتان» جەمقورلىققا قارسى ءىس-قيمىلدار باعدارلاماسىنىڭ جوباسىندا بيزنەستىڭ شىنايى پروبلەماسىن بارىنشا اشىق كورسەتىپ، ونى جويۋ جولدارىن ۇسىنىپ وتىر»،- دەگەن جيىن بارىسىندا ب.بايبەك.

اباي-اقپارات