2015 جىلدىڭ 19 تامىزىندا سىبايلاس جەمقورلىققا جول بەرمەۋ جانە ونىڭ الدىن الۋ جانە «100 ناقتى قادام» ۇلت جوسپارىن ناسيحاتتاۋ ماقساتىندا قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل جاساۋ اگەنتتىگىنىڭ الماتى قالاسى بويىنشا دەپارتامەنتىمەن (بۇدان ءارى - دەپارتامەنت) الماتى حالىقارالىق اۋەجايىندا (بۇدان ءارى - اق) ەڭبەك ۇجىمى وكىلدەرىنىڭ 250 ادامنان استام قاتىسۋىمەن كەڭەس وتكىزىلدى.

سىبايلاس جەمقورلىققا قارسى ساۋاتتاندىرۋ جانە جۇرتشىلىقپەن ءوزارا ءىس-قيمىل جاساۋ دەپارتامەنت ءبولىمىنىڭ باسشىسى ماقساتحان اناپين، قر پرەزيدەنتى نۇرسۇلتان نازارباەۆتىڭ ۇسىنعان ۇلت جوسپارىنىڭ ءبىرىنشى ينستيتۋتسيونالدىق رەفورماسىن جانە 2015-2025 جىلدارعا ارنالعان قر سىبايلاس جەمقورلىققا قارسى ستراتەگياسىن ءتۇسىندىرىپ، الماتى قالاسى دەپارتامەنتىنىڭ سايتىندا جەرگىلىكتى اتقارۋشى ورگانداردىڭ بوس جۇمىس ورىندارى تۋرالى اقپاراتتاندىرۋلاردى ىزدەۋ جۇيەسى پيلوتتىق جوبا رەتىندە قۇرىلعانىن جانە ءار ازامات دەپارتامەنت سايتىندا Almaty-anticorruption.gov.kz دومەنى ارقىلى جەرگىلىكتى مەملەكەتتىك ورگانداردا كەرەكتى بوس جۇمىس ورىندى تاڭداي الاتىنى تۋرالى ايتىپ ءوتتى. سونىمەن قاتار، سىبايلاس جەمقورلىق جانە قۇقىقبۇزۋشىلىقپەن جانە مەملەكەتتىك قىزمەت ساپاسىز كورسەتىلگەن جاعدايدا، اگەنتتىكتىڭ 1494 بىرىڭعاي كونتاكت ورتىلىعىنا شاعىم بابىمەن جۇگىنۋ مۇمكىندىگى تۋرالى اقپارات بەردى.

الماتى قالاسى ماسليحات دەپۋتاتى، اق پرەزيدەنتى ايبول بەكمۋحامبەتوۆ، كورسەتىلەتىن قىزمەت جانە ينفراقۇرىلىمدى جەتىلدىرۋ بويىنشا ءتۇرلى ءىس-شارالار دامىتىلىپ وتكىزىلەتىنى تۋرالى ايتىپ ءوتتى. سونداي-اق، ۇلت جوسپارىنىڭ ءۇشىنشى رەفورماسىنا سايكەس - يندۋستريالاندىرۋ جəنە ەكونوميكالىق ءوسىمدى قامتاماسىز ەتۋ رەتىندە، اق ەكونوميكاعا ۇلكەن ۇلەس قوسىپ، تۇركسىب اۋدانى بويىنشا ەڭ ءىرى سالىقتولەۋشى بولىپ تابىلاتىنى تۋرالى ايتىپ ءوتتى.

اق جاستارىنىڭ وكىلى ارنات احمەتجانوۆ، «100 ناقتى قادام» ۇلت جوسپارىن جۇزەگە اسىرۋدا اق ەڭبەك ۇجىمىنىڭ جاس ۇرپاقتىڭ ورنى جانە مەملەكەت الدىندا تۇرعان ماقساتتارعا جەتۋگە جاستاردىڭ ورنى تۋرالى ايتتى.

ءىس-شارا سۇراق-جاۋاپ فورماتىندا ءوتىپ، قاتىسۋشىلارعا سىبايلاس جەمقورلىققا قارسى تاقىرىپقا وراي كىتاپشالارمەن ساۋالنامالار تاراتىلدى.