استانا. 24 مامىر. قازتاگ - ايناگۇل بەكەەۆا. قازاقستان تۇركياعا اگروونەركاسىپ كەشەنىندە (اوك) بىرقاتار جوبالاردى بىرلەسىپ جۇزەگە اسىرۋدى ۇسىندى. بۇل تۋرالى دۇيسەنبى كۇنى «قازاگرو» ۇلتتىق باسقارۋشى حولدينگىنىڭ (ۇبح) جيىنتىق-ساراپتاما اقپارات پەن حالىقارالىق ىنتىماقتاستىق دەپارتامەنتى ديرەكتورىنىڭ ورىنباسارى  الپامىس وماروۆ حابارلادى.

«رەسپۋبليكا قاجەتتىلىكتەرىنەن اسىپ تۇسەتىن بيداي داقىلدارى ءوندىرىسىنىڭ كولەمى ۇلكەن بولعاندىعىنىڭ ارقاسىندا قازاقستان وسىمدىك شارۋاشىلىعى ونىمدەرىن تەرەڭ وڭدەۋدىڭ ۇلكەن الەۋەتىنە يە. ءبىزدىڭ ەنشىلەس كاسىپورنىمىز- «ازىق-تۇلىك كورپوراتسياسى» بيداي مەن ماي داقىلدارىن تەرەڭ وڭدەۋ بويىنشا جوبالاردى جۇزەگە اسىرۋدى جوسپارلاپ وتىر، ءبىز ول جوبالاردى بىرلەسىپ يگەرۋ ءۇشىن تۇركيالىق ارىپتەستەرىمىزگە ۇسىنىپ كورمەكپىز»، - دەدى ول قازاقستان-تۇركيالىق بيزنەس-فورۋمدا.

ا. وماروۆتىڭ ايتۋىنشا، ءبىرىنشى جوبا قوستاناي جانە سولتۇستىك قازاقستان وبلىستارىنىڭ شەكاراسىندا بيدايدى تەرەڭ وڭدەۋ زاۋىتىنىڭ قۇرىلىسىن قاراستىرادى. جوبانىڭ جالپى قۇنى - $150 ملن.

«ءبىز حولدينگ اتىنان جوبانىڭ جارتىسىن قارجىلاندىرۋعا دايىنبىز، بۇل - $75 ملن. شەتەلدىك ينۆەستورلار دا وسىنداي سوما قوسادى دەپ قاراستىرىلعان. كاسىپورىن 300 مىڭ توننا بيدايدى وڭدەپ، كراحمال، سىرنە، ازىق قوسپالارىن، باسقا دا اۋىل شارۋاشىلىق ونىمدەرىن شىعاراتىن بولادى»، - دەپ اتاپ ءوتتى ول.

استانا. 24 مامىر. قازتاگ - ايناگۇل بەكەەۆا. قازاقستان تۇركياعا اگروونەركاسىپ كەشەنىندە (اوك) بىرقاتار جوبالاردى بىرلەسىپ جۇزەگە اسىرۋدى ۇسىندى. بۇل تۋرالى دۇيسەنبى كۇنى «قازاگرو» ۇلتتىق باسقارۋشى حولدينگىنىڭ (ۇبح) جيىنتىق-ساراپتاما اقپارات پەن حالىقارالىق ىنتىماقتاستىق دەپارتامەنتى ديرەكتورىنىڭ ورىنباسارى  الپامىس وماروۆ حابارلادى.

«رەسپۋبليكا قاجەتتىلىكتەرىنەن اسىپ تۇسەتىن بيداي داقىلدارى ءوندىرىسىنىڭ كولەمى ۇلكەن بولعاندىعىنىڭ ارقاسىندا قازاقستان وسىمدىك شارۋاشىلىعى ونىمدەرىن تەرەڭ وڭدەۋدىڭ ۇلكەن الەۋەتىنە يە. ءبىزدىڭ ەنشىلەس كاسىپورنىمىز- «ازىق-تۇلىك كورپوراتسياسى» بيداي مەن ماي داقىلدارىن تەرەڭ وڭدەۋ بويىنشا جوبالاردى جۇزەگە اسىرۋدى جوسپارلاپ وتىر، ءبىز ول جوبالاردى بىرلەسىپ يگەرۋ ءۇشىن تۇركيالىق ارىپتەستەرىمىزگە ۇسىنىپ كورمەكپىز»، - دەدى ول قازاقستان-تۇركيالىق بيزنەس-فورۋمدا.

ا. وماروۆتىڭ ايتۋىنشا، ءبىرىنشى جوبا قوستاناي جانە سولتۇستىك قازاقستان وبلىستارىنىڭ شەكاراسىندا بيدايدى تەرەڭ وڭدەۋ زاۋىتىنىڭ قۇرىلىسىن قاراستىرادى. جوبانىڭ جالپى قۇنى - $150 ملن.

«ءبىز حولدينگ اتىنان جوبانىڭ جارتىسىن قارجىلاندىرۋعا دايىنبىز، بۇل - $75 ملن. شەتەلدىك ينۆەستورلار دا وسىنداي سوما قوسادى دەپ قاراستىرىلعان. كاسىپورىن 300 مىڭ توننا بيدايدى وڭدەپ، كراحمال، سىرنە، ازىق قوسپالارىن، باسقا دا اۋىل شارۋاشىلىق ونىمدەرىن شىعاراتىن بولادى»، - دەپ اتاپ ءوتتى ول.

«ەكىنشى جوبا ماي داقىلدارىن تەرەڭ وڭدەۋگە باعىتتالادى. ونى قازاقستاننىڭ سولتۇستىك ايماعىندا جۇزەگە اسىرۋ جوسپارلانىپ وتىر. جوبانىڭ جالپى قۇنى - $36 ملن. جوبانى تەڭ نەگىزدە شەتەلدىك ينۆەستورلارمەن بىرلەسىپ قارجىلاندىرۋ قاراستىرىلعان. ول شيكى وسىمدىك مايىن جانە بيوديزەل شىعارۋعا مۇمكىندىك بەرەدى. وسى جوبالاردى بىرلەسىپ يگەرۋ بويىنشا تۇركيالىق ارىپتەستەرىمىزدىڭ بارلىق ۇسىنىستارىن قاراستىرۋعا ءازىرمىز»، - دەدى ا. وماروۆ.

سونداي-اق، ونىڭ ايتۋىنشا، قازاقستاننىڭ وسىمدىك شارۋاشىلىعىنان باسقا، مال شارۋاشىلىعىنىڭ دا ايتارلىقتاي كەلەشەگى بار. رەسپۋبليكا سىرتقى نارىقتارعا ەت ەكسپورتى ءۇشىن ۇلكەن الەۋەتكە يە، ءبىزدىڭ باسەكەلەستىك ارتىقشىلىعىمىز - رەسەيگە جاقىن ورنالاسقانىمىز. بۇل نارىققا شىعۋ ءۇشىن قازاقستانعا قازىر مۇلدەم جوق دەۋگە بولاتىن ونەركاسىپتىك دەڭگەيدەگى زاماناۋي ەت ءوندىرىسىن قۇرۋ قاجەت. بۇل ماسەلەنى شەشۋ ماقساتىندا «قازاگرو» مال بورداقىلاۋ الاڭدارىنىڭ، مال سويۋ بەكەتتەرى مەن ەت كومبيناتتارىنىڭ قۇرىلىسىن قارجىلاندىرىپ كەلەدى.  قازاقستاننىڭ ەت ءوندىرىسى بويىنشا الەۋەتى جانە كولەمى جونىنەن ۇلكەن بولىپ تابىلاتىن رەسەي نارىعىنىڭ جاقىندىعى مال شارۋاشىلىعى سالاسىندا ينۆەستيتسيالىق جوبالاردى جۇزەگە اسىرۋ ءۇشىن بىرەگەي مۇمكىندىكتەر اشىپ وتىر.

«ءبىز تۇركيالىق كومپانيالارعا وسى مۇمكىندىكتەردى پايدالانىپ، كەلەسى جوبالاردى جۇزەگە اسىرۋدى ۇسىنامىز - اقمولا وبلىسىندا 5 مىڭ باس ءىرى قارا مال بورداقىلاۋدىڭ زاماناۋي الاڭىن قۇرۋ، جوبانىڭ جالپى قۇنى - $17 ملن. $10 ملن كولەمىندە ينۆەستيتسيا قاجەت. اقمولا وبلىسىندا 1000 باس اسىل تۇقىمدى ءىرى قارا مال ءوسىرۋ شارۋاشىلىعىن قۇرۋ، جوبانىڭ جالپى قۇنى - $8 ملن. قاجەت ينۆەستيتسيا - $3 ملن-عا جۋىق»، - دەدى  ا. وماروۆ.

سونداي-اق، «قازاگرو» ۇبح جامبىل جانە وڭتۇستىك قازاقستان وبلىستارىندا 100 باسقا ەسەپتەلگەن ەكى ءسۇت-تاۋارلى فەرماسىن قۇرۋ جوباسىن ۇسىنادى، ءبىر ءسۇت-تاۋارلى فەرماسىنىڭ قۇرىلىسىنا قاجەت ينۆەستيتسيا $17 ملن شاماسىندا.

«شەتەلدىك ينۆەستورعا $13 ملن-نان اسا قارجى ينۆەستيتسيالاۋدى ۇسىنىپ وتىرمىز. بۇل جوبالاردى حولدينگ تاراپىنان «مال ونىمدەرى» اق ەنشىلەس كومپانياسى جۇزەگە اسىرادى، ول ىنتىماقتاستىق بويىنشا بارلىق ۇسىنىستاردى قاراۋعا ءازىر»، - دەدى ول.

«قازاگرو» ۇلتتىق باسقارۋشى حولدينگ» اق قۇرامىنا كىرەتىن كومپانيالاردىڭ ينۆەستيتسيالىق اكتيۆتەرىن ءتيىمدى قامتاماسىز ەتۋ ارقىلى رەسپۋبليكا اوك دامىتۋ جونىندەگى مەملەكەتتىك ساياساتىن جۇزەگە اسىرادى.

حولدينگ قۇرامىنا «ازىق-تۇلىك كەلىسىمشارت كورپوراتسياسى» ۇك» اق، «مال ونىمدەرى كورپوراتسياسى» اق، «قازاگروفينانس» اق، «اگرارلىق نەسيەلىك كورپوراتسيا» اق، «اۋىل شارۋاشىلىعىن قارجىلىق قولداۋ قورى» اق، «قازاگروگارانت» اق جانە «قازاگروماركەتينگ» اق كىرەدى.