"قازاق كىم؟"-دەپ، شىنىمەنەن بىلگىڭ كەلسە، باۋىرىم،
كەشەگى — عۇن، كەشەگى — ساق مەنىڭ التىن تامىرىم.

كوك سەمسەرلى، كوك بايراقتى — قاعاناتى كوك تۇرىك،
اتاق-داڭقى جەر جارعاندا — قالعان قانشا شەت ءبىلىپ…

بۇل دا مەنىڭ ەرتەدەن-اق — اسىل تەگىم سانالعان،
تامىرلارداي توعىساتىن — تاراپ-تاراپ سان الۋان.

اڭ تورەسى — كوكبورىنى ەمىپ وسكەن تەگىم بار،
ارپاپالىسقان دۇشپانىما — كەتكەن ءبىراز كەگىم بار…

"كەك ساقتاۋ ما؟"— اتاماڭىز، ءبارىن،ءبارىن كەشىرگەم،
يولىع-تەگىن حاتتارىمدى تاسقا قاشاپ كوشىرگەن.

ەدىل پاتشا — اتيللا بوپ، مەن باتىستى وياتتىم،
ءدۇر سىلكىنگەن — تۇلپار ءمىنىپ، جەتكەن جەرى اياقتىڭ!..

مەكەندەگەن جاۋىنگەر ەل — دەشتى قىپشاق دالاسىن،
كوزبەن كورسەڭ — مەنىڭ قانداي بولعانىما ناناسىڭ!

قىپشاق تىلدە "كۋمانيكۋس كودەكستى" — جازعان ءبىز،
تەك جاعىنان — مۇمكىن اققۋ، مۇمكىن اپپاق قازدانبىز…

(وسىلاردان مۇمكىن سوسىن — "قازاق" بولىپ قالعانبىز)
شىڭعىس حان دا، جوشى حان دا، قۇبىلاي دا — جات ەمەس،

باتىس… ورىس… ايتقانىنداي: "جاۋىزداردىڭ" اتى ەمەس.
ءبىر باستاۋدان، ءبىر انادان — ءبارىمىزدىڭ قانىمىز،

سوندىقتان دا — ولسەكتاعى بىرگە ءبىزدىڭ جانىمىز.
التىن وردا، كوك وردا، اق وردا دا — بىزگە ورتاق،

بارشا تۇرىك قانداستارىم — جانە بۇلار سىزگە ورتاق!
بابىر، جيھان، امىرتەمىر، كەرەي، تاۋكە — قانداسىم،

ۇلى دالا، سەنىڭ داڭقىڭ ماڭگى-باقي سامعاسىن!
ءاز جانىبەك، قاسىم، ەسىم، ەر ابىلاي — حاندارىم،

قاجىر-قايرات كۇشتەرىڭدى — قازاعىما ارنادىڭ!
بۇلاردان سوڭ — ويلى-قىرلى بولدى مەنىڭ تاعدىرىم،

بىراق كوشتەن قالعامىن جوق — ءالى كوپتىڭ الدىمىن.
باۋىرىمدى ەزە المادى — رەسەيدىڭ تەپكىسى،

شىعىن بولدى وسى جولدا — قازاعىمنان كوپ كىسى…
ءاليحانى، احمەتى، مىرجاقىبى — "الاشتىڭ"

حالەل بولىپ، مۇستافا بوپ، ماعجان بولىپ تاڭ استىم!
مەنىڭ تەكتى بابالارىم سوققان توستە قايرالدىم،

ەڭ سوڭىندا بۋىرقانعان — جەلتوقسانعا اينالدىم!
بىزدەن كۇتكەن بابالاردىڭ — اق ءۇمىتىن اقتادىم،

قازاقستان — تاۋەلسىز ەل! اتتى وسىلاي اق تاڭىم!

ال، باۋىرىم، اڭدادىڭ با — ءبىز و باستان عاجاپپىز،

ەلى دە باي، جەرى دە باي — كەمەڭگەر ۇلت قازاقپىز!!!

Abai.kz