ۆولەيبولشى سابينا التىنبەكوۆا قر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ مۇشەسى اتاندى. بۇل تۋرالى Tengrinews.kz ءوز دەرەككوزىنە سىلتەمە جاساپ حابارلادى.

ۇلتتىق كوميسسيا 1998 جىلى ايەلدەردىڭ، بالالار مەن وتباسىلاردىڭ جاعدايىن جاقسارتۋعا قاتىستى ءتيىمدى شارالاردى قولعا الۋ جونىندەگى كونسۋلتاتسيالىق-كەڭەستىك ورگان رەتىندە قۇرىلعان، سونىمەن قاتار، ول وتباسى مۇددەسىن قورعاۋ، ەلىمىزدىڭ مادەني، ساياسي، الەۋمەتتىك جانە ەكونوميكالىق سالاسىنا قاتىسۋشى ايەلدەردى قاجەتتى جاعدايمەن قامتاماسىز ەتۋمەن اينالىسادى.

سابينا التىنبەكوۆا باسىلىمعا بەرگەن سۇحباتىندا "بۇل ءۇشىن وتە قۋانىشتىمىن، سەبەبى مەن پاتريوتپىن. ەلىمە پايدا اكەلگىم كەلەدى", - دەدى. ول سونىمەن قاتار 6 ناۋرىز كۇنى مەملەكەت باسشىسى نۇرسۇلتان نازارباەۆپەن وتكەن كەزدەسۋىنەن العان اسەرىمەن ءبولىستى. "جاتتىعۋ كەزىندە پرەزيدەنت اپپاراتىنان قوڭىراۋ كەلىپ تۇسكەندە، قالجىڭ ەكەن دەپ ويلادىم. باسىندا قاتتى تولقىدىم، بىراق نۇرسۇلتان ءابىشۇلى ادامدى بىردەن باۋىرىنا تارتادى.  ول سپورتتى تاستاماۋعا، ۇلى ماقساتتارعا ۇمتىلۋعا، جارامساقتىق سوزدەرگە بارىنشا نازار اۋدارماۋعا كەڭەس بەردى، اسىرەسە ول ەر ادامدار تاراپىنان ايتىلسا", - دەدى التىنبەكوۆا.

ايتا كەتەر بولساق، 18 جاستاعى سابينا التىنبەكوۆا ءوزىنىڭ سۇلۋلىعىمەن ازيادا 2014 جىلى تانىمال بولدى. ول قازاقستاننىڭ ۆولەيبولدان ايەلدەر قۇراماسىندا وينايتىن جالعىز قازاق قىزى.

اباي-اقپارات