جىل سايىن جەر بەتىندە 800 000 ادام ءوزىن-ءوزى ولتىرەدى ەكەن. ال، قولعا العان شارالاردىڭ ارقاسىندا ون بەس جىلدا قازاقستانداعى سۋيتسيد سانى 37 پايىزعا ازايعان. بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگ بارىسىندا بۇۇ بالالار قورىنىڭ (يۋنيسەف)قازاقستانداعى وكىلى يۋري وكساميتنىي ءمالىم ەتتى، دەپ حابارلايدى BNews.kz.

سپيكەر اتاپ وتكەندەي، الەم ەلدەرى سۋيتسيدپەن كۇرەسۋدىڭ سان ءتۇرلى ءادىسىن ويلاپ تاپسا دا، ءسۋيتسيدتىڭ دە تۇرلەرى ازايماي تۇر. سوڭعى جارتى عاسىر ۋاقىتتا الەم بويىنشا سۋيتسيد دەرتى 60%-عا كوبەيگەن.

«وزگە ەلدەرمەن سالىستىرعاندا، قازاقستان رەسپۋبليكاسىندا ونداي قيىن جاعداي بايقالمايدى. جالپى، سوڭعى جارتى عاسىر ۋاقىتتا الەم بويىنشا سۋيتسيد دەرتى 60%-عا كوبەيگەن. جىل سايىن جەر بەتىندە 800 000 ادام ءوز-وزىنە قول سالادى ەكەن. اسىرەسە، 10-24 جاس ارالىعىنداعى بالالار مەن جاسوسپىرىمدەر وسى ارەكەتكە اۋەس كەلەدى. بۇل رەتتە، بالالارعا زورلىق-زومبىلىق كورسەتۋ فاكتىسى سۋيتسيدكە يتەرمەلەيتىن فاكتورلاردىڭ ءبىرى دەپ اتاۋعا بولادى. ون بەس جىلدا قازاقستانداعى سۋيتسيد سانى 37 پايىزعا ازايعان. سەبەبى، قازاقستان رەسپۋبليكاسىنىڭ ۇكىمەتى مەن قوعامى ءسۋيتسيدتىڭ الدىن الۋ شارالارىنا كوپ كوڭىل بولەدى»،- دەپ اتاپ ءوتتى يۋ.وكساميتنىي.

اباي-اقپارات