سەيسەنبى, 23 شىلدە 2024
قوعام 4849 0 پىكىر 8 شىلدە, 2015 ساعات 17:25

اقش ەلشىسى اق جاعالى ۇلىقتارىمىزعا ۇلگى كورسەتتى

قازاقستانعا ديپلوماتيالىق ميسسيامەن كەلگەن اقش ەلشىسى  دجوردج ا.كرولل مىرزا از ۋاقىتتىڭ شەگىندە «قازاق ءتىلىن ۇيرەنەمىن» دەپ ۋادە بەرگەن بولاتىن. ەلشى ۋادەسىندە تۇرىپ، قازاق حالقىن استانا كۇنىمەن قازاق تىلىندە قۇتتىقتادى.

 

«ۆاشينگتون امەريكا قۇراما شتاتتارىنىڭ جۇرەگى بولسا، استانا قازاقستاننىڭ بەينەسى. استانا – قارقىندى دامىپ كەلە جاتقان تاۋەلسىز قازاقستاننىڭ نىشانى. مەن استانانىڭ بولاشاعى جارقىن ەكەنىنە سەنىمدىمىن. اقش حالقى اتىنان بارشا قازاقستاندىقتاردى شىن جۇرەكتەن قۇتتىقتايمىن», – دەدى كرولل مىرزا.

وسىلايشا كرولل مىرزا استاناداعى اق جاعالى ۇلىقتارعا ۇلگى كورسەتتى. كونستيتۋتسيا بويىنشا مەملەكەتتىك مارتەبەسى بار قازاق ءتىلىنىڭ بيلىكتىڭ جوعارى ەشولونى مەن قارجىلىق ينيستيتۋتتاردا قولدانىلمايتىندىعى، قازاق تىلىندە سويلەيتىن جەرگىلىكتى ۇلتتىڭ ۇنەمى كەمدىك كورىپ، قىسىمعا ۇشىرايتىندىعى تۋرالى شىندىق قازىر باتىس الەمىنە ۇشقىنداپ بولسا دا جەتىپ جاتىر. سول جايتتى قاپىسىز اڭعارعان اقش ەلشىسى بىردەن قازاق تىلىنە دەن قويعان ەدى. ارينە، كرولل مىرزا از ۋاقىتتىڭ ىشىندە قازاق تىلىندە ەركىن سويلەپ كەتە قويماس، بىراق، ديپلومات وسى تالابىمەن-اق كوپ نارسەگە ىقپال ەتەتىندىگىن بايقاتاتىن سياقتى. ياعني، باتىس پەن اقش الەمى قازاقستاندا دەموكراتيالىق قۇندىلىقتاردىڭ قالىپتاسىپ، ءباسپاسوز حالىققا ەركىن اقپارات تاراتۋ ءۇشىن ورىس ءتىلىنىڭ، تۋراسىنا كوشسەك، رەسەيدىڭ قىسپاعىنان شىعاۋى قاجەت ەكەندىگىن ەپتەپ تۇسىنە باستاعانداي. ال، الگىندەي قاجەتتىلىك تەك قازاق ءتىلى ارقىلى جاسالاتىندىعى ەندىگى جۇرتقا ۇعىنىقتى بولسا كەرەك.

Abai.kz   

0 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1376
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 2168
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 2195