جاقىندا ۋكراينا راداسىنىڭ دەپۋتاتى ولەگ لياشكو تۇركيا تەرريتورياسىندا ءتانىن ساۋدالاپ جۇرگەن مىڭداعان رەسەي ازاماتشالارىنىڭ رەسمي بيلىكتەن كومەك سۇراعانىن ايتادى. بۇل تۋرالى joinfo.ua سايتى جازعان.

اتالمىش سايتتىڭ اقپاراتتارىنا سۇيەنسەك، مىڭداعان  ورىس جەزوكشەلەرى الەۋمەتتىك جەلىلەر ارقىلى وزدەرىن تۇركيا قۇلدىعىنان قۇتقارۋدى سۇراعان. قازىرگى تاڭدا 1 ميلليوننان استام رەسەي ازاماتشاسى ء«تۇرلى قىزمەت كورسەتۋ» سالالارى بويىنشا وزگە مەملەكەتتەردە ەڭبەك ميگرانتتارى ەسەبىندە تىركەلگەن.

ال «رەسەي ازاماتتارىنىڭ تۇركياداعى قىزمەت كورسەتۋ سالاسى» پروفسويۋزىنىڭ (بۇل ينتيمدىك قىزمەت تۇرلەرى ۇيىمىنىڭ رەسمي اتاۋى) «ناتاشالارى» تۇركيا مەن رەسەي اراسىنداعى جانجالداردىڭ ۋشىعىپ كەتۋىنە بايلانىستى، جاپپاي ءوز ەلدەرىنە قايتۋعا بەل بايلاعان.  الايدا، تۇركيا تەرريتورياسىندا جەزوكشەلىك جانە وزگە دە جەكەلەگەن قىزمەت تۇرلەرىمەن اينالىساتىن سىلقىمداردى رەسەيدىڭ قايتارىپ الۋعا قۇلقى جوق سەكىلدى.

ۋكراينالىق دەپۋتات ولەگ لياشكونىڭ ايتۋىنشا، تۇركياداعى جەزوكشەلىكپەن اينالىساتىن «ناتاشالار» (تۇركيادا رەسەيلىك جەزوكشەلەردى وسىلاي اتايدى) رەسەي-تۇركيا جانجالدارىنان كەيىن، تۇرىك ازاماتتارىنا ينتيمدىك قىزمەت كورسەتۋدەن باس تارتىپ، نارازىلىق ۇيىمداستىرعان. (Joinfo.ua).

الايدا، تۇرىك جەرىندە ءتان ساۋداسىمەن اينالىساتىن رەسەي ازاماتشالارىنىڭ نارازىلىعىنا نازار اۋدارعان رەسمي مەكەمەلەر جوق كورىنەدى. وزدەرىن سەكس-قۇلدىقتىڭ قۇربانى دەپ ەسەپتەيتىن سىلقىمداردىڭ قايتارعا اقشالارى جوق ەكەن. سوندىقتان، الگى «ناتاشالار» الەۋمەتتىك جەلى ارقىلى رەسەيلىكتەردەن كومەك سۇراعان.

«قىمباتتى ءبىزدىڭ وتانداستار! سىزدەردەن كومەك سۇراپ وتىرعان ء«تۇرلى قىزمەت تۇرلەرىن كورسەتۋ بويىنشا رەسمي ەمەس ۇيىمنىڭ باسشىسى كارينا سىسوەۆا. ءبىزدىڭ ۇيىمدا انتاليا، ىستامبۇل مەن انكاراداعى 5000-نان استام دايارشىلار مەن بيشىلەر تىركەلگەن. ەكى ەل اراسىنداعى قازىرگى جاعدايلارعا بايلانىستى ءبىز پاتريوتتىق سەنىممەن، تۇركيا تەرريتورياسىندا قىزمەت كورسەتۋدەن باس تارتىپ وتىرمىز. ءبىز ءوز وتانىمىزعا قايتۋعا دايىنبىز. ءبىزدىڭ رەسەيگە قايتقىمىز كەلەدى. بىراق،  بىزگە ءوز قاراماعىمىزداعى 5 مىڭنان استام قىزدى ەلگە قايتارۋعا ۇشاق بيلەتتەرى ءۇشىن 17,5 ميلليون رۋبل مەن قىزداردىڭ قارىزدارى ءۇشىن 15 ميلليون رۋبل قارجى كەرەك. ال ءبىزدى مۇنداي سوما جوق. سوندىقتان رەسەيلىك كاسىپكەرلەر مەن شەنەۋنىكتەردەن كومەك سۇراپ وتىرمىز. ءبىزدى قۇتقارىڭىزدار. ءبىز تۇركيا جەرىندە قۇلدىقتا قالعىمىز كەلمەيدى. ءبىزدىڭ وسى ۇندەۋىمىزدى ەستيدى دەپ ۇمىتتەنەمىز» دەپ مالىمدەگەن.

راس، تۇركيا-رەسەي اراسىنداعى جانجالدار كۇن وتكەن سايىن ۋشىققان ۇستىنە ۋشىعىپ كەلەدى. قوعامنىڭ باسقا سالاسىندا تالاس-تارتىس ءورشىدى.  ەندى جىنىستىق ساۋدا بيزنەسى وكىلدەرى دە اتىپ قۇلاتقان سۋ-24 ۇشاعى ءۇشىن تۇرىكتەرگە ساتىلمايمىز دەپ، نارازىلىق كورسەتىپتى. بۇل پاتريوتتىق پا، الدە كوپ سيىرمەن قاتار موڭىرەگەن كوزبوياۋشىلىق پا؟ «ناتاشالاردىڭ» نامىسى  كەنەتتەن ويانا قالعانى قالاي؟ كەزىندە قىرىمدا ورىستار باس كوتەرىپ، پۋتيننەن كومەك سۇراعاندا رەسەي پرەزيدەنتى نە دەپ ەدى؟ ء«بىز ءوز باۋىرلارىمىزدى جىلاتىپ قويىپ، قاراپ وتىرمايمىز» دەمەپ پە ەدى؟!. ءسويتتى دە قىرىمدى تارتىپ الدى ۋكراينادان. ەندى تۇركيادا مىڭداعان ورىس جىلاپ جاتىر. اناۋ-مىناۋ ەمەس، جەوزكشەلىك بيزنەسىنىڭ بيكەشتەرى ەكەن. قىزدار بولسا، العان بەتتەرىنەن قايتار ەمەس. ء«بىز تەك ورىستارعا عانا ساتىلامىز» دەپ تۇر انادايدان. ءوز ازاماتتارىڭىز عوي، پۋتين مىرزا! ناتاشالارىڭىزدى سىزدەر كەرەك قىلماساڭىزدار، تۇرىكتەر ولاردى نە قىلسىن؟! قۇرىسىن، الىپ كەتىڭىزدەر. ايتپەسە، الەم پۋتين سوزىندە تۇرمايدى دەۋدەن تايىنباس.

كەلىسىم تۇركيا

Abai.kz